كوبونات الراقية تسجيل الدخول

المنتظرة للفرج

آهــــ من الثلاثين والعمر كان إنه تقعد بقلبك حسره قووويه ماتزول ولا الناس ترحم ..

الأسرة والمجتمع •





سلام يابنات
لما تضيق فيني الوسيعه احب افضفض هنا :44:
دام القى منكم قبوول على الاقل

آآه من العمر كان مالك حل فيه :icon33:
والناس بس تقعد تسألك كل شوي كم صار عمرك الحين بالله مو شيء يقهر ؟؟
والا يقعدون يقولون لك شفتي فلانه بسنك
وشوفي كم عندها ولد :44:
تموتين قهر بكل تجمع من هالحريم اللي مايخافون من الله ومو فالحين الا بالتشمت
لا والأمر من كذا يكون من اقرب قريب
وتشوفين الضحكه بالعمد على وجههم
وانتي مابيدك لا حول ولا قوة
تعبت والله وانا اكتم واطنش طنشت كثير
لكن مافيه فايده :44:
الكل يستقلك ويستقل شأنك وينظرون لك
انك هم مامنه فكه :icon33:
وش اقول وش اخلي بس
لا احد يقول لا ما احد يقول انك هم
لا صاروا الناس يقططون كلام بالعمد
ويسمعونك وبوجهك وانتي وش حيلتك
حتى كلمه ماتقدرين تقولين كل يوم اقول بكرا
ربي يعوضني عن صبري وما قل ظني بالله
لكن الناس ماتترك الواحد بحاله ابد
آه ياربي بس الشكوى لغيرك مذله
لكن من قله حيلتي ابفضفض لا انفجر بس

طلبتكم :44:
ما بقى على رمضان الا كم يوم
او ليله ادعوا لي ياربي
يعطيني ما اتمناه ويرزقني فيه
ويعووضني بالخير
انا اشوف كم وحده تيسرت اموره بعد الله
من دعائكم فادعوا لي تكفون
لو على الاقل بهاليوم اللي باقي من رمضان
انا محتاجه دعوه ادعوا ياربي ييسر أموري متعسره تعبت من الانتظار
الله يوفقكم يارب
واعذروني على كلامي بس من قله
حيلتي وهمي الكبير .




72
4K

يلزم عليك تسجيل الدخول أولًا لكتابة تعليق.

تسجيل دخول

ام عبدالرزاق م
ام عبدالرزاق م •
يارب ييسر امري وامرك ويفتح لنا ابواب رزقه انه الوهاب الكريم آمين
يارب فرج همي وهمومهن يارحمن يارحيم آمين
بطيخة المدينة
بطيخة المدينة •
ربي يفرح قلبك ويسعدك وياحبيبتي الناس ماترحم واللي يراعي كلام الناس يتعب طنشي وفوضي أمرك لربك
وربي أحن وأكرم عليكِ
ملوكة السعودية
ملوكة السعودية •
طنشي كلامهم وارميه ورى ظهرك... هم يرمون كلام وانتي تزعلين وتتضايقين وهم ولا عليهم

ادعي وربك ما يخيب عبده
ليش الجحود
ليش الجحود •
يارب ييسر امري وامرك ويفتح لنا ابواب رزقه انه الوهاب الكريم آمين
يارب فرج همي وهمومهن يارحمن يارحيم آمين
حقق حلمي ياقادر
حقق حلمي ياقادر •
اسال الله ان يرزقكي الزوج الصالح اللي يخاف الله فيك امين
لاتياسين وتحرقين قلبك من كلام البشر ورب البشر موجود
رزقك بيجي ياقلبي ويارب يكون نصيبك احلى نصيب الكل يغبطك عليه يارب ويبارك لك فيه ويرزقك الذريه الصالحه
يارب يهل رمضان الجاي عليك وانتي في بيت زوجك وولدك بحضنك يالغاليه انتي قولي امين بس