السلام عليكم ورحمة الله وبركاته
أخواتي ..
هذا اول موضوع لي بعالم حواء ..
من خلال متابعي لعالم حواء استشفيت حجم المشكله التي يعشنها نساءنا ..
للاسف للاسف حال المنتدى لا يسر ابـــــــــــــــــدا..
قد تلومني احداكن لكن هذا الواقع..
اتمنى من اي عضوه تلقي نظره خاطفه على تسلسل المواضع ..
وش بتشوفون العناوين؟
زوجي يقول
زوجي يحب
زوجي يخون
زوجي ...
زوجي...
أتساءل : هل المرأه بدون رجل ولا شي؟
عجيب امركم !!
والله يبنات الوضع مستفز لأبعد درجه
كل وحده فيكم جت وكبت عفشها هنا
ورجاءا لا تلعبون على بعض وتقولون تفضفض او تلقى حل لا ماهو صحيح ابد
والله انكم فضحتوا انفسكم واهنتوا عوائلكم علشان ايش؟
وهل تعتقدين ان المشكله اللي بتطرحينها بتكون امام اخصائيين لحلول المشاكل
ترى اللي انتي تشكين لها ماتدرين وش حالها ؟.. هل هي بنت مراهقه والا عجوز مخرفه
والا انسانه حسسوده والا انسانه تخون والا انسانه غيورة والا انسانه تحب المشاكل والا انسانه ربي مبتليها بزوج يصبحها ضرب ويمسيها والا والا والا ...
الناس اشكال واجناس ماتعرفين مين الصالح ومين الطالح
تطرحين مشكله نسمعها من طرف واحد؟
مستحيل مستحيل وجود اي حل لمشكله من طرف واحد
وش لون نعرف انك صادقه وكيف نعرف انه زوجك بهالصوره اللي انتي صورتيها ؟
والله من كثر ماسمعت سواليف الحريم بهالمنتدى بدأت اعتقد بل وأبصم بالعشرة بأن كل رجال بلدي خونه وقذريين
لا تلوموني من كثر حكيكم..
اتقوا الله
اول كنت اصدق واحزن وارحم
لكن بدات اراجع نفسي انا عايشه معكم بنفس البلد اشوف رجال ديرتي
كثير منهم على خطا لكن ايضا كثير منهم على صواب
بدات اكتشف جهل المراه وضعفها والعبوديه التامه هي السبب ليس الرجل؟
لا واقولها متيقنه
لا يوجد رجل بالدنيا يحب المراه الضعيفه
يعشقون الغامضه المتعلمه المتجدده
لا تقولين اتمكيج والبس وخلاص والا تنكري وخرابيط فاضيه
الرجل يحب الـــــــــراقيه الذكيه الواثقه من نفسها..
بدل ماتجين تولولين وتحطين كل مصايبك
راجعي نفسك مو معقول على كلام الاغلب في المشاكل:
انا جميله واكشخ له واتزين وانظف بس هو مايعطيني وجه
اهله يكرهوني وبيدمروني وانا مسكينه
قــــــــــــــــاعده اساسيه اعتمدتها بحياتي وفعلا اثبتت جدارتها ..
اذا فرضت احترامي الكل بيحترمني ... الصغير قبل الكبير
وفعلا نتائجها تعود علي والله
الحمدلله الكل يحسب لي حساب
بمحبه وود بدون كره وحقد
نصيحتي لكل امراه :
حــــــــــــــــــــــــــبي نفسك اعطيها قيمتها
حبي نفسك اول علشان تنحبين
لا تفضحين نفسك وتحطين مشاكلك لكل من هب ودب
هذي مو فضفضه هذا حكي نسوان
والله اقرا المشاكل بالمنتدى
وفي اي مجلس حريم اسمعها تتردد كلها
وش شعورك والناس تحكي فيك وماتدرين يظلمونك يبهرون بسالفتك اشياء واشياء
تبين حل :
الجألي لربك اولا واشكي..
بعدين حطي حياتك على ورقه سجلي ايجابياتك وسلبياتك ليش الناس يعاملوني كذا ؟
ليش زوجي يعاملني كذا؟
ليش وليش ؟
ابداي وصلحي اللي تقدرين عليه ..
جددي حياتك عيشيها بحلوها ..
اخيرا موضوعي ارتجالي ..
كتبته من قهري على حال نساءنا
شكرا..
يلزم عليك تسجيل الدخول أولًا لكتابة تعليق.
loooly2010
•
.............
التوبة
•
..........................
لاتعتقدين ان كل شي في الحياة يكتب هنا لأ
اللي تكتب فقط وغالبا السلبيات
والاستشارة حلوة علشان يلقون حلول يمكن تكون صاحبة الموضوع غافلة عنها
لاتزعلين هذي وجهة نظري:42:
اللي تكتب فقط وغالبا السلبيات
والاستشارة حلوة علشان يلقون حلول يمكن تكون صاحبة الموضوع غافلة عنها
لاتزعلين هذي وجهة نظري:42:
بلنسيه
•
بسم الله عليك ارحمن الرحيم ,تسلم يدينك كلامك بالصميم,أكثر من روووعه,وهذا شي مجرب وهو اللجوء لله وحده وطلب رضاه يكفي لحل مشااكلنا
المنتدى ابدا ماهو متنفس تصب كل مشاكلها فيه
ياما ناس عندهم مصايب ويحاولون يسترون انفسهم مو يفضحونها
اعتقد ان اللي تكتب مشكلتها قاعدة تزيدها اكثر
لانها راح تستمع لردود كثيــــــــــــــره وراح تتشتت
اذن هل من فائده مرجوه؟
ياما ناس عندهم مصايب ويحاولون يسترون انفسهم مو يفضحونها
اعتقد ان اللي تكتب مشكلتها قاعدة تزيدها اكثر
لانها راح تستمع لردود كثيــــــــــــــره وراح تتشتت
اذن هل من فائده مرجوه؟
الصفحة الأخيرة