xxxxxxxxxxxxxxxxxxxxxxxxxxxxxxxxxxxxxxx
xxxxxxxxxxxxxxxxxxxxxxxxxxxxxxxxxxxxxxx
xxxxxxxxxxxxxxxxxxxxxxxxxxxxxxxxxxxxxxx
xxxxxxxxxxxxxxxxxxxxxxxxxxxxxxxxxxxxxxx
8
8
8

كلام مشفر ورقم الشفره مذكور باخر الصفحه

السلام عليكم يالاخوات الغاليات

بشرونى عن حالكم وحال من يعز عليكم

>>>> حنا بخير بس اخلصى من سالفتتس

الحمد لله ... دوم مو يوم

الله يعطيكم الصحه والعافيه

بنات هذى اول مره اتكلم فيها معاكم

وما ادرى من وين ابدا

ولا اعرف راح تعذرونى ولا لا

بس انا بشرح لكم كل شي

وانتم فى النهايه الحكم ...

انا يالطيبات فاتن ... فاتن 2 زى ماتسميني الغاليه فاتن وبس

>>>> اساسا مبين انتس فاتن2 من الثقل اللى حاط(ن) عليتس

فاتن وبس ماتعودنا منها الا الطفاقه والبثاااره

يالطيبات ....

من منكم على وجه زواج ؟؟؟

>>> انا .. وانا .... وانا بعد ... وهم انااااا ... مى توووو

وانا زواجى بعد اسبوع ... وانا مخطوبه

وانا وانا وانااا.......

ماشالله لا حول ولا قوة الا بالله

الله يتمم لكم ويوفقكم ويستر عليكم ويهنيكم

ويرزق كل بنت بالرجال الصالح السنافي (الرجل السنافى هو الصيغه المذكره المرادفه

لكلمة حرمه سنعه مع اختلاف التوجهات طبعاااا فالرجل السنافى

المقصود به الرجل الكامل .... الخالى من كل نقيصه او عيب يعيب رجولته)

البنت لا جاها نصيبها ... وش المفروض عليها ...

>>>>> يوووووه عدى واغلطىىىىى

لازملها تجهز ولازم تتعلم كم لها شغله عشان تمشي حالها ببيت زوجها

ولازم تشوف لو عندها مشكله بشعرها او ببشرتها تبدا بها من بدرىى

ولازملها ...... قائمه طويله ماتنتهى الا بعد العرس بيوم او يومين

لا لا لا لاااااا

خلكم من امور التجهيز والسنع عند الزوج وحمولتك...

انا مااحكى عنها ....

انا احكى عن ........

قبل لا احكى شوفي الصور التاليه

ابوك ... الله يطولك بعمره

لا جا الصبح .... وقمتى ونزلتى تحت وشفتيه

وجيتى لمه وسلمتى على راسه وحبيتى يده

وقلتى له : صبحك الله بالخير يبه .. عساك اليوم احسن

وقام دعالك بالتوفيق والستر

فاكيد بتقولين:

يازين يومى ليش انه بدا بدعوة منك يالغالي

صحيح احيانا الاباء يخورون ( يخور = يخربها)

ويطلعون الاولى والتالى علييييييك

>>>> كيف يعني؟؟

يعنى مثلا .... ابوك تتملكه عاطفة الابوة فجأه

ويجيه احساس قوىىى وغريييييب يلح علييييه

بضرورة تحلق عياله حواليه

فيدعو القاصى والدانى

والحاضر والغايب

واللى يتفرجون على مسلسل

او يطقطقون على النت

الا غصب تقعدون كلكم حوالينىىىىى

والا غصب نتفرج على قناة المستقله

وعندك بعد ذىىىى

احيانا تكونين مالك خلق على شي

بس ودك تقعدين لحالك

وتكون عمتك اللى انتى تحبينها موووت(ايه هين)

جايه (وهى توها امس ساهره عندكم بس جايه اليوم تسلم

على اخوها (اللى هو ابووووك) لانها امس ماشافته...

ويجى ابووووووك ويصااايح

فاتن ... فااااتن ... اااقصد يصايح فلاااااانه

يافلااااانه

وانتى ونصك نووووم ونصك الثانى يقول مالى خلقك

ونصك الثالث ( لا ودارسه رياضيات بعد) يقول مافينى حيييييل تكفون خلونى لحالىى

سم سم يبه

وهو مستمر : فلااااااانه تعاااالى سلمى على عمتس:06:

و ... و .......

والصور في جعبتى كثييييييره ... اكثر من الوان شعار قناة السودان وديكورات برامجه

امك ... الله يخليها لك

نزلتى الصبح ضميتيها على صدرك

شميتى ريحتها اللى شذاهاا من شذا الجنه

وحطيتى راسك على صدرها

وحسيتي بالحنان والامان

لو جو خيروووك وقتها وقالولك

نعطيك كنوز الدنيا وتشيلين راسك من على صدرهاااا

كان قلتىىىى لااا حتى لو عطيتونى عمر ثاااانى

صحيح احيانا الامهات يخربون صورة الامومه لدى الفتيات الرومنسيات الحالمات

(زى سالفة الملاس :23: )

لكن مهما كان ومهما صار( يووووه على طارى مهما صااار ... تذكرت نك فاتن الاولى

مدرى وش صار خخخخخخخخخخخخخخخخخخخخخخخخخخخخخخخخخ من جد

مدرى وش يبي؟؟

بس والله ذا من حقهم وجعلنا نقدر نلحق على جزاهم

الله لا يحرمنا منهم قولو امين بس..

اخوانك ...

صحيح ان اكثر الاخوااااان غثااااا

ان طلبتيهم شي قال طيب بس خل افضى

وصحيح كل ما صبغتي شعرك او حطيتي ميك اب

او لبستي شي جديد قطعوووووك بطنازهم ( التطنيز = التريقه = الاستهزاء)

وتعليقاتهم

وصحيح انك لا جيتي وسويتى فيها انك مره ( اقصد حرمه مو once time:35: الله يستر

لايدخلون مشرفات واحة اللغه الانجليزيه ويشوفون ترجمتى

عاد حلووو كيف افتك(اتخلص) من طلبهم انى اصير مشرفه وياهم)

نرجع لسولافتنا

ايه سويتي فيها انك مره وعملتى لهم حلى او كيكه او شمرتى عن

ساعديك وطبختيلهم غدي (تصغير غدا = انك تطبخين شي واحد مثلا

تسوين سلطه <<< الله يخلف على ام جابتك تطبخين سلطه اجل ؟؟؟

او عشي (تصغير عشاااء) فردووولك انواع التعليقات المحبطه المحطمه

وصحيح انهم حُوَس ( جمع حوسه = عدم الترتيب) وغرفهم دايم حوووسه

وملابسهم منطوله بكل مكان ( منطوله = ملقاة على الارض او على الكنب

او معلقة على باب غرفتهم خخخخخخخخخخخخخخخخخخخخخخخ تجى منهم وربي)

وصحيح انهم دايم يسعسعون لين تالي الليول ( اى انهم يتنزهون الى ساعه متاخره يالبو على

البراءه بس)

ويجونك ونفس الواحد بطرف خشمه واللى يشوفه يقووول انه منكرف طول نهاره

وليله ( منكرف = ارهق عمره فى دراسته او وظيفته)

وصحيح وصحيح وصحييييح ... لو بقعد اعدد على الاخوان كان احتجت منتدى كامل

الا انهم مع ما ذكر

هم العزوة والسند

والحظيظه من كان لها اخو يكفيها ويسندلها لا جار عليها الزمن

الله يحننهم علينا ويجعنا ما نشوف منهم الا كل طيب

وجعلنا ما نعدمهم

خواتك ..

صحيح انهم غثا بعد هم

لكن غثاهم حلوووو وعلى القلب مثل العسل

صحيح ان اختك ممكن مرة تفتح دولابك وتاخذ تنورتك من دون اذنك

وتداوم فيها وتجيك اخر الدوام وبها شق فتاك قاتل غير قابل للاصلاح

وصحيح ممكن تاخذ من ارواجك او عطورك او ساعاتك

وتغيب اثرها(تضيعهااا) اهمال منها

وصحيح يمكن مره تزعجك انتى تبين تنومين ومطفيه اللمبه ومتلحفه وهى عندها

اختبار بكره وطبعا هى ماتحب تذاكر الا بالمكان اللى تعودت عليه

فتجي وتقولك بكل لطف : عنك مانمتىىىى انا عندى اختبار ... وتولع اللمبه

صافقه بك وبكلامك الجدااااار

وصحيح مراااات تكونين حاطه عينك على بلاوز في المحل

وتجين بتشترينه للعيد وتقولين فلانه وش رااايك

تجى تنتفها من ايدك( تنتفها = تنتزعها ) اللللللللله تناسب التنورة اللى بلبسها

لارحنا لعمى ثانى العيد ...

وصحيح مرات تجين تبين تشاورينها على قطعة قماش وتقولين وش راااايك

تقولك : مدرىىى عنك انتى اللى بتشرين ولا اناااا

وصحيح مراات لاسافرت شغالتكم وكان عليك المطبخ

وكنتى وقتها باجازة:35: خاصه (ياخزياه = يادى الكسوف)

وقلتى لها : فلانه تكفين سبّعي ( اجلى = اغسلي) المواعين عني

مره تعبانه ...

وتقولك : اسفه يا قلبى .... كان غيرك اشطر علانه(اختك الثانيه) قبل

شوى نشبت(شحذتها يعني) بحلقى الا اكوي معها الثياب ...

وصحيح وصحيح وصحيح .....

طق <<< صوت فتحة الباب

اكيد فاتن جت

بنات امانه عليكم لا تعلمونها انى دخلت بنكهها وتكلمت هالكلام

بشفر كلامي كل ابووووه

ورقم الشفره هو 76747539***348427482

كل وحده تفكها وتقرا همن تردها هنا ( حشا مفتاح صار )

طيب يالحلوات

تكفووون لاتقولون لهاااااا

اختكم فاتن

سلالالالالالالالالام على احلى فاتن على وجه الخليقه
ماشاء الله لا اله الا الله
قولي امييين واقول اميييين الله يجمعك مع نشبتك زوجك على طاعه وموده ومحبه ورحمه ويجعلك قره عين له ويجعله قرة عين لتس امييين

حبيت اعلمتس اني ادعي لتس الله يوفقتس و يفرحتس بشوفة نبيتس ومن تحبين مثل ما تونسين قليبي في غربتي وتذكريني بسوالف قرايبي واهلي و....


:26: :26: :26:

هههههههههههههههههههههههههههههه
23

والله العظــيـــم انــس شـــــــــي .. ماشـــاء الله علـــيس ...

فــــ وبس ـــــــاتن كلاااااامس عسسسسل كل اللي قلتيه عن الام والابو والاخوان والله مجربينه

الله يخليهـــم لنـــا ويحفظـــــهم آميــــن << كنا قلبنا الموضوع

أما الخوااات للأسف ماعندي << يابنت الحلااال ماحد سألــس

تكفيـــن لاتأخرين علينـا سوالفس توسع الصــدر ومـاتنــــــمل ..

ياحبـــــــــــــــــــــــــي لــــس فاتـــــــــــــــــــــــن وبسسس :24:

رووووعه التعليقات كلها تنطبق علي خااااااااااصة الأخوات الحبيبات <<وحده تصرف خايفه لا يدخلون ويقرون
كلامي>>0000



يالله فاتن كملي



ننتظرك002323232323232323232323232هذي صارت شفرة ثانيه00