آه يا بنات ابي بس كلمة تجبر بخاطري

السلام عليكم ورحمه الله وبركاته

ماني عارفه وش اكتب ومن وين ابتدي بس الله عالم بحالي

بنات ملف المقبلين على اطفال الانابيب انتم اكثر من خواتي بس ماكتبت بالملف لان ابي الكل يكتب لي لو كلمه وحده يجبر خاطري بالهم اللي نزل بي .

طبعا بعض البنات عارفين وضعي بس بقول باختصار..

انا عمري 32 متزوجه من سنتين واشوي

عملت مره تلقيح صناعي ومرتين تلقيج مجهري

وكلهم ولله الحمد فشلو

انا سليمه وكل اموري تمام

اما زوجي كانت معه مشكله بسيطه جدا بالحركه واخذ علاج والحين الحركه طبيعية جدا وكانت كل التحاليل كويسه وممكن الحمل يحصل طبيعي ، لدرجه على تحاليلنا الدكتور قال قبل عمليتي الاخيره واللي كانت قبل شهر ونص تقريبا انه ما يحتاج زوجي يحلل وهذا كان اكبر خطأ ندمانه عليه .

وانا بغرفه العمليات للترجيع خبرني اخصائي الاجنه انه عينة زوجي تعبانه والافضل يشوف الدكتور يعطيه علاج مع انه تلقحت البويضات والتلقيح افضل من المره السابقة والاجنه افضل وعددها اكثر بس ماكانت من الدرجة الاولى معظمها ثانيه وكم واحد ثالثه .طبعا الدكتور رجع الافضل وجمد الباقي .

اخذنا موعد لزوجي وعمل التحليل وهنا كانت الصدمه اللي نزلت علي زي الصاعقه زوجي عينته كثير تعبانه لدرجة صعب الحمل من غير عمليه تلقيج مجهري حاليا والسبب بالعدد والتشوهات مع انه ماكان يعاني ابدا من هالمشكلة.وحتى العملية قال الافضل ما تكون الان لازم بعد كورس علاج كم شهر.

مااقدر اوصف لكم شعوري حسيت اني مو بالدنيا حاولت اكون قوية قدامه بس بعدين انهرت لحالي زي اللي عندي عزيز متوفي حمدت ربي وشكرته وقلت هذا امتحان والله بياجرني عليه لكني مو قادره.
الان لي كم يوم على هالحاله لا نوم ولا اكل زي الناس شايله هم الدنيا صارت عندنا كذا مناسبه احس الناس بوادي وانا بوادي اناظرهم مع اطفالهم واقول بنفسي وانا خلاص يعني اعيش من غير اطفال انا اكتشفت انه الامومه هو حلم حياتي والله ماادري وش اكتب بس ماابي اكره زوجي ولا ابي احس انه سبب تعاستي ياناس صعب احساس مر تكوني سليمه ومافيك شي وكل شي فيك طبيعي بس بسبب زوجك تنحرمين من انك تحملين طفلك وتكوني عاجزة وش اسوي اطلب الطلاق والا اعيش عمري كله كذا ما راح القى زوج مثل زوجي اكيد فيه ايجابيات وسلبيات بس بشكل عام رجال بمعنى الكلمة احس اني دره بين يدينه ومستحيل حد بالدنيا غيره اقدر استأمنه على نفسي واطفالي قلبي متألم عليه مره ما يستاهل بس عاجزه اني انتظر اكثر خايفه من المستقبل خايفه اصبر وبعدين يتعالج ويروح يتزوج غيري لما يكون خلاص راحت علي . وخايفه اصبر واتحمل بيوم مثلا يروح يكلم او يعرف غيري الوحده ما تدري وش مخبيه لها الدنيا وبنفس الوقت حاسه اني مو متحملته ولا ابيه يقرب مني بس احاول اكون طبيعيه قدامه وماغيرت اسلوبي ابدا .

وطبعا مافي اي حد يعرف بمشكلتنا من اول الزواج والعمليات مافي اي حد يعرف غير امي وابوي وهو ماعنده علم انهم يعرفون ويتعاملون معه عادي جدا ماابي اجرحه او انقص من مكانته لانه له مكانته وشخصيته .

الان الدكتور نصحني ارجع المجمد/ لسا جالسه افكر لانهم ضعاف اساسا واحتمال بعد الذوبان مايصلحون او تفشل العملية

وطلب من زوجي ياخذ علاج من برا ولسا ما بدأ فيه لازم نجيبه

وطلب بعد شهرين او 3 شهور نعمل عمليه تلقيح مجهري

وزوجي كان عامل دوالي من سنين والان بستفسر من الدكتور اذا يحتاج برضو او لا ؟؟

بس رجائي الخاص منكم انكم تتحملوني على كل هالفضفضه لان زي ماخبرتكم مافي احد يعرف فاأحس اني مخنوقة وادعولي احتاج معجزة من الله والله كريم قادر يعطيني ويعطيكم وكل محروم .

وخبروني وش اسوي مع العدد والتشوهات ، العدد طبيعي بس افضل نزيده طبعا بس التشوهات هي اكبر مشكله :(

وانا كيف اصبر نفسي وشو اسوي ذبحني البكي اصبر نفسي ان هذا نصيبي بس مو قادرة / اظل مع زوجي والا اروح في حال سبيلي ؟؟ ارشدوني احتاج كلمه دعوه اي شي يخفف الالم احس ان قلبي متفتت :(