أبشركم....أمي سليمة ولله الحمد

السلام عليكم

من فترة تقريبا شهر كتبت موضوع عن اعراض تمر بها امي و البعض منكم ما قصر نصحني واللي طمني انه ممكن ما يكون سرطان والي قالت اني اكلمها تسوي التحاليل باقرب وقت


طبعا اعراض اللي تجيها ::

امي فوق الخمسين وينزل منها دم كذا فترة و تكون غزيرة و تنزل قطع
الم بالظهر
الم بالحوض
واحيانا الام بالبطن ( عندها قولون بعد)

امي من النوع اللي ما يحب مستشفيات و كذا مرة اقولها روحي كشفي كشف شامل و تطمني على نفسك تقول ما تحب ووديها من البيت للمقبرة لا مستشفيات ولا شيي:44:

و ذاك الاسبوع رحت عندها و ضغطت عليها انه تروح تتطمن احسن لها من المراكز الصحية معاملة غير و نفس غير وعشان تتابع معاهم الضغط شكل دوري و عشان تدخل على دكتور العظام انه يمدحونه ومعرووف هذا على مسشتفى المانع بالخبر

وكلمت اخوي انه يحجز لها وهالكلام يوم الجمعة

ودقيت امس الخميس عليها الا تقولي هذا رحت المسشتفى وسوو التحاليل وطبعا ما رضو يعطوني علاج لازم كشف واشعة و تحاليل ودخلت على دكتورة النساء و قلت لها كل شي من والى واخذت عينة دم وعينه من الرحم و الحمدلله قالو لي كل شي سليم:39:
قلت لها طيب وهالنزيف شنو سببه ؟؟ قالت انه بطانة الرحم سميكة بس والحمدلله حتى امي طلعت خايفة انه يكون شي كايد

طبعا انا حسييييييييييييييييت براااااااااااااااااااحة وكانه جبل هممم انزاااح عن صدري (( اشكرك ي رب))

وقالت لي ذاك الاسبوع انه هالنزيف اللي يجيها يمكن ضرورة؟؟؟ قلت لها شلون يعني ؟؟؟ قالت من يوم تتهاوش عمتك في زواج اخوك على الرز واللحم:mad: واغتاضت امي مرررة وصار لها كذاا؟؟؟
صراحتن لاااا تعلييييق على ذاك اليوووم مع عمتيي شي مضحك جدا



كل الشكر لمن وقف معاي في موضوعي السابق و يا رب يشفي مرضى المؤمنين والمؤمنات اللهم آمين