فاتن2:السلام عليكم ...
هلا حبايبي
كيفكم ؟؟ عساكم بخير
معليش حبايبي ابيكم تعذرون اختى ،؛، فاتن وبس ،؛،
اليوم اخلاقها مأتّشه شوىىىى ( معليش عندها اجازة وعاد تعرفون النفسيه
لا جتكم العمه <<< مو عمتى اخت ابوى لا ذى عمتى انااااا افهموها عاد:35: )
معليش بنات اضطريت اقطع عليكم السالفه ذاك اليوم لان فاتن فتحت على الباب
وخفت تشوفنى وانا داخلتن بنكها ( بـ نكّها مو بنكها تبطى عظم يكون لها بنك)
وعلى فكرة تراها الحين جنبي وبيدها كاس قرفه
فلا احد يحش فيهااا فكوناااا منـ ......
فاتن وبس: احلىىىىىى سلااام لاحلىىىى بناااااات في الدنيااااااا
فاتن2:وجععع فاااتن هاتى الكيبووورد خليني اكممممممل
اييييييه وين وصلناااااا
صح دحدروااااااا <<< ببالها تقلدنى انا فاتن وبس
زى ما قلت لكم يابناااااات
انا الحين عمرى 23 سنه .... يعنى عمررررررر
تخيلووووووو 23 سنه اصبح على نفس الوجيه وامسي بهااااا
اكل معها واشرب
اتهاوش معها والعب
اضحك معها وازعل عليها
تضحك معي وتزعل على
تطقنى واطقهاااااا
تلحقنى والحقهاااااا
تشاورنى واشاورهااا
تحاورنى واحوارها
تناحرنى(تعاند) واناحرها
يالله يعنى جربت معها جميع العلاقات الانسانيه الممكنه ( مو كلها طبعااااااا :35:
فاتن وبس : صح لسانتس يا فاتن2 وانا بحط اضافه صغنونه على ماذكر وهي:
امى وابوى اول حب عرفته في حياتى ( ثالث حب بطله بهى الصلعه :rolleyes:)
اختى واخوى ثانى حب عرفته ( عرفتو ليش قلت ان حبي مع بهى الصلعه كان ترتيبه
الثااالث ... ياويلىىىى منكم ... حرييييييم على طول شاهقتووو يوم قلت انه الثالث
وشفت ثنتين قامو يتساسرون(يتهامسون) :39:ويقولون ياخزياااه اذا ما استحت من
الله كان استحت من خلقه ولا قالت ان بحياتها رجلان <<< قولو قسم
فاتن2: مشكوره يالغاليه وماقصرتي على الاضافه اللطيفه
انثبري الحين خليني اقول وش عندي .........
طول عمرىىىى انوم انا وخواتى بغرفة وحده
ماشالله ( مداخله من فاتن وبس: تراها مصدقه عمرها انها هى انا ... خذوها على قد عقلها)
عندى 6 خواااااات وطول عمرنا مع بعض ننوم ونقوم مع بعض
ناكل ونشرب مع بعض... نلبس ونلبس مع بعض(مالقيت كلمة ماشيه معها) ...
نحفظ وندرس مع بعض
بعضنا كان بالثانوى وبعضنا بالمتوسط وبعضنا بالابتدائي وبعضنا بعده مادخل المدرسه
الكبير ياكّل ويشرّب ويلبّس وينوّم ويقعّد الصغير
الكبير يذاكر ويدرس للصغير
الكبير يتفلسف على الصغير
والصغير يحترم الكبير
والصغير يجيب مويه للكبير لانه صغير وصغير القوم خادمهم
الصغير يجيب اغراض الكبير من غرفته لانه هو صغير وهذاك كبير
الصغير ينطم وياكل مية تبـ ؟؟؟ تراب والكبير كلامه يسيح دم الف غراب
<<< لا تشرهون عليها الوسطىىىىى لا لحقت على سلطة كبار ولا دلع صغار
شفتوووووووو
كيف ان الوحده منا مع اهلها كنهاااا علكه بشوشه ( ترى مااقصد ان العضوة
اللى بعالم حواء اللى اسمها علكه انها بشوشه من بش يبش فهو بشوش
لا اقصد ان الوحده لاصقه باهلها زى ماتلصق العلكه بشوشة الادمى )
صحيح لما تخانقتس امتس او يهوشتس ابوتس او يضطهدتس اخوتس ويقولتس لاااااا
(كان تطلبي منه ان يذهب بك للسوق فى اثناء اجازة السائق )
او تحرّتس(تقهرك) اختتس وتاخذ اغراضتس....
اول مايطرى بباااالك
متىىى اتزوج وافتك
متى يجي ابو الحواجب والزين اللى ماتمل من شوفته العين وينتشلنى
وعلى مملكته يتوجنى
وعلى قلبه يحكّمنى
ويكون هدفه الوحيد من الحياة يسعدنى ويفرحنى
8
8
هذى مشكلة روايات زهور وافلام فاتن حمامه....
تعلمك ان لون الزواج وردى وانه كله وناسه وفلة حجاااااااااج
لكن مع هذاااا (هذا اقصد بها انك
تعرفين ان الزواج يوم حلو على يوم مر وكلو يمر وبنحبك ياحياة)
اول مايطق بابتس رجل(ن) سنافى تتعنقطين (تتعلقين) برقبته
وتقولين هذا هو ابو الحواجب والزين اللى ماتمل من شوفته العين:32:
وتصيرين تعدين الايام والليالي لاجل ينصفق راسك وراسه على مخده وحده
وفى غمرة استعدادك للانتقال لحياتك الجديده(اخت new tv) ...
المستقله (اللى يغثنا ابوي عليهااااا) ... المليئه بالمفارقات والتجارب ...
المشبعه بالحب والعشق والغيره (<<< يا شين بعض العرب لاقامو يتفلسفون)
و ووووو وووو ... الخ
تنسين الــ .......
فاتن وبس تمسك المايك من فاتن2 وتبدا تهذرىىى:
او بالاحرى يطوف عن بالك انك راح تودعين كل حياتك الاوليه القدييمه
يالله يا بنات وش كثر يضيق خاطرى لما اتذكر الشي ذاااا
الحين ... اول ما اصحى الصبااااح ( الصبح عندى هو اول مااقوم فيمكن
هالصبح يكون الساعه 1 ظهرا :23:) وش اسوى؟؟؟
اقعد اتمغط على الفراش ... طبعا امدد كرعانىىى للاخر الا و .. طخ طخ طخ
طخ <<< صوت صقعة المجله يوم طاحت على الارض
وطخ طخ طخ <<< صوت صقعة 3 مجلات طاحو من السرير على الارض (دفيتهم برجلى
وانا قاعده اتمغط)
واقوم الا شوشتى كنها برج الفيصليه ولا وزارة الداخليه
واتثاااااوب على كيف كيف اهلىىىىىى
واقوم من على الفراش والله اللى يشوفه يقول اكيد انه ساحة
قتال داحس والغبراااااا .. المخده مكان الرجول واللحاف على الارض والبطانيه
تحت المرتبه ....
وطبعا فيه لمستين جماليتين عباره عن بلوزة وتنورة كنت لابستهم امس
البلوزة على طرف السرير اليمين والتنورة على طرف السرير اليسار
اقعد اتمقق على مهلىىى
افرش ... اتحمم ... البس .. امشط .... على اقل من مهلىىىى
ماوراى احد ولا ورااااااااى شغل
انزل تحت القى امى واجى واقــ ....
فاتن2: تلقين امك بوجهك ... ياسعدها ذيك اللحظه
امك قدام عينك 24 ساعه .... ماتحتاجين تشحذين احد
يوديك عندهاااا وتشووووفينهااااا
وما تحتاجين تدقين تليفون عشان تسمعين صوتهااا الله لا يحرمنى ايااااااااه
يالله يابنااااات مااتخيل انه بيجي يوم اصحى فيه ولا اقدر اصبح عليهاااااا
وجها لوجه .... معقوله بيجى يوم ما تكون فيه هى اول انسان
ابوووسه لا اصبحت؟؟؟
فاتن وبس::29: : يا غبيه لما تتزوجين بتلاقين من تبـ ....
طنننننق <<< صوت ملاس الوالده على دميجة فاتن وبس
اميمتىىىى : ياملا الوهم يا فااااااتن .... صدز ان وجهتس مغسووول بمرقة حاااشىىى
ياويلىىى بنات الحيييييين مابهن حياااااااا
سترك يارب ....
وطرع <<< صوت الباب = امى طلعت
فاتن وبس: اح والله راسي غدا(اصبح) كله صعارير(صعرور = صعنون مدرى
وش اسمه باللغه الفصحى) .....
يالله يافاتن 2 كملىىىىى
انا بروح اكمد راسي بكمادة ثلج
اح اح اح:06:
فاتن2: اسفه بنات قطعت عليكم
نرجع لسالفتنااااااا
ابوووى معقوله بيجى يوم انحرم منه وانقطع عن بري به
بناااااااات والله انى احاكيكم الحين ودموعى على خدىىىىى
تدرون ليش.؟؟
لان زواجى بالعيد وبقعد اسبوعين بعدين بسافر لبريطانيااااا
يعنىىىى مسااااايير لاهلىىى مااافيه
وبشوفهم من سنه لسنه
بناااااااات
سواء كنتم متزوجات او بنوتات
بروا باهلكم
ترا بيجي يوم وتقولين ليت الزمن يرجع
واقعد مع امى يوم واحد ابوسها اشم ريحتها
اهمز ظهرها ورجولها
اكبّس يدياتها
اجيب الدله واقعد اتقهوا انا وياها
اسولف معهااااا اضحك معهااااا
اخذ بخاطرهاااا
ادلعهاااااا
اكفيها عن كل شي
بنات والله انى اسمع من بعض الامهات شي يشيب الراااااااس
الام تشتكى : تقول والله مااشوف بنتى الا ساعه باليوم؟؟
والبنت ترد: عندى كليه عندى دراسه .... لازم يكون لى وقت اقعد فيه
مع نفسي .....
بناااااات ... امهاتنا ماكبرونا وسهروااا عليناااا
حرقووو انفسهم لاجلنااااا
وفي النهايه نجازيهم كذاااااا
بنات ابي تعليقكم قبل لا اكمل الموضوع
بالذات من البنوتات اللى مثلي ....
ترا الموضوع باقي بس دق الجوال
النشبه يتصل بك
تشااااو
ياشينك وراك قلبتيها تراجيديا:06::06::06:
الله يوفقك وييسعدك وين ماكنتي :32::32:
والله يساعدنا نبر بوالدينا يارب
بس يافاتن الشينه ليش نغصتي علينا ياحبك للنكد:11::11:
الله يوفقك وييسعدك وين ماكنتي :32::32:
والله يساعدنا نبر بوالدينا يارب
بس يافاتن الشينه ليش نغصتي علينا ياحبك للنكد:11::11:
تلاااد
•
ماشاء الله تبارك الله 00
عقلك اكبر من سنك 00 وصاااادقه في كل كلمه قلتيها 00
والنهايه لحد الآااان روووووووعه 00الله ينفع بكلماتك كل غافل 00ويثقل بها ميزانك ياااارب
وفعلآ اذا تزوجت الوحدة حست بامها وشكثر تعبت عليها 00
الله يرزقنا رضا ربي ثم رضاااااااااااااهم :24: :24:
عقلك اكبر من سنك 00 وصاااادقه في كل كلمه قلتيها 00
والنهايه لحد الآااان روووووووعه 00الله ينفع بكلماتك كل غافل 00ويثقل بها ميزانك ياااارب
وفعلآ اذا تزوجت الوحدة حست بامها وشكثر تعبت عليها 00
الله يرزقنا رضا ربي ثم رضاااااااااااااهم :24: :24:
ذكرتيني ابحالي والله قاعده ابكي وانا اتذكر امي واهلي بعد ما تغربت بعيد عنهم تكفين كملي :06: :06: :06:
الصفحة الأخيرة
كملي تكفين 23:06::06::06::06:
اكيد الله يساعدك مشغوله هم العرس وهم الفاتنه الجديده هههههههههههههه
بس انتي قدها وقدود الا فاتن هالموهبه ماجت الا من بعد ماشرفت فاتن 2 لا تكون هي اللي تكتب لنا:23::23: