بسم الله الرحمن الرحيم
السلام عليكم ورحمة الله وبركاته
هلا حبيباتي ..تكفون لاتطلعون من
موضوعي إلآ وأنتم قريتوآ خاتمته أحسن الله خاتماتكم
انا دخلت هالقسم وكلي أمل بالله ثم فيكم
والله ثم والله إني أحس الحل عندكم انا صحيح إني جربت الحلول لكن أحس نفسي عاجزه عن الحل يمكن وحده منكم تنصحني جعلها الله من أهالي الجنان وأحس أنه نصيحتها غير عني وأستجيب..
بس المشكله...!
لحد الحين مادخلت بموضوعي
شكلكم مليتو مني وهذاني مابديت...شكلكم مابتستمرون بقرآئته...!!
بس لا وجودكم يهمني ما أبغى مشاهدات أكثر من ردود لو ترفعون موضوعي أكون شاكره لكم ليوم الدين..
أبدأ....
انا طالبه علم وطالبه لكم حل..
انا عندي إنسانه وآجهتهآ بدراستي وهي معلمه لدي
ما أعتبرها معلمه فقط بل أخت وصديقه وأشوف روحي فيها
حبيتها في الله وحبتني هي..
تهادينا وتحابينا أهديت لها هديه أول مره بسيطه
لكن الهديه مو بثمنها الهديه بتذكرها
واهديت لها هديه بعد فتره ولم تردني...لكن شاء ما كان
في غمضة عين افترقنا...أكيد بتسألون شلون؟!
الجوآب:
كان في يوم من الأيام أهدتني هديه بسيطه ولكن الخجل آآآه من الخجل
استحيت منها وقلت لها لاآآآ..<تصوروا كيف الخجل شيسوي تجرأت وقلت لها شكرآ وأنا من دآخلي فرحه ماتنوصف أقول ياحبي لها تذكرني بهديه..!
ولكن ركضت ورحت وخليتها وهي تناديني ورحت البيت وانا أحس إني بحلم وشعور غريب ماينوصف
ويجي اليوم الثاني وياليتني عند رحمتك ياربي ولا عشت بهاليوم شفت انسانه غير اللي عيوني تشوفها كالعاده
إنسانه جافه بتعاملها معي خزتني خزه ما أنساها هاليوم يمكن بالغت بكلمتي (خزّت)لكن يعلم الله وش كثر حبها بقلبي وأبالغ بكل نظره أو كلمه تسويها وصرت من يومها حساسه ومرت الآيام والآيآم وانا اتأسف لها وتقولي لااا مين قال انا زعلانه..!!!
وباين على وجهها بإنها تطنز..وقلت لها من جد قالت كلك ذوق وكلامها غريب!
ومشت ورآآآآحت...وروحي رآحت من هذاك اليوم
ومرت الأشهر والشيطان لعب بعقلي وصرت أعآملها بجفاف وأناظرها بنظرآت وهي استغربت وباين على وجهها علامات التعجب والدهشه....!!!
لكن انا مظهري غير اسوي نفسي اني ماهمني ومن داخلي مكسوره وأكلم نفسي أقول لااااا إنتِ مو كذا أرجعي لطيبتك..ولكن في شئ يحدني اني اصير كذاااا..ومرت عالسالفه سنتين بس شفتها تغيرت وتمدحني وتجي عندي وتسألني كيفك وقسم اني ارد عليها وانا بتكبر وأقول تمام وأروح وأخليها وأرجع البيت وأصيح وألوم نفسي أقول ليه سويت كذا..!!
بس مادري كل ما اشوفها اتلخبط بالكلام وأطنش...
حسيت إني انا مو انا الأصليه...
أقول وش فيني ياربي وهذه آخر سنه لي وعيوني صدق تفارقها بهالسنه ياربي شسوي بس الحين اللي غلطان انا ايه انا..ليش نخاف من الحقيقه اعترف انا اللي غلطانه لو أنا مكانها أكيد بزعل ليه أحد يردني ويفشلني وبعدها تزآعلني واللي مفروض يزعل هي مو أنا...
أتذكر يوم بكيت بالمدرسه
لأني كنت تعبانه بس متحمله لأني مو طبعي اني ابكي..وصدفه لما شفتها مرت نزلت دموعي والكل سألني قلت لامافيني شئ بس شوي تعب وارهاق..
ها يا أخواتي وش أسوي أدري إنه الشكوى لغير الله مذله..لكن ليش مذله وانا واثقه فيكم بإنكم معتبريني أختكم وصديقتكم
الله يوفقكم ويسعدكم وينولكم اللي ببالكم
شكرآ ألف شكر لقرآئتكم لموضوعي وآسفه عالإطاله طال عمركم..
لاتحرموني ردودكم جملوآ صفحتي بردودكم وعادي لو تعاتبوني متقبله لأن كل من شكيت له هالقصه يقول إنتِ السبب..!!
مودتي وانتظاري لكم...
يلزم عليك تسجيل الدخول أولًا لكتابة تعليق.
أنا صارحتها وقلت لها آسفه لكن هي أحسها شايله بقلبها علي وماألومهآ :(
مشكورين حبايبي عالمرور
لكن أبغى حل يمحي هالسالفه اذا مايامر عليكم عدو..
مشكورين حبايبي عالمرور
لكن أبغى حل يمحي هالسالفه اذا مايامر عليكم عدو..
الصفحة الأخيرة
انا رديت هديتك لاني كنت مستحيه منك
علميها بالحقيقه
والله يسر امرك