اول شي
السلام عليكم ورحمة الله
كيف حالكم بنات
اليوم جبتلكم طريقة حلوة وسهلة
بقولكم من وين يتلي الفكرة
دخلت محل مكياج وعيبني آي لاينر
الصراحة كنت مفلسة
بس كان خاطري فيه
بعدين جتلي فكرة اني ليش ما اسويه بروحي وبالالوان اللي ابيها
واللي تبي الطريقة تتفضل معي
نحتاج للعمل
جليتر
فرشاة آي لاينر
ماسكرا شفافة
طبعا أي لون تختارين من اللي عندك ويناسب اللبس اللي
راح تلبسينه
مثلا ذهبي
وقبل هذا اذا حابة تحطين آي شدو حطيه مثلا بتلبسين فستان سماوي
اوتركوازي واللون الذهبي او الفضي اقرب له فاختاري الجلتير اللي يناسبه
وشوفي اما تحطين الاي شدو على كامل الجفن او الجفن المتحرك
بس بخفة مش تغمقين
نبدأ الطريقة
1- تغسلين فرشاة الاي لاينر
واذا عندك آي لاينر مخلص او ماتبينه
تراه يوفي بالغرض
حطي الفرشاة في الماسكرا ورسمي على الجفن من فوق بنفس طريقة الاي لاينر
وبعدين على طول قبل لاينشف
حطي الفرشاة في الجليتر ورسمي مرة ثانية
على اساس يثبت الجليتر
عاد انا مو فنانة في التصميم
تلعوزت الين ماطلع هذا معاي
لون فضي
لون ذهبي
ويمكن يصير بالفازلين بنفس الطريقة بس أنا ماجربتها لاني حسيت الماسكارا اخف
أتمنى الطريقة تعجبكم وتكون سهلة عليكم
والسمووووحة
يعطيكي العافيه بجربها باذن الله
:32: