الحكاية دى خبرات وفروق فردية بين الأزواج لأن الطباع بتختلف بس اللى كل الرجالة بيتفقو عليه :
أنك تكونى هادئة جدا حتى لو فى خناقة ردودك تكون عاقلة وما تستفزيهوش لحد ما يقول اللى عنده وبعد كده الكلام والعتاب منك فى لحظة صفا
وهو هيحترمك جدا ويحس أنك عاقلة ورزينة .لكن فكرى بقى لو قلتى لأأنا قشه وأرد عليه هينفعل أكتر ويتعصب وممكن يغلط وتبقى أنتى اللى جبتيه لنفسك لأن فى وقت المشكلة والزعل الزوج بيبقى عايز يسمع (معلش خلاص أخر مرة، أنا فعلا غلطانه......الخ) أما المناقشة بالعقل والهدوء تبقى بعد الأزمة

كمان ما تخليش يمسك عليكى غلطة يعنى أوعى تعملى حاجة تزعله أو تقولى كلمة تضايقه يعنى خلى كل اللى بيسبب مشاكل برة باب بيتك

بلاش الندية ليه هو يعمل كده وأنا لأ ليه دايما أنا باصالحه وهو مرات قليلة ليه هو بيخاصمنى أنا كمان أخاصمه أنسى الكلام ده خالص طبعا المرأة لها تقديرها وأحترامها لكن الرجل يحب يشعر أنه الرجل فى بيته ويحب يشعر بضعف المرأة وحاجتها ليه والأكتر أنه يحب يشعر أن حب المرأة له أكبر من كبريائها وكرامتها وكل شىء

صالحيه لو زعلان واوعى مرة تخليه ينام زعلان منك
ودايما حسسيه بالحب والحنان خليكى أمه الحنونة وزوجته الصالحة وصديقته العاقلة وحبيبته المليانه أنوثة وأغراء
وربنا يوفق كل البنات لزوج صالح ويهدى لكل المتزوجات أزواجهم ويصلح حال المسلمين