آه يابنات شفته مره ثانيه ورجعت لحالتي الأوليه:(

بنااات أنا كتبت من قبل ان في شخص اتمناه كثيرررر كزوج ويشهد الله ان مابيني وبينه اي كلام ابدااااً بس كان حنون معاي بشكل كبير ويوجهني ويصحح اخطائي بدون لايقول لي هذا خطأ او يقول لمسؤولي اني اخطأت مع ان يسوي هالشي مع غيري وذكرت اني كنت احس بنظراته مع انه مايطالع البنات ابداً ويغض البصر بس احياناً كان غير وبعدين هو يحس بنفسه وهو متدين وايد وهذا اللي عجبني فيه تمنيت زوجي المستقبلي يكون بصورته المهم مادري شلون يفقد السيطره او شي بس انه يتم يطالعني لفتره وأنا امشي او وبعدين اذا حس يمكن اني انتبهت على طول يفر عيونه الحين صارله فتره من راح مكان ثاني وأنا حمدت ربي لان نفسيتي كانت تتعب مابي افكر نفس قبل بشكل مستمر :44: مع ان هالشي ماراح من بالي وتميت ادعي ربي فيه او بغيره والله يكتبه من نصيبي :44: بنااات اليوم جى الشغل لاول مره من روحته وكنت نازله أنا وبنتين لطابق ثاني وهو تجمهروا حوله الموظفين يسلمون عليه وسبحان ربي الناس حوله ويلحقونه ويسألونه بس هو جى مسرع صوبنا قبل لاننزل مع انه مب عوايده يكلمنا وسألنا شخباركم وبعدين يابنات خصني انا ناداني بالاسم وسألني كم سؤال عن احوالي وجذي وهو منزل راااسه وكان مبتسم ابتسااامه عرريضه البنات انصدموا بشكل وانا انصدمت بعد لانه خصني بالاسم والبنات قاموا يعلقون ان شلون هو سوى جذي وقاموا يحذفون علي كلام يقولون لي خربتي المطوع :44: وانه الحركه اللي سواها خفيفه وحركة مراهقين مع ان الموظفتين هو كان مسؤولهم وأنا لا س حسيت بحنيين قووي وشي في قلبي استغفرالله العظيم :44: يعني فرررحت احس بالذنب بشكل كبيرر وأحس قلبي ينعصر بس انا اتمناه وربي بالحلال لأنه شخصية مثاليه بالنسبه لي وشفت معاملته المختلفه وهالشي زادني :44: أحس أفكاري متضاربه وعشان اوضح لكم الصوره لأن بعض البنات علقوا قبل احنا عندنا اختلاط جزئي في العمل لكن مب بشكل كامل وهذا شغلي ومجال دراستي ويشهد ربي اني محترمه نفسي ولا احط كحل واخط عيوني ولا عطر ولا شي وشكلي عاادي اللهم كريم على وجهي وعبايتي وااسعه،، بناات ادعوا لي ربي يريح قلبي ويكتبه من نصيبي:44: أنا اقول لو في ظروف غير يمكن كان تقدم لي هو من أصول ايرانيه "أعجميه" وهالشي في مجتمعنا مايصير ومب شائع ويعتبر من المحرمات في التقاليد الغبيه يمكن هذا اللي ماخلاه يجي وهو شخص له منصب كبير وله وزنه الاجتماعي