.
خيانة ملـــــــــــــــــــــــــــــــــكـ
قبل أبتدي عندي طلب ..
ركِّز
طلب ماهو " رجاء " !
ما أبي تجاوبني ..
ولا تستغرب إني أسألك
لا تنصدم من عزلتي حالي مثل : أبو العلاء
عندي سبب : ما تستحق إنِّي أجيك و أوصلك
لا تعتبر جمر الحكي من شاعرك يعني " هجاء "
لو كنت بهجي حضرتك ما خفت منِّك ..
قلت لك !
هذي القصيده مصنِّفه في دفتري قصة " رثاء "
حبٍ يموت وتنولد ...,,
وحبٍ يعيش ويقتلك !
ناديت لك ياما ..
ولا لبِّيت لي , وضاع النداء !
مبحوح صوتي والصدى من كثر ما ناديت لك !
أقرب من ثيابي علي وأبعد من نجوم السماء
ورغم إبتعادك والتعب ..
أرسم طموح وأمهلك ..
ما كنت لي الداء وأنا ما كنت لـ جروحك " دواء " ..
ما عشت في دنياي لي !!
عايش ولكن عشت " لك " !
علمتك القلب الوفي ..,
ما يخذلك فيه " إنتماء " !
وعلمتني كيف العشم في من تحبه .. يخذلك !!
علمتك إن أصل الهوى يرجع لـ كلمة " إحتواء " !
وعلمتني إن الهوى ,
ما عاش يوم بـ داخلك !
علمتك إنِّي لك بحر لك وفاء !
وعلمتني كيف أنصدم وأغرق أنا في ..
ساحلك !
ما تستحي ,,
ودامك كذا ؟
- إفعل حبيبي ما تشاء !
توِّي عرفت إنِّي كثر ما أعْرِفِك ..
كنت أجهلك !
ما كان قلبي بس لك وقلبك لعب دور الدهاء !
وما كنت لك أقرب من أنفاسك وأقرب من هلك ؟!
ما عاد تفرق غيبتك أو رجعتك .. عندي سواء !
كنت إهتمامي ورغبتي ..,
والحين دوري أهملك !
لا صار قلبي لك وطن ..
أبسألك وين الولاء ..؟
وشلون حال المملكه ؟
- دام الخيانه من ( ملك ) !
إن كنت جاهل ..!
" لعبتك قلبي " وما فيها ذكاء
حتى الطفل إن جبت له ..
- ولاءه صار لك !
قبل أنتهي عندي - أمر ما هو طلب وإلا - رجاء ..
لا يشغلك ماضي إنتهى ..
ركِّز علـى " مستقبلك " !
:
الشاعر :احمد الصانع
أظل أبتسم @athl_abtsm
كبيرة محررات
يلزم عليك تسجيل الدخول أولًا لكتابة تعليق.
ما تستحي ,,
ودامك كذا ؟
- إفعل حبيبي ما تشاء !
توِّي عرفت إنِّي كثر ما أعْرِفِك ..
كنت أجهلك
ررروعه
ودامك كذا ؟
- إفعل حبيبي ما تشاء !
توِّي عرفت إنِّي كثر ما أعْرِفِك ..
كنت أجهلك
ررروعه
وفاء عدن :
الله يا عسل كل اختياراتك روووووووووعة يكفي انها اختيار سوسو.... جدآ رائعة من جد احترت وش اقتبس فيها....الله يا عسل كل اختياراتك روووووووووعة يكفي انها اختيار سوسو.... جدآ رائعة من جد احترت وش اقتبس...
احلام زياد مشششكوره الروعه طلتك..:26:
تسسلمين حبيبتي . هذا من ذوقك الراقي يامنبع الذوق
تسسلمين حبيبتي . هذا من ذوقك الراقي يامنبع الذوق
الصفحة الأخيرة
يكفي انها اختيار سوسو....
جدآ رائعة من جد احترت وش اقتبس فيها....