آه يا صبايا احس الموووووت فيني من كثر الالم

النفاس متعب خاصة أوله .. وشكلك بكرية ..
شوفي الصدر اغسلية تحت الدش بماء دافئ اقرب للحرارة وراح يدر الحليب ان شاء الله يا ترضعينه ولدك او تشفطينه بالشفاطة اهم شئ لا يقعد بصدرك عشان ما يتحجر ... وكل مرة اشفطي الحليب الزايد من البداية عشان ما يتحجر بصدرك ..
بالنسبة للصدر الملتهب قصدك الحلمات يعني ؟؟ دهنيها بفازلين على طووووول لين يخف الجفاف وبالتالي يطيب او ممكن تأخذين مرهم من الصيدلية لالتهاب الحلمات ..
وبالنسبة للاكتئاب لاتقعدين لحالك خلي سريرك بالصالة عند الصوت والحس وأكثري من سماع القران والذكر وخليك قريبة من ولدك لعبيه وغيري له ...
هي كم يوم ان شاء الله وتقومين بالعافية ...

ذكرتيني كنت زي كذا بغيت اموت من التعب احس اشيل صخور مو صدر بس اختي الله يسعدها ماقصرت شفطتته لي وربي نمت بعدها ارتحت خف شوي وبس احسه بدا يثقل اشفطه ع طول جلست تقريبا اسبوعيا على ماتعلم ولدي يرضع مني عانيت بس الحمدلله عدت.. نصيحه اشفطيه لا تخليه الالم مو من الشفط بس من كثر الضغط.. والله يعينك

حبيبتي هذا لان الحليب تجمع في صدرك وطفلك مارضعته لازم تتصبرين وتخلين طفلك يرضعه جوعيه الين يمسكة بتتعبين في البدايه بس بعدين راح ترتاحين ان شالله وابعدي عن الاشيا الحلوه الي تزيد الحليب هالفتره صدقيني هذا هو الحل مافيه حليب يجلس بالصدر من غير مايطلع بس خلي طفلك يمسكة والحلمات اشتري من الصيدليه مرهم للتشققات علشان مايتعب ولدك بالرضاعه وتتشقق عليك الحلمة اه من عذاب الصدر انا ينزل مع الحليب دم شفت المووووت الله يكتب اجرنا يارب والله يشفيك ولا تنسين جيبي فوطه مغمستها في مويه دااافيه وكمدي فيها صدرك المويه الدافيه تنزل الحليب باذن الله واذا مافاد فيه طريقة جداتنا كانو ياخذون المشط عرفتيه ويمشطون الصدر من فوق الين عند الحلمه علشان ينزل الحليب

وانتي ترضعي خلي وحده من خواتك تدلك صدرك باتجاه الحلمه بشوش
وراح ينزل
وعند الاذخر تبخري فيه مع ماء مغلي يخفف الورم

هذا رابع طفل وكل طفل نفس الثاني يتكتل الحليب ويصير صديد
تعبت ماخليت شي ارهقني السهر والحمى والبكاء
وبروحي بغرفه ماقدر اطلع فوق ومافي احد الناس اجازه ولاهين
دعووواتكم