حربيه ونعم فيه @hrbyh_onaam_fyh

عضوة نشيطة

آه آه كيف صرنا وكيف كنا ((,,,)) مخنوقه حدي ابي افضفض

السلام عليكم

واللــه احس اني مخنوقه ودمعتي على العين طرافه
بنات

مو عارفه وش اقول اخوي حده تعبان وربي لو تسمعون صدره وهو يكح يروح يجري يدور هواء يفتح النوافذ
ويخرج برا
صدره زففففففففففففففففففففففففففت

ياليتني ولد انا اكبر بنت وبعدي بنت
واخوي توه 13 س مايسوق وابوي ...!! مو موجود
اتصلنا على كذا سواق كلهم ماعطونا وجه الي يقول مشغول والي مقفل والي مغلق
انا اشوفه ماتحمل ودي اصيح لانـــي مالي قدره لااسوق ولا عندي سواق
لو اني ولد مداني اغنيت امي واخواني جبت لهم الي يبون وديتهم
ابوي احلا يام بالاسبوع يروح لاهله واحنا نجلس بالبيت الناس وقت النطر والغيوم تخرج واحنا...الحمدلله
والله تغيرت حياتنا فجأه,,
حتى امي تقول اه على يام اول :icon33: والله كنا سعداء بس وين الي كان وش الي صار
يارب
ياليت عندنا سواق وقت مايروح ابوي نخرج وقت مايمرض احد نوديه
الحمدلله

اسفه ازعجتكم بس ودي افرغ همي اعذروني

يلزم عليك تسجيل الدخول أولًا لكتابة تعليق.

تسجيل دخول

ام رغوده وبس • 13 سنة

ليه مادقون على ابوكم واو تاخذون ليموزين

احبك ياحبيب الله • 13 سنة

ياحياتي انت الله يفرج همك معليش ياقلبي صبري وتحملي الله سبحانه وتعالى اذا احب مؤمن ابتلاه وعرفي هذا بلاء من رب العالمين استغفري وادعي ربك دوووم ان يفرج كربتك وتحملي الله الله في الصدقه ترا لها مفعول عجيب يلا ياعمري الله يحفظك ويحفظ اهلك فمان الرحمن

..{fo0ofo}.. • 13 سنة

ياعمري انتي كلن عنده مشاكل وانتي ادعي بس ان الله ييسر عليكم ويهدي ابوكم ويشفي اخوك,,,
بالنسبه لخوتس اللي فيه ربو سهل علاجه اشروله بخاخ من الصيدليه حق الربو لانكتم يستخدمه والبخاخات انواع كلن على حسب حالته ,,او تقدروت تشرون اله حقة الاكسجين وسعره موب غالي بس مالظاهر انكم تحتاجونه شكل اللي بخوتس ربو بسيط لان الاجواء هاليومين عج ومطر <<حللت حالة اخوتس لانه ابوي الله يرحمه صدره كان تعبان واخوي برضو عشان كذا اعرف هع..
وبالنسبه للسواق كان تقدرون على راتبه زنوووووووووو على ابوتس لمن يوافق هع
وووبس ****لله اكون افدتك...

لمياء قلبها ابيض • 13 سنة

ياعمري على اخوك

رووووحي سوي له كوب يانسون يفتح الصدر و يوسع الشعب الهوائيه

الله يشفيه ويطول بعمره ويصلحه ويسخره لكم

*جمــآن* • 13 سنة

الله يفرج همكم ويشفي اخوك