آه........زواجي وزيادة عشرين كيلو

اولا السلام عليكم وهذي احلى ورده لاحلى بنات حواء الدبدوبات

:26:

عاد اقولكم
قبل زواجي كان علي جسم رائع بشهادة الجميع زميلاتي خواتي قريباتي با لصراحه كل من عرفني:27: حتى اذكر الوالد كان يهزئني عشان الاكل يقول يابنتي كلي والله لو تتزوجين وتحملين ما يلقى ولدك اي مكان في بطنك يقعد فيه
وبعد كذا جاء العريس وفارس الاحلام :arb: وبدت الافراح واليال الملاح :icon28:

وبدت الخرجات والطلعات وانا من مطعم في ذاك اكل من ذا واطلب من ذاك بس شغاله اكل:10_8_9:
كاني كنت عند اهلي في مجاعه وبدت الكيلوات تاخذ طريقه حتى صار الي ما كان في الحسبان

حملت بعد ثلاث شهور من الزواج يعني با العربي مافيه تفكير بالرجيم والرياضه :7_5_127:

ومرت الايام وولدت وجت بنتي الله يحفظها لكن تعبت بولادتها وتعرفون الخياطه وووووووو والنفاس

لازم تتغذى لان رجلها والقبر ومن هذا الكلام وهجوم على الاكل لازم قال نفاس قال لا والله بس كانت

عذره عشان اشبع رغبتي بالاكل:biggrin: وعلى اني جبتها با لصيف يعني وقت الفراغ والاكل صح

ومشت الايام حتى صرت بالونه تتحرك والله يا زميلاتي اعطوني من ذاك الكلام ويقولون هذا جسم

وحده ما عندها الا بنت والوالد بعد كلامه الي قبل وش تتوقعون صار يقول لما يشوفني اكل يقول خلاص
قومي انتفخت واقوم مستحيه وطفشانه والمصيبه زوجي يجاملني ما يبغى يحطمني يقول جسمك حلو بس لو ينحف بطنك شوي اي هين شوي
بس وش تتوقعون صارت حالتي بعد ما اتذكر وزني الي كان 50 وصار 70 :icon36: يعني زيادة عشرين كيلو لكن لا والف لا :mad2: لازم ارجع زي ما كنت اشوف المدح بدل ما اشوف العكس

الخلاصه:
ادري بتقولون وش دخلنا بس كنت حابه افضفض لكم وبعد ابغى منكم التشجيع عشان ارجع لاول


وختاما هذي كمان ورده ثانيه :26: