آيس كريم سهل ومغذي للاطفال

بنتي تحب الايس كريم وصرت اسويه لها في البيت علشان يكون مغذي والسعرات الحراريه فيه قليله وتكون المواد الحافظه كمان قليله قدر الامكان
المقادير
1لتر حليب السعوديه منزوع الدسم
(الصراحه اذا كان كامل الدسم يكون لذيذ جدا وخاصه اذا كان حليب نيدو لانه مليان دسم)
3حبات بيض
3ملاعق كبيره نشا
1كوب سكر
قليل من الفانيليا
(طبعا هذي المقادير لما يكون بنكهة الفانيليا ولما تبين شكلاته ولا فراوله جيبي نكهات بودره)
طريقة العمل
نخفق البيض مع الفانيليا قليلا ثم نضع النشا عليه ونقلب ببطئ
ناخذ الحليب مع السكر وندعها على النار حتى تغلي ثم نرفعها من على النار ونضيف لها خليط البيض ونقلبه حتى يثخن(يصبح ذا قوام )
انا بعدين احطه في فناجين قهوه وارصها في الفريزر واقدمها لعيالي للمكافاه

ملاحظه لما تبين نكهات خذي بودرة الشكلاته مثلا واخلطيها مع شوية حليب تدريجيا علشان ما تتعقد بعدين اضيفيها للحليب على النار.