آه يا قلبي قرار العودة لمسقط رأسه

بعد عشرين سنة زواج وبعد ما عاشوا أولادي وتأقلموا على الرياض قرر زوجي انه ننتقل لقريته وحجته غلاء السكن وقرب الخدمات وأكثر أمان من المدينة
الرياض اللي انولدت فيها وأهلي واخواني وأقاربي كلهم مستقرين فيها راح اتركها بعد اربعين سنة من حياتي
ماني قادرة استوعب الموضوع او اقتنع بحجج زوجي خاصة ان فرص الاستثمار قدامه لكن الكسل يغلبه
وعمله ومدارس اولادي كلها قريبة والحمد لله كل الخدمات قريبة لنا مستشفيات أسواق حتى أقاربنا وأهلي مو بعيدين
وعلاقة أولادي بخوالهم وأولادهم أقوى من عمومتهم اللي متبقين في القرية
المشكلة اننا نشوف القرى ومو شايفة عائلة عايشة كلها في القرية لازم يكون بعض أولادهم او بناتهم برا القرية مو زي الرياض نادرا ما أشوف عائلة مشتتة
انا ما اشتغل واقاربي اللي في القرية مجرد اسم ما تجمعني فيهم اي مناسبة الا اذا صارت في الرياض
حتى المستشفى لما نحتاجه بنضطر نجي للرياض

خواتي اللي عاشت حياة الانتقال تقنعني مع ان الامر اذا قدره الله بيصير برضاي او من دونه