آه يا امي ..

السلام عليكم .. كيفكم ؟؟؟


المهم انا عندي مشكلة وما ابالغ لو قلت مشكلة حياتي ما عرفت كيف اتعامل معها
انا بنت قريب بادخل الثلاثين ما بعد تزوجت <<
علاقتي بأمي بين مد وجزر يوم حلوة وعشر ايام لا
ما احس ذاك الرباط الوثيق اللي يجمعني معها ولا احس بذاك الحنان اللي يتكلمون عنه
ما اذكر بيوم اني ضميتها او ضمتني ما اذكر بيوم انها ابتسمت لي او قابلتني بوجه بشوش
انا انسانة اخاف الله واحاول قد ما اقدر واكثر مما اقدر اني ابرها بس امي تقطع علي الطريق دايم
اقوم واقول ان شاء الله هاليوم بيكون حلو راح اسوي لها واسوي واسوي تجي
هي تنسف كل شي اتمنى والله علاقة طبيعة بيني وبينها زي اي بنت وامها
اتمنى اجي عندها تدعمني تعطينى وجه تعطينى ثقة بس للاسف مالقيت منها الا
خوف والم وحسرة زرعت بقلبي الخوف وعدم الثقة خلتني انام وانا خايفة واقوم وانا خايفة
عيشتني بجو رعب
في مواقف كثيرة تشبهني بالعاجزة اللي ما تقدر تسوي شي
تعبت معها احاول ابرها وهي تصد لو كانت امي معي بقلبها واحساسها كانت
كل المشاكل اللي امر فيها هانت
اتمنى اكون زي البنات امهاتهم متفاهمين معهم يعيشون دورهم الطبيعي بين
اي بنت وامها
ودي اقولها احتاج حنانك يمه اكثر من يوم كنت صغيرة احتاج ابكي على صدرك
لكن لا حياة لمن تنادي
ما ادري احبها او لا ؟ ما ادري هل بيوم اشتاق لها او لا
كنت اتمنى اعيش هالمعاني الغالية بين اي ام وبتنها لكن انا في وداي وامي بوداي ثاني
حتى لما اجي ادعي ربي اقول وش الفايدة دام علاقتي بامي كذا
استغفر الله واتوب اليه
انا محطمة والحزن بعيني ما يروح