مجلس رجال
على اليسار مقلّط .. وعلى اليمين صالة
ضيوف جالسين
قهوجي يلم الفناجين
وينطر اخر ضيف منهم يهز فنجاله
ضيف يقبل من بعيد
يقوم صاحب المجلس طلال لأستقباله
شخص جالس على اليمين يهمس لجاره :
" هذا احمد اللي جاي بس ماهو لحاله "
" من معه ؟ "
" يبدولي اطفاله "
ويدخل احمد معه ثلاث اطفال
وعند باب الصالة يستقبله طلال
" السلام عليكم "
الكل يوقف
" هلا والله مرحبا عليكم السلام .. حي الله احمد هلا وسهلا .. تفضل .. كيف الحال ؟ "
" هلا طلال ..اعرّفك على عيالي .. ابني صابر عمره ثمان سنين .. لاتستحي سلّم ياصابر
بنتي هالة .. ست سنين .. سلم ياثامر على الجماعة .. وش هذا اللي في يدك ؟؟
اه .. سجايري والولاعة "
عبدالمعين يطالع الساعة .. ويهمس لجاره
" كيف يجيب اطفاله ؟! .. محد منا معه اطفاله .. ليش يجيب اطفاله " : :
السلآم عليكم ورحمه الله وبركآته
أوّل شي بشروني عنكم عساكم طيبين ؟
اذا علي أنا بخييير جعلكم به أسأل عليكم بس ، وآدري بتقولون ما قد شفنالك شي ولا موضوع واحد
بس وش أسوي بيزي بيزي والدنيآ صعبه مرّا < < تكفين شوفي لك تصريفه
بس ترآي متابعتكم موب قآطعه مير مآشوف مواضيع تحمس <<
خلآص بصفط ع جنب و بدخل بالموضووع ، >> تو النآس
.
.
ام حنان .. قومي يابنيتي وبخري البيت وخلي الشغاله تسوي القهوه والشاهي وتجهز الحلى
حنان .. من بيجينا اليوم والله يمه صرت اكره الخميس والجمعه من قرايبنا وبزارينهم
ام حنان .. بتجينا خالتس ام بدر وام بندر
حنان .. لا والله كملت انا طفشت منهم ومع بزارنينهم المزعجين المشكله كل وحده معها شغاله
ليه مايخلون بزارينهم الشياطين في بيوتهم وربي ماصارت مابقى فازه بالبيت الا كسروها
مابقى كومدينه الا اعدموها حتى الثيل اللي بالحوش صار خراابه والسبه ورااعينهم
كل ماجونا قلبوها حفريات وخلو حوشنا دمار والمسبح كله قرااطيس وترااب وش هالحاله يمه مايصير
انتي اختهم كلميهم لا يجيبون بزارينهم الشياطين
ام حنان .. مايصير يمه تعز علي اقول لهم مهما كان هذولي خواتي استحي اقولهم
حنان .. يمه لو يقدرونك ماجابو ورااعينهم الموذين
خلو بيتنا خرابه غير ازعاجهم اللي يصدع الرااس
.
.
.مشهد اظن الكل شافه وعاشه بالحياه الصرااحه احيان بعض القراايب عله على التسبد من وعيااالهم
واللي يقهر زياده مايردونهم اذكر مره جتنا وحده من جيرانا ومشاء الله الجيش اللي معها يدخل قبل تدخل هي
طبعا الجيش بزراينها وتعالو شوفو انواع التخريب في البيت والسفره لا قدمنها اول مايقلط هم
يحوسون بالصحون والكيك وهذاك يمسح بالستاره وهذاك شغال يطفي ويشغل بالتلفزيون
وليتها تكلم وترد بزارينها جالستن فاغره تسولف وتحلي وتقهوا ولاكنها تشوف خراب بزارينها
انا احيان وربي ماتحمل ودي اكفخهم بس امي مستحيل تخليني اقولهم شي
وهاذي سالفه لوحده تقول عماتي لا اجتمعو عند جدتي تنقلب الجلسه هوااش
والسبه البزارين طيب هم بزارين يتهاشون ويترااضون انتم خيييييير ليه تهاوشون ؟
السبه ولدك طق ولدي وهذيك تقول بنتي ماخربت بنتك ساس الخرااب
تقهرني النوعيه اللي ماتشوف خطى عيالها واذا قلتي ليه ماتردين بزرانك
قالت صغار ماعليهم شرها رد سامج مثلها
كله كووم والعزايم كووم حقت الرجال يعني هو عازم نااس مهمين
ويجيك ابن الحلال جايب كل بزارينه الصغار ويقلطون على السفره قبل الضيوف من جد شي يفشل ويقهر
اختم موضوعي بسالفه قصيره
مره كنا بااستراحتنا وابوي عازم خويه وجاب عاائلته المهم هالحرمه مشاء الله بالعه
رادو ماسكتت من دخلت كنها تعرف امي من سنين وعيالها ماغير شغالين يحومون حول المسبح
الصغير قرب من المسبح وجدتي تزهم علي رووحي شوفي البزر لا ياطيح قمت وشلته ودخلته بالصاله
الولد كل شوي رايح المسبح قلت لمه ولدك كل شوي راايح المسبح خطر عليه يطيح انتبهي له
الحرمه ماسكه خط سوالف وتقول ماعليه ياماهر شوف اخووك
اعنبووو هالرااس ولدك فلذت تسبدك ماهمك هامك السوالف والبلع
يعني فوق الاهمال قل سنع
برااسي آسئله واجد بس بختصرهآ لكم
بصرآحه وش رايكم في اللي يآخذ بزارينه معه بكل مكآن ؟
لو جوكم ضيوف عيآالهم عله وشيآطين وكسرو بالبيت اشياء ثمينه وش موقفكمً
تهآوشونهم والآ تخلونهم ؟
اسدحوو لنآ مواقف صارت لكم بسبة هالبثاره من البزارين
لكم المايك بالفضفضه ..
اختكم الهوى الغائب
مخرج..........
مخرج..
ويخرج احمد من الصالة .. فخور بعياله
تارك وراه مجلس .... كان مجلس رجال
وعلى اليسار بقايا مقلط ... وعلى اليمين شبه صالة