آه يالمكياج 💔💔💔

هلا بنات
مالكم بالطويلة

بنات أنا من تزوجت صار لي تقريبا 6 سنوات ولله الحمد والمنة
ريلي مثل أي ريل
لا لا
أقصد مو مثل أي ريل
يا بنات سم ضروسه يشوفني حاطة مكياج
مو أي مكياج عشان ما تقولون تكثرين ويتغير شكلج
ولا المكياج مو حلو عليج
مكياج عبارة عن روج ولا بلاشر
بقول لكم الموقف اللي خلاني أكتب الموضوع عشانه
اليوم روضة بنت الكبيرة وأول يوم لها
و نحن طالعين عند الباب تذكرت إن شكلي باهت وقمت وحطيت بس
وحطو عليها ألف خط بس
حطيت روج مات بيبي بنك
وبس
وفقط
وبسسسسسسس
المهم ركبت السيارة
الله لا يوريكم
قسم بالله ضرابة ع الصبح وأسلوب خاااااايس وصريخ
تقولون مسوية معصية ولا مصيبة
والله نزلت الروضة ودموعي على خدي
صحت لين قلت بس
ما أعرف ليش ما يحب المكياج
تمر علي شهور وشهور وانا بخاطري ملمع شفايف
و ما أحطه عشانه يتنرفز
الله لا يوريكم لو مر علي عرس
أضطر أروح مع وحدة من خواتي عشان ما يشوفني بالمكياج
ولا يوم العيد
يقعد متنرفز طول العيد
وحالته حالة
و عشان تكونون بالصورة
لما أطلع من البيت
اللهم لك الحمد أتغطى
حتى عيوني أغطيها وقفاز و و
طبعا الحرمان حتى في البيت
ممنووووووع أحط مكياج
مرة كنت توني راجعة من عرس ورحت بيت أمي
إتصل قال لي غسلي ويهج و إطلعي لج برع أترياج
و انا مخططة أراويه اللوك يا حسرة 💔💔💔💔
انا والله تعبت
اليوم وصلت بينا للطلاق
لأنه بنظره أنا ما أسمع الكلام وأعصيه
وانا والله كان همي بس أتجمل شوي بس
عشان بنتي بعد تفتخر فيني جدام ربعها
شورو علي شسوي
والله الحالة صعيبة
مو قادرة أطيعه بهالشي
صعب علي والله
يعني أحيانا أظطر أحط
مثل عيد ولا مناسبة
ويقلبها علي نكد 💔💔💔💔