الله يعينك ،،، بصراحه معاك خق تتضايقين بس انا اشوف انو مع اخوانه اهون بكثير لما يسافر وحده او مع اصحابه لان الصاحب ساحب وكمان اندنوسيا ع الاقل فيه طبيعه بس البلا اللي يسافرون ع المغرب والبحرين .. واذا زوجك مو مقصر معاك ويحبك لا توقفين عند سفره ويكون سبب لانفصالكم ياكثر اللي معاهم اطفال وزوجها مكرهها بعيشتها ... فكري زين قبل اي قرار تتخذينه 😘

رفع

حبيبتي بعد ما ودعتيه بكلام حلو واستودعيه الله ........ لما يرجع بتاخذين موقف ما ينفع

شوفي حبيبتي قبل فترة كان فيه موضوع مثل موضوعك لأخت من الأخوات ورديت عليها
بس كلامي الان تغير.

قبل شهرين بالضبط سافر زوجي لتركيا مع أصحابه زعلت وثرت واسبوعين ما نتكلم وهوا حاجز ومقرر ومنتهي
وقبلها بسنه كنا مسافرين سوا
وقلي انا محترم وما عندي خرابيط وانا كنت واااثقه فيه بس أخاف عليه
وقلت خلاص ما بيد حيله لا يسافر بزعل
وزيك ودعته بكلمه حلوه واستودعته وكنت معاه بالواتس والاتصال يوميا تقريبا ويرسلي صور وأقوله. واااااو والله ليتني معاك
ولما رجع وصارت مشكله بسيطه وذكرت السفر قالي بالحرف الواحد سفره معاكي وسفره مع أصحابي
لانه عرف اني بتنازل حتى لو زعلت وقالي انه أصحابه قالوله كل حريمنا يزعلون بس بالنهاية بيرضون

الين سبحان الله ...... كشفته بغلطته ما كنت أتوقع انه يسويها
وان صدمت وهو خاف انه أقول لأهلي وأهله
هل انا أبغى اطلق ولا ؟
وانا ما أبغى أطلق والغلط هـ ماهي ذيك اللي تنتهي بها الحياه
وغير انه اعتذر وحلف على القران انها موخيانه وحب على راسي ومع ذلك قلت له ما أبغى اشوفك وله أسبوع ينام بالمقلط
بس فكرت ورتبت كلامي وقلت لازم استغل الموقف لصالحي
وتكلمنا بهدوء وبجديه انه عشان تفتح صفحه جديده لازم يتغير ويوعدني بكذا وكذا وأول شي ذكرته
مافي سفر مره ثانيه مع أصحابك ...... حاول يماطل
بس قلت راضي بشر وطئ ًاوكيه منت راضي. انا رايحه لأهلي وما عاد أبغى أعيش معاك وكنت جاده
لاني مرررررره مقهوره
وغلطته لو عرفوها اهلي او اهله بيطيح من نظرهم
وزوجي اهم شي عنده الناس وصورته قدامهم

الخلاصة انه اتخاذك موقف بعد ما يرجع. ما ينفع
مفروض قبل السفر ..........،.

وحلك بعد ما يرجع بكم يوم تبداين تتناقشين معاه بجديه
عن ذا الموضوع. وانه اخر مره راح تسمحين له
واستغلي اي غلطه يسويها عشان تفتحين موضوع السفر
وتكلمي بجديه وبقوه. مو صرااااااخ. لالا بحزم
وإذا كررها ذيك الساعه خوذي الموقف اللي تبغيه

هاذي نصيحتي لك الحين ماعاد ينفع صدقيني

شوفي حبيبتي هو سافر خلاص الحين خليه يستأنس بس يرجع خذي معه موقف

أنكم لازم وسافرون انتي وياه للعلاج ومنها تمشيه والفلوس الي راح يلعب فيها في اندونسيا وغيره يجمعها لكم تسافرين فيها للعلاج ومنها تغيرين جو ولاعاد تسمحين له يسافر لحاله بكره يتعود ولاعاد يجلس خذي موقف قوي من سفراته وانه لازم يسفرك معه ولازم يتعالج. وان العلاج والطفل اهم مليون مره من السفر وأبرك

قولي أمين الله يرزقك ويرزقني وكل محرومه يارب

يارب يهديه ويصلحه..