السلآم عليكم
اخباركم خواتي؟
ياخوآتي اعتبروني اختكم الصغيره يعلم الله اني كتبت موضوعي لأني اعتبركم خواتي ابشكي لكم مافيه اشكي له بعد ربي الله يخليكم مابي ردود قاسيه لأني تعبانه وتعبت من البكى:44: بالبدايه انا لي سنه متزوجه وعندي ولد الله يخليه لي المهم ويعلم ربي اني ماقصرت مع زوجي بأي شي وكنت اقوله اذا قصرت معك قلي مدلعته مهتمه فيه مكرمته مبيضه وجهه بالعزايم مامدح نفسي بس ربي يعلم ماقصرت بعد فترة من زواجنا حسيت انه متغير معي مو مثل قبل مع اني ماتغيرت وانا هو انا استغربت بجد وجته فترة اول ماجيت من الاربعين ينام بغرفة ثانيه وعذرة ان الولد يزعجه والله ان ولدي هادي بسم الله عليه مشيتها وصرت انام انا بغرفه وهو ره بغرفه مره نام عندي بالغرفه وكنت سهرانه انوم ولدي بالصاله لما جيت بحط ولدي بسريره الا اشوف جواله رسايل الواتس تطلع ع الشاشه النك اسم نوف وتقول وينك تأخرت وترسل كلام انا خلاص جتني صدمه ماتتصورون كان توة نايم رحت له قلت له بقولك شي بس ابستفسر يمكن اكون غلطانه بالاسم قلت له السالفه وعصب واخذ الجوال وقعد يقلب بالجوال وقال شوفي ياغبيه الاسم ابو نواف انا ضحكت بقلبي تلعب علي انا قريته اسم نوف نوف نوف انا والله متأكدة انه اسم بنت نوف قعد يسبني ويجرحني آخ قال اني نفسيه مريضه سبني وانا قدامه ابتسم ابتسامة الم وحزن ودموعي ملت عيوني والله انه قال كلام لو حده كان راحت لأهلها المصيبه احبه ياربي الطف بحالي حبيت راسه قلت اسفه غلطة بالاسم بس صدقني ذبحتني الغيره لما قريت الاسم ودفني بقوة والله اني احس بألم بداخلي قال انقلعي نامي بالارض يالحيوانه والله ماتوقعت راح يجي يوم يقولي كيذا نمت بالارض ومانمت بس ابكي المهم حسيت اني ظالمته وانا اعرف انه يحبني مستحيل يخوني صد عني اسبوع مايكلمني ويهاوشني وربي تأكدت اني ظالمته المهم ياالله سامحني ورجعت حياتنا مثل قبل المهم مره حلمت انه برا عند باب البيت ويكلم بنت طلعت وانا اسمع صوتها لما تكلمه واخذت الجوال منه وهو يناظر ساكت ولما سمعت صوتها بكيت واصارخ واسبها قلت له عن الحلم ضحك قال لهدرجه حتى بأحلامتس تشكين فيني والله انبني ضميري اني شكيت فيه
مره كنت رايحه للمطبخ الساعه 2 بالليل واسمع صوته يكلم بصوت خفيف انا استغربت لأنه قالي ابنام لاتجيني رحت للمطبخ وطلعت لغرفتي ثم رحت له بقوله لاتنسى بكره تطعيمة ولدي فتحت الباب وليتي مافتحته الا ينزل الجوال ويهاوشني اطلعي اطلعي استغربت طلعت ورحت ابكي والله مو طبيعيه تصرفاته بجد احس اني ساذجه رحت له ابقوله تصبح ع خير دخلت ونزل سماعات الجوال بسرعه وقال نعم وش فيتس كل شوي جايه انصدمت طلعت بدون اكلمه رجت ابكي بفراشي والله تعبت تأكدت انه يخوني حركاته وتصرفاته تأكد هالشي مع اني تمنيت اني اتخيل ولا اظلمه جاء عندي وقال تعالي نطلع للسطح قلت طيب طلع هو وانا اركض ع الغرفه اللي كان يكلم فيها ولقيت جواله مفتوح ع صفحة برنامج دردشه زي برنامج الكيك ولقيت كلام مع وحده اسمها نونه ويسأله وينك خلينا نتكلم صوت مو كتابه آآآه بنات وربي لما قريت هالكلام الدنيا ظلمت بوجهي وبديت احس بحراره بجسمي بقوووة واسمع صوته يركض وانزل الجوال واركض للنشاره قال وش تسوين قلت اباخذ لبس لفلان مستفرغ هو انجن واخذ جواله قال فتحتيه قلت لا عاد انا اقلب بالملابس وانا مكسورة وربي مجروحه تعرفون الالم والحزن كان كاسيني ومابي اناظره واحط عينه بعيني المهم قال تعالي للسطح طلعت معه وكان يقلب بجواله وانا واقفه بكيت قال وش فيتس قلت انت تخوني؟ قال ايش قلت ا وانا دموعي تنزل بقوة انا احبك قصرت معك بشي ؟وهو مفهي ساكت قلت انا اللي حبيتك بصدق انا اللي رخصت عمري عشانك انا اللي حطيتك بعيوني قال فتحتي جوالي ؟قلت ايه وليت ربي اخذ روحي قبل افتحه ورحت دخلت وضميت ولدي وهو نايم وابكي هو جاء لي وحسيت انه متفشل ووجهه احمر نزلت ولدي ورحت لمجلس الحريم وجلست ابكي بكاء مو طبيعي لدرجة ماقدر اشوف من كثر الدموع هو جاء ومدري وش يقول وكنت اصقع راسي بالجدار واتكلم كلامي متقطع من الشهاق والله شكلي يسخف وجلس يضمني ويهديني انا انهرت بحضنه وابقوم منه وهو ماسكني بقوة قلت له اتركني روح لها بنت الكب بنت الحرام بنت الشارع القذره انا بنت ابوي تخوني انا اللي بيوم زواجنا ابوي وامي يوصونك علي مادروا ان بنتهم زوجها يخونها فضل الحقيره وانا اتكلم بصراخ ورحت اركض للمطبخ وجاني وضربني آه حبيبي اللي ماتخيلت ابد انه يمد يده علي عطاني كف يعور قاسي طحت بالارض ومسكني مع ملابسي ودخلني الغرفه ويهاوش وانا لازلت ابكي بقوة وعجزت اسكت ومسك سلك التويصله وضربني ومسك يدي ولفها وصقعني بكل قوة بالجدار ورب البيت اني طحت عجزت اقوم وطلع وقفل علي وبكيت بكيت بكيت بكيت وانبح صوتي واطق الباب بقوة افتح وجلست اسبه من القهر فتحلي وطلعت ورحت لفراشي وانا كل جسمي يعورني حيل اخذت جوالي بكلم امي اخذ جوالي وقال اذا سكتي اقولتس الصدق حاولت اسكت عجزت اناظر فيه ودموعي تزيد مخشت رقبتي من القهر من المر قال ان هذا خويه وانا العب عليه قلت تلعب عليه وهو يكلمك ع انه بنت ماتجي ذي طنشته وانسدحت حسيت اني تبلدت انتهيت نمت قمت وعيوني متورممممممممه بشكل فضيع وهو اول ماقام يكلمني ويحاول يضمني ويتكلم معي وانا مطنشته انا اعرف انه يخوني الحمدلله ع كل حال قلت لأمي وشكيت لها قالت ماقدر اتدخل لانه متهاوش مع امي قالت قولي لأمه كل السالفه وقلت لها وانا ابكي وفديتها انصدمت وكانت معي قالت والله مااخليه وكلمته وهو عصب وقال والله هذا خويي العب عليه وحلف لي قدام امه بالقران انه ولد مو بنت انا ماصدقت وعشان خالتي امه مشيتها ورجعنا زي قبل بس انا لا المهم واليوم قلت عطني جوالك باخذ صورك وارسلها لجوالي انصدمت بصور بنات لابسات بناطيل صور كثيره جلست امسحها وهو يناظر وساكت وفجأه شفت محادثه له مصوره مع وحده يسولف معها وربي من الصدمه نسيت الكلام واخذ الجوال وايقنت انه مازال يخوني وانا كلي انكسار وحزن وبس اناظر ولدي وابكي احسه ضحيه والله مدري وش اسوي تعبت تعبت تكفون قولولي ابي حل مابي اتفاهم معه اعرف بيلف آه بس يارب الطف بحالي الله يخليكم مابي ردود تضايق اللي فيني مكفيني :44:
كاشته بسطح بيتنا @kashth_bsth_bytna
عضوة جديدة
يلزم عليك تسجيل الدخول أولًا لكتابة تعليق.
الله يصبرك إن شاء الله أنا مثلك ومصيبتي اكبر خانني مع زميلتي ورجع يخونني مع بنات
ومن فتره بسيطه خطب والليله زواجه رغم إني سترت عليه ,,,
مادخلت الا عشان أخفف عليك وألزمي الدعاء آخر الليل دعواتك لي بالفرج
ومن فتره بسيطه خطب والليله زواجه رغم إني سترت عليه ,,,
مادخلت الا عشان أخفف عليك وألزمي الدعاء آخر الليل دعواتك لي بالفرج
الله يكون في عونك تقربي لله اكثر بالاستغفار وقيام ليل واكثري من قول لاحول ولاقوة الابالله. واهتمي بنفسك وولدك وحاولي اقول حاولي لاني عارفه انها صعبه شوي تطنشينه ولاتركضين وراه ولاتفتشين لانك بتتعبين اكثر مصيره يمل ويطفش ويرجعلك لان المعاصي مافيها راحه ابدا والله يوفقك ويفرج همك ويبعد عن زوجك بنات الحرام
الصفحة الأخيرة
وقبل لاوصل بيت اهلي ادق على امه واعلمها واقولها والله ماكان رخيص عندي بس هو ارخص نفسه والحين دوركم تادبون ولدكم دامه ماتاب ولاخاف من الله ولا مني
واجلس عند اهلي فتره افلها وانساه الين يتادب
اجل على كيفه يجلدك وهو يخونك بعد وتسكتين له