شلــون ابتـدي وشلـــون انتهــي بــس ... مدري وش اخلي ووش أقول ...لكن بقــول كـل اللي بخاطري واللي ودي انكم تقرونه ...
هذا رابط موضوعي السابق ...
http://forum.hawaaworld.com/showthread.php?t=1584166
وآخــر التطـورات تــدرون شصـــار ... بعد الزعــل اللي دام فوق ال8 أشهــر .. من زوجــي .... إليكــم ما حـــدث ...
أول البارح تجهزت لأبو الشباب .. وتسنعت وكان ذاك اليوم كله مو موجود بالنهار فـ استغليت الموقف ورحت للصالون وعملت نيو لوك وقصيت الشعـر ( بدون ما اشاوره بقصة الشعــر )
وتجهزت وتسنعت وتكشخت وذاك الميك أب اللي يشـــق وكني صايره عــــروس من جــديد ( والله ما أبالغ ) يعني تعبت على نفســي في التكشـــخ وبما انها يوم ربوع وبداية ويك إند والنفسيه شوي منفتحه قلت لعل الله يحدث بعـد ذلك أمرا ... ( مع اني والله مو مقصــره من هالناحيه واستخدمت كل الطرق لين استنفذت طاقتي مني )
جا ابو الشباب على الوحده إلا ربع ... وشافني استقبلته بـــ ( هلا حبيبي ...تأخرت علي ...اشتقت لك كثيـــر )
اهو طبعا حط 6000 علامة استفهام وش صاير وتلخبط ... من النيو لوك ...وقصة شعري ... قلت له ( شرايك فيني عجبتك ) قال صايره حلوه ... ( بثقل طبعا )
انا هنا دوروني ....يـــــــــــــــــــــــــــا حلاتها من فمه يوم يقولها انا طـــــــــــرت بداخلي من الفــرح ...وقلت يالله خيـــر ****لله من هاللي سويته تحرك مشاعره شوي وينفتــــــح ...
دخلنا غرفة النــوم وانا المــح له من هني وهناك .... الرجال لسى على طينته ماتغير ... انا واللـــــــــــــــــــه صابني إحبـــــاط إحبـــاط إحبـــاط شديـــــد ياناس وش اسووي بعمـــري يعني اتعاقب طــول عمــري على هالغلطه ...
طلع وراح للصاله وقعد يفرفر بالتلفزيون ويناديني تعالي سوي لي شاهي ... يعني بالله عليكم احين حزة شاهي ... يعرف كيف يبي يحطم مشـــاعري ... والدليل طلبة الشاي اللي مالها داعي ...
رحت وسويت له شاهي وبعدين رحت الغرفه وانا منهاره من اللي يصير وياي ومســــحت كل هالخرابيط اللي بوجهي ونمت وانا مقهـــــــــــــوره والله وادعي يارب وش اللي سويته انا ...
قلت واللــــــــــــــه ما اعديها خلاص .... قمت من فراشي ... رحت له بالصاله ... ناديته قلت له ( حبيبي تبيني اصير لك حيـوانه ) >>> اسفه ع التعبير ...
استغرب من كلمتي وش تقول ذي ( قال لا تقولين عن نفسك كذا ) ... قلت له انا حيــوانه شرايك فيني وماتربيـــت وأستــــاهل كل اللي تسويه فيــــني شـــرايك قال وش بلاك انهبلتي قلت له خلااااااااااااااص انا اكلت الهبال والجنون والخبال وطلعت باللي قلته لك ...
قال وش فيـــك قلت له تعـــرف وش فيني بالضبط قال ما اعرف قلت له وش تفسيـــر هالحقرااااان هذا اللي بتحول علينا سنه وانت كاتمها بقلبك انا بنت غيـــر متربيه وماني كفـــو اني اكون زوجــه لك وعشـــان اكـــون صريــــــــحه معـــك للآخر ...
اذا ماتبيني فــ سهلها علي وعليـــــك والطلاق اذا تشوفه بيشفي غليلك علي .... طلقني وريح نفسك مني ...
قال تعــوذي من ابليس ... وراك ...قلت له حرام عليك فوق ال8 شهـــور معي ولا كنك معي وتقول ( وراك ) قال خلاص انتي روحي نامي احين وبعدين نتكلم .. انا رحت ووالله ان دمعتي على خدي ...
خلاص ان مانهاها هو انا بنهيها وبطلب الطلاااق وخل اللي يدري يدري ... ماعاد فيني روح استحمل كل هالحقراااااان القاسي علي ...
والله دخلت فراشي وانا ابكــي ودموعي تنهاااال من من عيوني رحت وصليت ركعتين ودعيت ربي ان يهديني ويريح بالي ويهدي زوجي ويحننه علي ...
وبعدها نمــــت ووالله مادري كيف جتني النومه سبحان الله كله بفضل القرب من الله والأدعيـــه اللي تهون على الواحد في مشاكله ...
صحيــت الصبح على الساعه 9 ... والا سبحان الله ... جاني الهام من ربي ان هذا الحل هو اللي بيطلعني من اللي انا فيـــه وان بتعوووود المياه لمجاريها قلت ما لك الا تلجئين للشيخ الفلاني ...
طبعا هذا الشيخ دايم دوووم زوجي يصلي وراه ويسئله بمسائل دينيه وبينهم قرب مش طبيعي ( يعني زوجي والشيخ ) ومن كثر ما يتصل عليه زوجي ويسأله بمسائل دينيه عرفت الرقم وحفظته
واخذت ودقيته بجوالي رقم رقم وكل رقم والله احس قلبي بيطلع من صــدري ..
قلت هذا نهاية الحلول عندي صـار وانحلت المشكله فيـــــــــــــــــــــــــــــــــارب لك الحمد والشـــكر وان ما صار فالطلاق افضل حل له قبل لا يكون لي ...
دقيت واسمعـــو ما دار بيني وبين الشيخ بالحرف .. المكالمه صارت الساعه 4 وربع امس العصـر
انا : السلام عليكم ياششيخ
الشيخ : وعليكم السلام ورحمة الله وبركاته
انا : آسفه ياشيخ ازعجتك ادري ان مشكــلتي ما تنقال بهالوقت لكن والله ما لجأت لك الا لأن استنفذت عقلي وعواطفي وكل من هم يعزون علي بوجود حـل ومالقيته وها انا راميه نفسي بين يديك راجية من الله العزيز القدير ان يكـــون الحـــل بيدك وترجع أوضاعي زينه
الشيخ : آمري اختي ***** الل أمرك محلول بإذن الله تفضلي قولي وش تبين تسألين عنه
انا : لا ياشيخ انا جايتك شكايه على زوجي منه لك
الشيخ : ياساتر خير ****لله اختي وش بينك وبين زوجك
انا : ياشيخ زوجي تراه فلان الفلاني وهو صديقك وتعرفه
الشيخ : اي نعم ونعــم الرجل والصــديق خيـر ****لله ...
انا : ( طبعا قلت له المشكـــله اللي صارت بيننا قبل 8 شهـــور واني عطيته كف وماكان من قصد وانه سبني واهاني وانا من عصبيتي ما قدرت اتمالك نفسي )
الشيخ : استغـــــفر الله العلي العظيـــم مابك يا اخيتي لا أحد يعمـــل هذا العمـــل وانتي غلطــــانه بكل المقاييس ولا يجب عليك انك تمدين يدك على زوجك هذا زوجك وحامي عرضك كيف تعملي معاه هذا العمل الشنيــع وحتـــى لو اهانك عندك ربك تلجأين له ما تستخدمين الحل بيدك
انا : ياشيخ واللـــــــه كلامك على عيني وعلى راسي وانا اعترف غلطانه وستين الف غلطانه ووالله اني استاهل كل اللي جاني لكن هل تقف الدنيا على هذه المشـــكله ....؟
الشيخ : والله يا اختي امرك صعب جدا ...
انا : ياشيخ ترا زوجي معاقبني وتدري انه له أكثر من 8 شهــور ما قربني ...
الشيخ : لا حول ولا قوة الا بالله
انا : وياشيــخ انا اعترفت لك بخطأي والله اني غلطانه وتأسفت من زوجي الـــــــــــــى ما مل الأسف مني ودعيت ربي ليل نهار على ان يصلح باله وللأسف مافي أي أمور متطوره بيني وبينه وتراني قررت اني اكلمه يطلقني ... وخلاص كل واحد يروح بحال سبيله
الشيخ : لا حول الله استعيذي من الشيطان اختي ... انتي تعرفين حجم الكلام اللي تقولينه عرش الرحمن يهتز لمن أحد يتطلق وانتي بهالسهوله تطلبي الطلاق
انا : ياشيخ في عـــندك حـــل غير الطلاق ... انا احين بين يديك وأطلب من الله ثم منك ان تحل أمري بطريقتك الخاصه والا الطلاق أنسب حــل
الشيخ : لا ياختي بإذن الله اني راح أكلم زوجك وهذا ما يعني تقليل من حجم خطأك لكن أوعدك بإذن الله ان أمـــورك مع زوجك بتزين و****لله أقوم بالواجب وبنصح زوجك وبطريقتي ****لله اني بهونها عليه وعسى الله ان يعينني على حل ماجرا بينكم وبالنهايه أرجوك اختي اخر حل تفكرين فيه هو الطلاق ترا والله الطلاق أمر مهو بالشي السهل مثل اللي ببالك
انا : والله ياشيخ انا ما جيتك الا يوم لقيتك آخر الحلول وبإذن الله حل مشكلتي على يدك وأنا أطلبك ياشيخ انك توعدني بإن أموري مع زوجي ترجع كما هي ارجــوك انا بين يدين ربي ثم بين يديك ( وانا افشيت سري لك عشاني أمل كبييير بالله ثم فيك انك ماتقصر بالحل )
الشيخ : بإذن الله الأمور تتحسن واكثري من الدعاء وقرائة القران والأذكاااار
انا : مشكـــور يا شيخ وماقصرت وأملي فيــــك كبير بحل مشكلتي و****لله كل اللي قلته بسويه بالحرف .....( مع السلامه )
......
......
هذا كل ما جرى بيني وبين الشيخ .... يمكن البعض بيقول كنت جريئه بالكلام مع الشيخ لكن ياناااااس والله اني اعيش بعذاااااب يومي وقلت مالي الا هالحل ...
زوجي ما جا على العشـــى أدق عليه ... يعطي مشغـــول ... انا قلبي يرقع ... قلت اكيد قاعد يكلمه الشيخ بالموضوع ...
صارت الساعه 8 ما جا ...9 ...ماجا ...
على ال10 ونــــص شرف زوجي وجاني الشقه ...ولا تقولون اني خايفه والله اني مستعـــــده للمواجهه وكلي قوه باكلام خلاص مافي حل.... يعني طلاق ...
جاني بإسلوب غيـــــــــــــر عمـــــــــري وحياتي ماشفته فيــــه
ناداني .....
رحـــت وقبل لا اقعــــد حبيــــت راسه ومن ثم قعدت
انا خــــــــــــــــــــايفه من ردت الفعـــــل وحساتها نهايتي .... وهذي اخر ليله بيني وبينه ...
اخذ يدي وحطه بين يديه وقال لي انا آسف
واللــــــــــــــــــــــــــــــــــــــــــــــــــــــــه اني من غيـــــــــــر شعـــــــور انهــــــــــــــــــــرت وقعـــــدت ابكي ابكي ابكي ودموعي تنهاااااااااااال بقـــــــوه ماني متصورتها انا المخطيه بحقه ويجي ويقول لي آسف
اخذني وظمني بحظنه وبكاي يزييييييد والله اني بكيـــــــت ماعمري بحياتي بكيت مثل يوم أمس ...
قعدت تقريبا ابكي 10 دقايق وهو حاظني ...., ,وانا أبكــــي ...
يوم خلصت بكــى راح وجاب لي ماي وعطاني ياه والله ياجماعه اني مستغربه ياناس وش صار فيـــه وبكيت من جديد لييييييين ما هداني وقال خلاص حبيبتي كل شي بيرجع مثل قبل وأحسن ****لله
بس قال لي خلينا نتصارح مع بعض ...قلت له حاولت لين تعبت بس انت ماتبي تتكلم بهالموضوع ( وانا مثل البزر أتأتئ بالكلام ) قال طيب احين قولي اللي بخاطرك كله ولا تخلين شي انا كلي آذان صاغيه
وفــــــــــــــــــــرغت كل ما بجعبتي ونثرته وتأسفت منه وانه مو من قصد وانا اعتذر منك وما راح تتكرر وان تكررت طلقني ,,,,, قال اشششششش
الا هالكلمه انتبهي اسمعها منك ثاني مره ....
قلت له انت قاااااسي والله قاااااسي ياظالم كل هالحقران فيني حرام عليك والله لو اني واحد بالشارع ما حقدت عليه كل هالحقد
قال خلاص حبيبتي انا فعلا كنت حاط ببالي اني بأدبك لأنك جرحتيني ومافي رجال بالعالم يقبل اللي سويتيه فيني ... وانا زين مني اني تحفضت على تصرفاتي ...قلت له كااااان زين مكفخني ومكسر راسي
على الاقل ارتاح شوي ... قال انا أحبـــك ومستحيل أمد يدي عليك ... وارجع ابكي من جديد ...
يعني الله عطاني زوج رغم اللي سويته فيه شوفو وش كلامه عني ...
قال خلاص يعني نقضيها بكى اليوم ...
قلت له آمر تفضل تكلم .... ( وقفت بكــى )
قال يافلانه تراني بصارحك بشي ... قلت له شنـــو
قال صحيح انا مارديتها لك ومديت يدي عليك لكني .....؟؟؟؟
انا : لكنك شنـــــو .....؟
زوجي : لكني سويت شي ثاني
انا : شنـــو يعني وش سوييت ..
زوجي : تـــزوجت عليك ........................!!!!!!!!!!!!!!!!!!!!!!!!!!!!!!!!!!!!!!!!
والله انكتمت حسرتي بقلبي ودم جسمي كله صار بوجهي ومن هول الصدمه سكت وماكان عندي ولا تعبيــــــر نهائيا الا الصمت .... ودي اتكلم لكن والله انربط لساني ...
قال اي تزوجت ... وحده بعد خلافنا بشهر تقريبا
رجعت ابكـــــي واقول وش اللي سويته بعمري انا .... هدمت حياتي بعصبيتي وانا أبكــــــــــي دم والله ....وهو يهديني وانا ابكــــــــــــــــــــي
قال يابنت الناس خلاص اسكتي .... خلينا نتفاهم
قلت خلاص انا مالي داعي بحايتك والدليل واضح ... وليش معذبني ومخليني معاااك خلاص طلقني ....
قال يابنت انا وش قايل لك لا عاد انك تقولين هالكلمه ...
قلت له وش تبيني اقووول الولش لك .... وارقص لك وافرح لك يا عريس .... دام انك بتسوي فيني كذا ليش معذبني ومخليني على ذمتك امرك بيدك وسرحني وفكني وريحني ...
قال طيب انتي تبين تسمعين السالفه لي نهايتها ولا كيــــــــــــف
انا سكـــــت
قال صحيح اني تزوجت ...... لكن زواج مسيار ....وظلت معي البنت 4 شهور تقريا .... وبعدين طلقتها .... ارتحتي احيــــــــــــــن
انا فرحت .... وبقلبي حرقة وغصه بكـــى وسكــــــون وهدوء تام ...
قال يابنت انا رجاااااال وصعب اني احبس مشاعري .... وقلت بدل لا اطب بالحرام اروح اتزوج ....
وكاني طلقتها ... بس انا تزوتها عشان تطفي رغباتي بــــس
قلت له والله حرام عليك (( وانا راسي بالارض ))
يعني انا اقعد 8 شهـــــور اتزين لك واتكشخ لك عشانك .... وبالنهايه تطلع متزوج ومو عاطيني خبــــر
قال يابنت خلاص والله طلقتها وما طلقتها الا لأني أحبــــك وما ودي بشي يزعلك وكاني هم لي فتره طويله ما سويت شي ....
المهم انا هديــــــــــــــــــــــــــت والحمد لله انه طلقها .... وكان صريح معاي لأبعد الحدود ... وانا بعـــــــد هديـــــــــــــــــت وصارحته بكـــل ما يجول بخاطري ...
وقلت بيني وبين نفسي استاهل ... كل اللي صار لي والحمد لله ياااااااااااااااااااااارب ان انفكت أزمتي ... وانحلت والفضل لله ثم من فضل الشيخ الله يجزاه خيــــر ويسكنه الجنه
مع العــــــــــــلم ان طووووول جلستنا ما تكلم وجاب طاري للشيخ مرررره
تعـــــــــــــــــــــــــــــــــــــبت والله وانا أكتب لكم معاناتي بفرحتي ....
والله اني فرحانه برجعة زوجي لي ........... ويااااااااااااااااااااارب الله يتممها علي وعليـــــــــــــــــــــــه بكل حب وسعاده ...
المهم قال لي خلاص انا طالع احين وبجيك على الساعه 1
انا هنا يرررقع قلبي قلت له طيب أوكي ...
حسيـــــت ان الساعه 1 فيــــها شي .... فــــ أكيد فهمتها منــــــــــــه
وصـــــــــــــــــــــــــــــــــــــــــــــــــــــــــــــــــــــــــــــــــــار اللي صـــــــــــــــــــــــــــــــــــــــــــار
......
والله اني فرحت وفرحتي من امس لي اليوم لا توصف .... الحمد لله ياااااااااااااااااارب ماقصرتو كلكم ... والله وقفتكم لي ما انساها طول عمري
شاركتوني بمشاعركم وعواطفكم ودعوااااااااااااتكم والله ماخيب ظني فيكم
والله انكم خواتي لا والله أعظم من خواتي ... احبكم كلكم
أشكر كل من دخلها شعور حسن تجهاي
أشكر كل من رد علي بموضوعي السابق ...
أشكر كل من دعت لي بقلب صافي
أشكر كل من نصحتني ووجهتني لأي حل كان لإصلاح ما كنت عليه
أشكــــر كل من قرأ قصــــتي .... وتعاطف معـــي ونصحني ودعا لي
أشكـــــــــركم كلـــــــــــــــــــكم ... ياااااااااااااااااااااارب الله يعطي كل وحده فيكم على قد نيتها ... ويوفقكم لعمل الخير ويحنن ازواجكم عليكم ويتمم عليكم وتعيـــــشون حياه هنيــــــه من دون مشاكل
يارب يارب يارب يارب تعطي كل وحده تعاطفت معاي ودعت لي الجنــــــــــــــــــــــه يارب
احس اني الخبط بالكلام وكلامي مش مرتب وطــــــــــــــــــــولتها عليكم لكن لأنكم خواتي
حبيت اقول لكم وش صــــــــــــــــــــــــــــــار بالظبط وما أخلي لكم أي شي لأنكم فعلا زي خواتي وأعظم من خواتي ...
شاكره لكم مقدما على ردودكم
تحيــــــاتي
طـافني الوقت @tafny_alokt
عضوة جديدة
آه يــــــــاقلبــــــي ..... وأخيـــــــراً عـــــدت لنبـــــــضك من جـــــديـــد
71
6K
يلزم عليك تسجيل الدخول أولًا لكتابة تعليق.
وبنت الناس اللي لعب فيها اربع شهور.. وش صار عليها؟؟ (:وبنت الناس اللي لعب فيها اربع شهور.. وش صار عليها؟؟ (:
نفس السؤال دار بخاطري؟!!!
بنات الناس لعبه!! استغفر الله ... من كذا نقول لا ترضى وحده تتزوج مسيار
ترى للأسف راح من القلوب الخوف من رب العالمين في خلق الله وبنات الناس
:(
بنات الناس لعبه!! استغفر الله ... من كذا نقول لا ترضى وحده تتزوج مسيار
ترى للأسف راح من القلوب الخوف من رب العالمين في خلق الله وبنات الناس
:(
بنت الناس رضت لروحه الاهانه
ومن ترضى انه يدخل رجل عليها عند اهلها ويقضي حاجته ويطلع؟
اللي ترضى بكذا لاتزعل ان سوى اللي بغاه وطلقها
ومن ترضى انه يدخل رجل عليها عند اهلها ويقضي حاجته ويطلع؟
اللي ترضى بكذا لاتزعل ان سوى اللي بغاه وطلقها
الصفحة الأخيرة
ان شاء الله انو درس واتعلمتي منه طول حياتك المستقبلية
بس ها.. لا يتكرر الخطأ منك ياقمر ^_^