أبأزور الكويت إن شاء الله (( ساعدوني يا الكويتيات))

الله يعينك ..........اكيد بتضيعين بس اسألي لان احس صعبه يوصوفون لك شلون تروحين

انا بساعدك

المجمعات........

الرايه جنب فندق ماريوت...وقريب من سوق شرق ...ومارينا...والفنار...وزهره...البستان

هذي اسواق راقيه تلاقين فيها الماركات الغاليه والوسط

عندك محلات مميزه ومو عندنا مثل شويز_انوتا_واذا تحبين الملابس الكويتيه روحي سوق كويت

ماجيك بالمنقف

الجلابيات........

عندك مجمع الاوقاف...ومجمع العربيد بالفروانيه ومجمع الدبوس بالفحاحيل

وفيه بالفحاحيل محلات مواعين السلطان والمحاميد والبرازيليه غيروا اسمها مدري وش صار

وحلات ابو دينار ونص ملابس الخدم رخيصه وكد........

عندك محل الاسطوره لزهره روعه بس غالي

اتمنى اكون افدتك الله يوفقك ويعينك عالتضييع وعلى الغلا لان ريالنا طايح وفلوسهم تطير ماتدرين

شلون مافيها بركه 100دينار يعني 1300اواقل بشوي يبيلك زيها عشر عشان تتسوقين

وبعد مجمع الصالحيه كل الماركات الحلوه فيه

وسلااااااااااااااامتك

اضيف على اللي ذكرته دلع مع انها ماقصرت...

عندك فيللا مودا عندهم جميع انواع الماركااااااااااااات فندي برادا ميوميو ديور جوتشي دي ند جي وكثيرررررر مثل الساكس مبنى منفصل لحاله...

اهم شيييييي عندهم قهوة لاتفوووووووووووتك اسمها تشوكليت بار بالمارينا مول كلشي عندهم تشوكليت في تشوكليت شي يسططططططططططططططططل اطلبي الفوندون والتشوكليت بودنج مع الكوكيزو الفراولة والكيك قطع صغار يمي يمي وانتي تاكلين تذكريني لوووووووووول.

وعندك مجمع الصالحية عند اوتيل الجي دبليو ماريوت كله ماركات

مشكورين وماقصرتوا كفيتوا ووفيتوا جزاكم الله خير الجزاء
الأخت دلع الضياع لابد منه بس هالمره نضيع ونتعلم لزيارات قادمه بإذن الله
مشكورين مره ثانيه وبارك الله فيكم

هلا اختي نووره ما شا اللله الخوات كفو ووفو ماقصرو وصفو لك الكويت حته حته ....:hahaha:

اذا تبين الدراعات روحي للعربيد اسعاره معقووله وهو روعه طبعا العربيد في الفروانيه

ودام انك بتجين يوم الاربعاء ...
انصحك بمعارض او مثل ما تسمونهاا بازارات عندكم كله شغل حريم يعني مستحيل تلاقين احد لا بس زيك كله شغل غريب وحلوو هذي الاماكن اسمه بيت ديفا . وبيت كاريزما . وبيت سدره . وبيت الشرق . وبيت بدره :42:

طبعا هذولي احلا مافيهم انهم جنب بعض يعني هم عباره عن بيوت عربيه تصميمهاا قديم تلاقين فيهاا صالات كل وحده من الحريم عارضه شغلها من الجلابيات واكسسوارات وشنط وعبي وطرح يعني طبي وتنقي شي خياال وعلى فكره هذا المكان مو كل يعرفه من زوار الكويت هم يفتحون بس في الويك اند روحي وبتلاقين اللي يعجبك وادعي لي بالذريه :)

شفتي شلوون قلت لج عن المعارش هذي او الصالات ونسيت اوصفهاا لك :22:

مكانهاا بضبط جنب المستشفى الاميري يعني ما يضيع قدام سوق شرق على شارع الخليج

واقامه طيبه في الكويت :26:

وادعي لي بذريه:09: