انكسرت البلازما وانا لسة ماا مداني أفرح فيها
اشتريتها من أسبوع ومن يومها وهي في كرتونها واترجى في زوجي يوديني نشتري لها طاولة ويركبها بس الله يهديه كسول
وبعد انتظار اسبوع رحنا واشترينا الطاولة وركبناها وشغلناها
بس الله يهديه ولدي عمره سنتين خبطها ثلاث خبطات ورا بعض بعصاية ( العصاية بلاستيك مو ثقيلة ) بس للأسف الشاشة من جوا صار فيها 3 كسور او شروخ
شكلها زي النجمة
والله اني بكيت وبكيت من قهري عليها .. جمعت قيمتها بكل كلفة واتمناها من سنة مو من يوم ولا شهر
وآخرتها ما كملت ساعة وهي شغالة
.....
بحثت في قوقل والكل يقول ان سعر الصيانة يقارب سعر الجديدة
تحطمت بصراحة وآخرتها استسلمت وقلت خلاص خليها على ما هي عليه خصوصا ان الخدوش مو كبيرة وما تبان الا اذا جات لقطة الوانها فاتحة
.....
المشكلة قرأت موضوع لشخص صارت معاه وبعد شوية صارت الشاشة فيها خطوط ملونة .. طمنوني هل ممكن تتطور الحالة علما انو لها دحين من وقت اللي صار 5 ساعات وما اتغيرت الخدوش
.........
عندكم حل علما انو الشاشة بلازما سامسونج 43 بوصة ضمان المتبولي
.........
سمعت انو في شاشة حماية تركب على الشاشات تحميها من الكسر .. فين القاها في جدة وبكم
.......
الصور ( صورت الجزء اللي فيه الكسور يعني الشاشة هنا مو كاملة)
هذا والشاشة مطفيه
احس اني يائسة القى حل ما يكلفني كثير .. خصوصا بعد ما قريت مواضيع مشابهة
بس اعتبروا الموضوع فضفضة لأني بجد متضايقة :44:
بس بما انو عندك اطفال صغار ليه ما علقتي الشاشه بالجدار احسن
عشان ما تكون قريبه منهم