عواطف تركي :

اتذكر يوم كنت صغيره لسه في مرحلة الابتدائيه يمكن سادس بدأت اكتب مشاعري واللي يضايقني في دفتر ومرت الايام والشهور وكعادتها امي تفتش وتنبش من وراي وطاحت على الكلام اللي بالدفتر ومابقى احد بالبيت ماورته الكلام وتهاوش تقول تتكلم علينا من ورانا وشققت الدفتر فرمته فرم قطع صغيره وحطته بسله في الصاله عشان اشوفه ما احكي لكم عن مشاعري وكيف تعاملت مع الموقف بحساسيه مفرطه بكيت كأن مذبوح لي عزيز كأني خسرت الدنيا كأني فعلاً أيقنت اني وحيده في الدنيا وان اهلي يكرهوني و .. و .. الخ من احاسيس ومشاعر الاحباط والحزن اللي عشتها واستمر وضعي مع اهلي من سيء الى اسوء ولما صرت بمرحلة المتوسطه أقدمت على أول محاولة انتحار اكلت حبوب وشرب ادويه كنت مره محطمه وما ابغى الصباح يطلع علي ما ابغى اعيش ولا ابغى احد وبنفس الليله امي شافتني وشافت الادويه الفاضيه وراحت علمت ابوي ودخل قفل علي باب الغرفه وضربني وكفخني حسيت ان وجهي انشل من الكفوف وانا ساكته ما انطق ولا كلمه بس احس بدموعي وهي تنزل ما اقدر اوقفها ولا امنعها وهو يحقق معي ليش سويت كذا وانشتم وانهان وساكته ماعاد يهمني شي . من بعد هذا اليوم استمريت في دوامة التخبطات والاكتئاب بس الفرق انه انولد في داخلي حس التمرد والاصرار والعناد ووقعت في مشاكل وارتكبت اخطاء واول شخص غريب حن علي بكلمتين حلوين تعلقت فيه وحبيته وطلع مدمن مخدرات ومحشش وانسجن وتعبت نفسياً اكثر من قبل وعلاقتي بأهلي هدأت بعد سنوات لاني استقليت وصرت انا مسؤله عن نفسي لكن لازال فيني صراع نفسي ونوبات اكتئاب حاده تجي بين فتره والثانيه كل حياتي اللي عشتها احس اني انظلمت وراحت طفولتي ومراهقتي وشبابي بدون لا اعيشها مثل كل الناس مهما سامحت اهلي وفتحت صفحه جديده يبقى في داخلي فجوه وكسرة نفس وجرح عميق يا اختي ترى هذي الصغيره بنتك مو عدوتك ولا جارتك ولا ند لك تداحرينها وتجاكرينها وتقسين عليها حرام تهدمون حياتها ثم تلومونها بعدين على اغلاطها اللي هي نتيجة قسوتكم وجفافكم

اتذكر يوم كنت صغيره لسه في مرحلة الابتدائيه يمكن سادس بدأت اكتب مشاعري واللي يضايقني في دفتر...

ألـوان الورد~ :

لا يمكنك مشاهدة هذا التعليق لانتهاكه شروط الاستخدام.