مهما كان المفروض ما تطلبين من ابوك يطلع جدك من البيت

احتسبي الاجر عند رب العالمين

اختي الله يخليك ويثبت لك الاجر انتي وامك وخواتك


يوم كنت صغيره انا وخواتي الثنتين كنا ثلاث بنات لامي وابوي بس
وكنا عايشين مع جدي وجدتي
جدي عسل بس يعصب بعض الاحيان علينا شويات تعرفين حنا بزارين كنت باولى ابتدائي واختي برابع والاخير صغيره بالروضه

تخيلينا نساعد امنا بالبيت لان عماني ماتزوجوا بس لي عم متزوج وهو الكبير ماعاش مع جدودي لا طلع ببيت لحاله بس ابوي اللي عاش مع ابوه وامه وخلا ابوي امي تكرف لابويه واخوانه وعيالها ولا قلت شيء ولا عمرها قلت لابوي شيء ولا تشكت

مع ان جدتي اله يغفر لها كانت معذبتها سب وشتم بها وبنا وتسبها عند اي احد وامي ماترد عليها امي وش تسوي تدري انها عجوز ومخرفه تقول ميخالف ميخالف يوم توفى جدي وبعنا البيت وسكنا ببيت لحالنا ومعنا جدتنا ماتبينا تبي عمي الكبير عشان حرمته تقرب لاجدتي تصير بنت اخوها

هي راحت وشافت الضيم منهم ولا يقعدون معها ولا يطعمونها بوقت المحدد اللي امي معودتها تاكل اكل صحي ولا تتاخر امي عليها بالاكل بس من راحت صارت ماتذوق الاكل زي ماكانت يتاخرون عليها بالاكل واذا جابوه ماينوكل وتهوشها حرمة عمتي الله يهديها

وجدتي مريضه اخر شيء طاحت عليهم وترقدت بالمستشفى والله اخذ منيته وتوفت بالمستشفى
لكن قبل ماتموت بيوم او يوميا وعيالها حاضرين كانت تدري انها تموت لانها قال الدكتور ماراح تعيش

دعت جدتي لامي بالجنه ودعت لها بكل خير قالت ماعمري سمعت منها كلمة ولا عمري شفت منها الضيم وياما شافت مني

ودعت على حرمة عمي بالحسر والغرابيل وقالت عساها تشوف الويل من عيالها

وتوفت وهي غضبانه على حرمت عمي


وتعالي شوفي حرمة عمي حالتها ماتسر احد متغربله من عيالها وحالتها حاله

الله يهدينا ويهدي الجميع يارب


اختي زي ماقالوا البنات هذا اجر وجاء لمكم لا ترفسونه

ترانا اصغر منك يوم كنا صغار قلت لك انا يوم انا صغيره اساعد امي ومافيه حريم بالبيت غير امي وجدتي وانا وخواتي الثنتين

كانت امي تكرف ببيت كبير عريض وحنا مع امي

انا كنت اغسل ثيابنا مع ثياب عماني من انا بروضه الين الحين وانا اغسل ثياب اهلي

كنت اغسل الثياب عماني مع امي كنت اغسل ثيابي حقت الروضه بعدين حقات المدرسه واكوي بنفسي

تعلمت الكرف من انا صغيره وكنت فرحانه اني اشتغل بالبيت

والحمدلله ماابي من هالدنيا الا رضى الله ورضى والديني علي

لالالالالالالالالالالا احنا ماطلبنا انه يطلعه بس قلنا له اذا عمي قال ابخذه لاتقووول لا

ياقلبي اذا قال عمك وابوك بيروح عند عمك انتي قولي لاااااا , يابنت الحلال جدك وفي رمضان وتعبان تخيلي الاجر المضاعف هذا غير انك طائعة لوالدك ومعاونة لأمك صدقيني انتي في بداية حياتك وتحتاجين للفرص اللي تفتح لك ابواب السعادة وهذي الفرصة جتك حد بيتك لا تضيعينها رجاااااااااااااءا

الف شكر لك اسلوبك مره حلوو