السلام عليكم ،،،\
كيف حالكم يابنات ، انشاء الله طيبين ؟

الغالية ديم نجد شكراً على الرد ويقول المثل ما في دخان من غير نار وما دام سمعتي عنها في مصر ، إذن أنا معلوماتي عدل .

حبيبتي صمت الجروح مشكورة وبخصوص مركز أبوللو ترى موجود عندنا في الإمارات .

إختي عندي أمل مشكورة إنج أكدتي وجود الأبر اللي تتاخذ في فروة الراس (سمعتي يا ماري قولد) ، صدقيني أنا بعد عندي أمل فيج يـــــــــــلا الحين ابغيج تقولين لي بالتفصيل شو اسم الأبر اللي استعملتيها وشو حسيت بعد الإبر هاذي هل في تحسن وإلا ؟؟؟

حبيبتي ماري قولد ليش مو مقتنعة من سالفت الإبر هاذي ، أنا عكسج مقتنعة جداً تعرفين ليش لأن ما في خلطة سحرية تقدر تطول الشعر بالسرعة هاذي من الكتف إلى الركب في خلال سنة وبعدين الكثافة اللي في شعرها بعد ما كانت بتصلع لا لا شي مب طبيعي ، الزيوت ممتازة للشعر لكن ما تسوي الهوايل ، وتراني اللي شفته مب قليل وياليتكم كنتم معاي .

على العموم تراني استفسرت واستفسرت واستفسرت ووصلت لطرف الخيط ولكن بعد ما أتأكد أكثر بقولكم عليه ، لكن إنتو بعد يابنات لاتبخلون علينا إذا تعرفون شي .

تصدقون عندي احساس قوي إن وحدة من البنات اللي قاعدة تقرا معانا هذا الموضوع عندها فكرة كبيرة عنه ومستعملة هاذي الإبر وتعرف العيادة بعد لكن ما أدري ليش ما راضية تقول
يمكن مو مسجلة معانا ، أو متكاسلة تكتب وتكتفي بالقراية ، أو ما تبغي تقول لنا على الوصفة السحرية يــــــــــلا اللي عندها علم بالسالفة تنطق أحسن لها ترى والله وايد بنات محتاجين لهاذي الوصفة وخصوصاً أنا ، لأني ما برتاح لين ما أعرف كل شي عنها فريحوني وأكسبوا فيني ثواب ، وجزاكم الله خير


أختكم
أم عيون فتانة

أختي الابر تستعمل عند الكثير من الاطباء الجلديه وهي عباره عن جلسات وفي الغالب تستعمل لحالات الثعلبه والصلع ويستعملها الدكتور وان ما جابت نتيجه يستعمل ابر عاديه في الجسم لانبات الشعر بس المشكله ان الشعر يطلع في الجسم كله وكلامي عن تجربه بس مو لي واتمنى انك عرفتي السر وتقدرين تتأكدين بسؤال أي دكتور جلديه

الابر الي استخدمتها للتساقط وهو عبارة عن شي يشبه المسدس هههههههههههه والله شكله زي المسدس ينحط بداخله ابرة فيها مادة وتقوم الدكتورة تضرب الابر هذي على الفروة احس بالم خفيف بس في نفس الوقت احس كان الدم الي في الفروة صار يغلي بصراحه انا احس انها ممتازة لو داومت عليها بس انا ما ستعملتها غير مرتين ووقفت طبعا مرتين ما تسوي شي والابر ما عليها اسم هذ الي عندي وان شاء الله اكون افدتك

امممم
صراحة كلامج مقنع ...:rolleyes:
بس ياترا مالها اضرار؟

.السلام عليكم
عزيزتي أنا بعد مقتنعه إنها قاصده تضيعك .. لو فيه ها الإبر كان على طوووووووول سمعنا فيها . ..
و شي زي فعالية ها الإبر لابد ينتشر ...
لكن فيه ناس عندنا أيضا كانت شعورهم فظيعة ..شوي ويصلعون ...
في خلال فترة قصيييرة وصلت الركب
تدرين وش السبب ؟؟؟؟
زيت الحشيش.. المحررررررم
سألوهم الناس وأنكرو .. تدرين ليش .. لأنهم عارفين حكم استخدامه والناس إذا درو أكيد ينصحونهم ..
لكن يصرفوون ..
يعني يقولون استخدمنا خلطة
أو عالجنا في مركز
أو زي ما قالت لك قريبتك ...إبر ..