أبرحل.. والله العالـم وش اللـي بــداخلي من شــوق

أبرحل.. والله العالـم وش اللـي بــداخلي من شــوق

وبطوي صفـحة عـّيا زمان الجـــــــــــور يطــويها

أبرحل تايه بغـــــــربة وطـن مالي عـليه حقـــــوق

وطـن واحــــــــد وده عـيونك ودمع ٍ حاير ٍ فــــيها

أبرحل دمعة ٍحارت من أدنى الموق لاقصى الموق

خذ لها الوقـت يــــــــــــوم إنه حرمها من هقاويها

أبرحل وأجمع آلامـــــــــي وأبرقع ثوبي المشقوق

وأبـــــــــفهق عن دروب الشك رجلي قـبل تمشيها

أنا أدري إن الــــــزمن قاسي وأعرف إني بليا ذوق

ونـفسي يــــــــــوم ودعـتك رمـت فـي النار رجليها

عمر هالحب مايفــــــــنى مدامـه في الحـشا مخلوق

ولو دنـيـا الـعـــــــــــــــــــنا جارت وورتـنا بلاويها

أبنسى آآه كــــيف أنسى وأنا اللي من زمن محروق

أكـــــــــذب كانني قلـت أقدر أنسى بعض ماضيها

ألا يــــــــــاحـظـي المقـفي علامك للـشقى مـطفوق

أنا طــــــــــــــــــالـبك لاتفــتح لعـيني ســدّ واديـها

أبنسى كيف والذكــــــــرى وسط قلبي تسوقه سوق

وهــذا طيف عاتـقـها وهـــــــــــــــذي رجفـة يديها

أنا في ذمة الله ماعلي مـن الشــــــــــــــقى والعوق

أنا فـي ذمـة اللي لاقــبض هالــــــــــــروح يحييـها

جعـل عـين ٍ بكت للـحب أبد ماتنحرم مــن مـــوق

ولا تفقد ولـوطالـت ليالي الهـــــــــــــــجـر غالـيها

وعـين ٍخانت العـشرة عـساها أمر الـولي من فوق

عـســــــــــاها فـي زمان ٍدبرته ضاعـت خطاويها

وأبرحل والله العـالـم وش الـلي بداخلي مـن شـوق

وبطـوي صفــــــــحـة عـيّا زمـان الـجـور يطويها

منقول