أبشركم..ولدت ولله الحمد

السلام عليكم

هلا باخواتي العزيزات يامن كن الونيس لي ايام الحمل

هون الله على كل حامل وسهل لها ولادتها ياااارب ياكريم

ورزق الله كل من تاخرت بالحمل الذرية الصالحه عاجلاً غير أجل آميييييييييييييين يااارب

قبل رمضان باسبوعين اخبرتكم انه نزل علي دم أكرمكم الله مدة يومين وكان هذا في نهاية الشهر السابع

وطلبت من الدكتورة ان ارتاح قدر المستطاع

المهم قبل رمضان بيومين اشعر بالام طلق طول الليل ومجرد ماانام واقوم خلاص مافي اثر للطلق

وتكررت معي الالام يوميا ولكني مستبعدة الولادة لان الدكتورة حددت لي الولادة تقريباً14_10_1431هـ

وفي يوم الجمعة بعد صلاة التراويح ذهبت إلى السوق لاستكمل أغراض بنتي الكبيرة للعيد

انا قضيت لعيالي وخلصت بس باقي لبنتي جزم الله يكرمكم ورحت السوق وشريت لها

رجعت واحس ظهري بينكسر ولما جاءت الساعة 2 حطيت سحورنا وتسحرت انا وعيالي وابوهم

وصلينا الفجر .. وناموا الكتاكيت وابوهم

وانا فتحت النت على عالم حواء بس سبحان الله حسيت بارهاق على طول قفلته ونمت

قمت الساعة7:30 حسيت بالام في ظهري قعدت اتقلب لين غفيت

قمت 10:30 ونفس الالام قلت لنفسي كل يوم كذا وإذا قمت الظهر مع الشغل ترووح الالام
بعدين قلت يمكن المكيف يضرب في ظهري..؟؟
غيرت مكاني عشان المكيف الساعه 11:30 قمت على صوت الكيس
منفجر والماي على السرير..!!

قمت خوف ورهبه توني في نص الثامن واروح على طول لدورةالمياة واغسل واغير ملابسي

واروح اغير مكان ولدي الصغير واغسل السرير مكان الماي

واقوم :arb:ابوالشباب اقوله يالله قوم صل الظهر ويمسك الجوال ويقول مابعد أذن الظهر؟؟

وكان السبت 4_9_1431هـ هواول يوم في اجازته

قلت طيب قوم جاتني الولادة ..؟؟

قام على طول..

رحت للشغالة وقلت لها انتبهي للعيال انا عندي شغل بطلع وإذا قاموا العيال قوليلهم بنروح نفطر اليوم بيت ماما


رحت المستشفى بروكير... بالخبر

دخلنا على الطوارئ على طول طبعاً جابوا الكرسي وعلى طول على فوق

دخلوني الغرفة قلت مين المناوبه اليوم .. قالولي الدكتور فادي

قلت ماابي رجال ابي حرمة

قالوا فيه دكتورة بشرى باكستانية

جاءت الممرضة امريكية وسلمت علي بكل ذوق وقالت لي انتي اليوم مريضتي وانا المسئوله عنك
كانت في قمةالذوق والرووعه في تعاملها

وبعدها جاءت ممرضة ثانيه فلبينيه لاتقل عنها روووعه ركبت جهازالطلق والمغذي لين جاءت الدكتورة

وكشفت علي قالت مفتوح 4سم

بصراااحه زعلت حسيت اني استعجلت ورحتلهم قلت يالله الحمدلله

بس هي كشفت من هنا انكبت المياااااااااه بشكل فضيييييييييييييييع

المهم جاتني الدكتورة بعد ماقرت ملفي وقالت متى اخردورة لك قلت لها 26-12-1430هـ
قالت يعني توك في الاسبوع 34 مادخلتي التاسع

وعلى طول نادوا استشاري الاطفال وجهزوا الحاضنة للطفل

اشوي اضربوني ابرة ماادري ليش..؟؟؟

وركبوا لي طلق صناعي ..؟؟ مع انه كان معي طلق ؟؟

المهم بدات الالام تزيد والطلق يذبح

وكل ماجاتني طلقة قالوا خذي نفس واخذ نفس وعلى هالحال الآم الظهر والبطن كوم

وكل ماجاوا يكشفون كوم ثاني

جات على الساعة2 تكشف ولقته 4سم

وانا اتحطم زياااادةكل هاللآلم ولا زاد

واناخلاص في عزالالم وزوجي معي بالغرفة بس وقت الكشفية من تحت اقوله اطلع

وهومسيكين يشوفني اتألم ويمسك يدي وهوحاس انه مابيده حل لاسمعهم يقولون خذي نفس يقول يالله خذي نفس

المهم الساعة2:30 والساعةقدامي كل مااشوفها تمشي اتحطم

اقوله خلاص روح البيت شوف العيال وانا من داخل نفسي ابيه يقعد عندي بس افكر بعيالي في البيت

جاوا وعطوني اكسجين قالوا هذا عشان البيبي صغير في الثامن خليه لاتشيلينه

قلت عطوني البنج اللي اشمه (متعودةعليه في اسطون ينسيني الالم شوي) قالوا لا مافيه ماعندنا
الساعة3 جاءت واكشفت علي لقته 6سم قلت يااارب يسهل

شوي ودخلت ممرضةسيلانيه كبيرة في السن وقعدت مع الفلبينيه تعلمها كل شيء

جاءت الفلبينيه تسلم علي قالت يالله اناخلص دوامي ان شاء الله تولدين بالسلامه

جاءت السيلانيه وبدات تمسح على بطني وتقول قولي يااارب ماشاء الله عليهم الممرضات كل وحدة اروووووووووووع من الثانية

وجاءت فلبينيه ثانية بدل الامريكيه

قالت السيلانيه.. كلنا هنا ماعندنا ولادة الا انتي يالله ان شاء الله تولدين بالسلامة

3:45جاءت الدكتورة بتكشف قلت خلاص تعبت من الكشف اكشفت لقته 9سم
وبدأ العدالتنازلي

ويالله إذا جاءت الطلقة قالوا يالله بوووووش

وانا ماعاد فيني حيل اصعب ولادة مررررررررت علي

وعلى هالحال
الساعة 4:15 دخلت دكتورةباكستانية ماادري وش اسمها تبادلت مع الدكتورة بشرى

لان شفتها خلص

شوي ماادري وش جاني حسيت اني انهرت قمت وقعدت وسكرت رجولي

قلت :(خلاااااااااااااااااااص ماابي اولدطبيعي

شقوووووووووووووووووووا بطني هاتوا الاوراق بوقع

قامت الممرضة السيلانية تهاوش حررررررررررررررررررررررررررام 10سم مفتوح

وتبيين عمليه لا لاتقولين كذا

وتجي السيلانيه وترفع رجلي اليسار
والفلبينيه رجلي اليمين
قالواخلاص مرتين تدفعين وان شاء الله تولدين

وتجيني الطلقة وادفع مرتيين بس ماولدت:44:

واقعد شوي وتجي الطلقه قالوا خذي نفس عميق وادفعي واخذنفس وادفع :icon33:والالم يزيد وهم يقولون لاتقطعينها استمري لاتوقفين لاتوقفين وكلهم يصارخون

وانا منقوي الالم كاتمة نفسي ومستمرة بالدفع لين حسيييييييييييييت روووووووووووووووحي طلعت مع طلعت البيبي
واسمع صراخ الممرضات برافووووووووووووو:icon28:

ويحطون الفوطةعلى بطني ويحطون (نور عيني) واطالعه وهو يبكي

وانا ماعاد فيني حييييييييييل ابد بس اقول الحمدلله يارب الحمدلله يارب الحمدلله يارب

وشوي بدوا يقولون خليكي ريلاكس نبي نطلع المشيمة وننظف الرحم

ودكتورالاطفال برا يستنى خذوا الولد وطلعوه للدكتور

وبدوا يخيطوني وانا احس بالالم بس بشكل بسيط وأنا أاقول خلاص وهم يقولون باقي شوي لين خلصوا



ودخل ابو الشباب وهويقول الحمدلله على السلامة

قلت كلمت العيال

قال لا مابعداكلم احد

كلم اهلي واهله طبعاً الكل تفأجأ لاني ولدت بالثامن

قلت لزوجي خلاص رووح ودعيالي لاهلي وافطر على مايودوني غرفتي

بعدساعتين طلعوني في غرفتي

وطلبت ولدي قالوا لي حطيناه في الحاضنه لانه بالثامن وركبوا عليه اكسجين عشان الرئة لين تطلع نتائج التحاليل

واليوم الثاني شالوا منه الاكسجين بس خلوه في الحاضنه اربع ايام بعدين طلعوه وهو اللحين معي في البيت

الله يحفظه ويصلحه هوواخوانه

بالنسبة للمستشفى

بصرااحه المستشفى اكثرمن رائع

وخدمتهم في قمة الرووعه والنظافه

أكلهم يجيبون لك لسته وانتي تحددين اللي تبينه

غير انه اذا بغيتي شيء تدقين على طووووووووووووووووول يجون لك وهم مبتسمين


بس العيب الوحيدفيهم (ماعندهم البنج اللي تشمينه وقت الطلق ولاتحسين بالالم)

اللهم لك الحمد يااااااااااااااارب

بس الله يعين على القضاء:09: