آه مانمت البارحه ..

مرحباااااا بناااات شخباااااركم
بدخل بالموضوع على طووول

...

الله يسلمكم انا ساكنة بديرة بعيدة واهلي بديرة .. وانا دايم عند اهل زوجي لان ماعندي احد غيرهم لان اهلي بعدين عني .. طبعا كل ما اروح عند اهل زوجي احس مرتبكين وفي شي خاشينه وحتى زوجي يختفي احيانا مع امه وابوه بالساعات ولمى اساله شنو عندكم يقول ماحب اللقافه مالج دخل عاد انا اموت اذا زوجي قالي كذا.. بس تعودت انه مستحيل يقولي اذا في سر بينهم
ومرت الايام وام زوجي دايم تسالني اهلك ماراح يسافرون هالصيفية قلت لها إلا بيسافرون الاسبوع الجاي للدولة الفلانية وقلت لها وانتو عمتي منتو مسافرين ؟
قالت ويه يا حسرة منين لنا فلووس من تقاعد عمج ماعندنا فلووووس
وكل ما ابي ازورهم يقولي زوجي اهلي مو هنا بالسوق يتقضون للعيد.. انا قلت ايش ؟؟ العيد بعييد .. شكيت الصراحة ان اخته مخطوبة ويجهزون لها ومايبون يعلمونيوماكنت ادري يا غافلين لكم الله يجهزون للسفر..

الا مره كانو عندي ونسولف عن السفر قالو لي منتي مسافرة قلت إلا بعد العيد عشان يبرد الجو وسالتهم وانتو ماخططتو لشي قامو خوات زوجي يطالعون امهم قالت إلا خطننا خططنا نسافر فرنسااا أو مصر قلت زين حلوة فرنساا والله ومتى ان شاء الله ناوين تروحون لان لازم تسون فيزا بدري قبل لايجي رمضان تخيلووو عطتني طااف ولاردت علي وضيعت السالفه واللي يقهرني لازم يحشرون نفسهم يعرفون وين اروح ووين اجي حتى لو ماجيتهم يتصلون فين رحتي امس ماجيتي لنا وهم ماشاء الله مستحيل يقولون شي..
ومن يومين تقولي اخته الكبيرة لاغيرنا مب رايحين فرنسا بنروح دبي اسبوع وارجعين قلت تروحون وترجعون بالسلامة

وقبل امس كنت عندهم .. الا دخلت على ام زوجي تخبز وتحط بالكراتين وتغلف انا شكيت ليه ؟؟؟
ويوم شافتني كنها مسوية جريمة وتطلع الف سبب وسبب .. وثاريها تخبز للسفر

وقلت لها يعطيج العافية عمتي ..
قالت الله يعافيج ماقلت لج يمكن مب اكيد عمج يقول بنروح لبنان مو اكييد للحين ماسويناا شي.. عاد انا رايحه لبنان قبل لازوج مع هلي 3 مرات ورا بعض
وهنا انا انطميت ليش يكذبون علي كاني بزر مره فرنسا ومره مصر واللحين لبنان
وقامت تسالني عمتي شنو احسن شي في لبنان وعن التمشيات والمجمعات والسكن وانا ع نياتي اقولها ..

عاد كنا في الصاله الا جا عمي ومعاه الجوازات هنا كلهم تمنو اني اموت او اختفي .. عاد عمي يحبني كثييير قالي قلت لزوجك من 3 اسابيع تروحون ويانا رفض قال لا ..
ومن شهر وانا ادور حجز نرجع قبل رمضان مافييلااا بنآخذ من رمضان خمسة ايام ..
قلت لعمي تروحون وترجعون بالسلامة متى ناووين تروحون قالي السبت الجاي وانا تعمدت اساله عشان احرج عمتي قدامه ام الكذب فيها...

وبس اختفووو خواته وتضاايقووو وحتى عمتي دكها العرق وقامت تخربط بالكلام والله ان يديها ترتجف وكاني بعبع بالعكس انا احبهم واحب لهم الخير واعتبرها مثل امي بس الله يسامحها .. وانا عادي عندي بالطقلق اللي يطق العدو لايعلمون انهم بيسافرون ان شاء الله بليلتها بس ما احب الكذب اكره ماعندي الكذب والف والدوران قمت من الخوف قالت انا قلت لخواتي اني بروح ولا كان ماودي اعلم وتخربط خرابيط مدري شقالت والله سويت نفسي طز مو مهتمه
وليش طيب هالكره والحسد والغيره .. الحمدلله انا كل صيفية اسافر ايش يعني بحسدهم ولابعلم الناس عنهم ..

عاد قلت بختبر زوجي يوم رجعنا البيت اقوله ممابقى شي على رمضان اهلك مب مسافرين ؟
قال علمي علمج وش دراني انا بعد
قلت اممممم تدري ان عمي اليوم قالي قلت لزوجك تعالو معانا لبنان وعييييت...
سكت وماتكلم قال ماله داعي اقولج وبعدين امي قالت لي لتتقولها ولاتكثرين كلام...:44:


صراحة حز بخاطري انا اللحين مرت ولدهم واحبهم بس مدري ليه يعاملوني كذااا ... بس قلت بقلبي هين ان قلت عن اهلي شي عند زوجي ولاعندهم والله ما اعلم لو يمتوووون
حيييل مقهوة اكثر شي من زوجي ماتوقعت يخبي علي

قولولي هل الموضوع يستاهل اني افكر فيه ؟ ولا اقول طز ب60 داهية
بس شلون اعلم زوجي مايخبي علي شي ويقولي ؟؟؟انا اكره ماعندي ان زوجي يخبي علي شي واعرف من غيري:(