شوفي التدرج هو الحل إن شاء الله

يعني إنت تقومي اليوم السعة 2 ظهرا (صح )

غدا أضبطي المنبه على الساعة الواحدة ظهرا ( تمام )

و لمدة أسبوع أصحي بالمنبه على الساعة (1) ظهرا


الأسبوع الثاني : اضبطي المنبه على السعة (12 ) ظهرا

وتمي أسبوع على (12 ) ظهرا

الأسبوع الثالث : أضبطي المنبه على الساعة (11) ظهرا

و تمي أسبوع على 11 ظهرا

و هكذا لين توصلي وقت الأستيقاظ المناسبة لأهل بيتك و تمي عليه 15 يوم
و شوفي النتيجة فتاكة إن شاء الله



قاعدة نفسية :: العادة تكتسب ( بعد فضل الله ) ثم فعلها لمدة 15 إلى 16 يوم شرط التواصل

يعني الأخت التي تريد أن تكتسب عادة جديدة طيبة ( إن شاء الله )عليها أن تداوم على فعلها حوالي 15 يوم متصلة

أختي الغالية ..

الله يخليكم لبعض ان شاء الله ..

والله لا يغير عليكم .. ويبعد عنكم السوووووووء ..

أختي نظمي حياتج أكثر ..

أنا أول ما تزوجتج تفاجأت بأنه حياتي صعبة تستمر وأنا بعدي ادرس ..

ونصحتني أمي بأن يانظم وقتي وحياتي .. والحمدلله سايره حياتي بشكل رائع ..

ابدئي يومج مع بدأ يوم زوجج ورحته للدوام ..

نشي لصلاة الفير .. ووعيه معاج .. صلوا مع بعض .. هو بيدخل ياخد له شور .. انتي سيري زهبي له الريوق ..
وزهبي له ملابسه اللي بيسير فيهم الدوام ..
وحاولي تصبحين عليه بكلمات تفتح النفس عالصبح .. يموتون على هالسوالف الرياييل ..
واذا عيالج في المدرسة .. وعيهم وخليهم يتريقون مع أبوهم ..
واذا ما عندج غير ريلج الصبح .. وتحبين الرقاد .. بس ما يصير الدوام وتتطمئنين بانه وصل الدوام .. ارقدي لج شوي ..
يعني ليه الساعه 10 مثلآ ..
عقب نشي .. شوفي حال عيالج .. ريقيهم بنفسج واستغني عن البشكارة ..
رتبي مكانج ..
اقريلج قرآن .. شي مهم للحامل ..
واذا قرب وقت رجعت ريلج من الدوام .. اتلبسي ولبسي عيالج ..
وجهزي له ملابسه ..
عسب يستقبلكم بو العيال وحتى لو كان تعبان بيستانس يوم بيشوفكم ..
وعلى ما يبدل ملابسه ويتسبح .. زهبي له غداه ..
وجهزيله مكان هادىء بعيد عن ازعاج االعيال .. عسب يرتاح من تعب يوم كامل ..
واذا كنتي تبين ترقدين .. رقدي اليهال وسيري ارقدي .. ليه وقت ما ينش ريلج ..
نشي معاه ..
ومارسي حياتج طبيعية ..
ورقدي عيالج من وقت عسب يتعودين على هالروتين ..
يعني بعد الساعه 8 المغرب .. رقديهم .. وخلي الوقت الباقي لج ولريلج ..

والله يوفقج ان شاء الله ..

ولا ترقدين وايد جدام ريلج ..

أنا عن نفسي لو ارقد خمس دقايق أكثر عنه .. يقولي وايد ترقدين .. وخليتيني بروحي في البيت .. ويطلع كل سلبيات الرقاد فيني ..

<<< مغلوب على أمرها .. ههههههههه .

والسموووووووووووووحة عالاطالة الغالية ..

حياتي طرحت قضيه الاهمال مرة و كان الموضوع يخصني شخصيا و لله الحمد البنات ما قصروا ابدا بس انا اقولك من واقع تجربه انه يلزمك فتره مش اقل من اسبوع ليعتاد جسمك على الاستيقاظ مبكرا ستعانيين في البدايه و حاولي انجاز كل شيء بسرعه و كلما شعرت بالنعاس اغسلي وجهك و لا تستسلمي ابدا و ابداي بترتيب الاماكن التي يرتادها زوجك و جهزي له الافطار و الشاي و لا تتركيه لوحده حتى يخرج الى عمله و اعتمدي الاكلات اللذيذه السريعه التي لا تضييع مجهودك و انتبهي لنظافه الاولاد و لنفسك خاصه قرب موعد قدومه و بامكانك تحضيير صنف حلو لذيذ سريع للمساء و انتي جالسه وياه و الله حتحسي انو حياتك جنه بس شويه تنظيم . الله يوفقك و لا تنسيني من دعائك

حبيبتي مافيج الا العافية يمكن النساة ماذيتج

اختي لا تجنين على نفسك تكفين عشان عيالك