السلام عليكم ورحمة الله وبركاته
كيفكم يا بنات عالمي الخاص وكل سنه وانتم طيبين
حبيت ابشركم واقولكم اني ولدت وجبت علي الله يحفظه لي يارب هو واخوه من كل مكروه
طبعا والده لي اليوم شهر الحمد لله
ولدت يوم الخميس
22-8-1430
13-8-2009
قصة ولادتي كالاتي—
من يوم دخلت الاسبوع ال37 ومن بعد مانمت مع ابو الشباب:35: قمت وانا احس ان افرازات غريبه تنزل مني يعني مو افرازاتي العاديه فرحت قلت يمكن حولد ورجعت نمت وكان يوم جمعه وقمت على الساعه 9 الصباح الا الم فظييييع بس كنت احاول استحمل وما قلت لزوجي قلت لين يزيد راح اقول وماعرفت انام من الالم لين جاوقت الصلاه وصحي زوجي راح للصلاه وحس شكلي متغير قال فيك شي قلت لا بس مانمت وبعدها زاد الالم يعني متواصل لين الساعه 4 العصر وبعدها راح قلت يمكن طلوق كاذبه ورحت يومها عند ماما ارتاح الا في الليل نزلي افراز مع خيوط دم وجلس الالم يجيني كل شوي ويروح لين السبت مررره زاد رحت المستشفى ابغى اشوف مفتوح الرحم ولا لا كشف علي دكتور قال لا مافي ولاده قلت معقوله قال الرحم مسكر قلتله طيب اعطيني أي مسكن بموووووت من الالم اعطاني المسكن قال لو فيه ولاده راح يفنح الرحم لو مافي راح يروح وتنامين والله روحت وراح الالم ونمت وكان عندي مراجعه يوم الاثنين ودكتورتي كانت في اجازه لقيت دكتور قلتله عندي افراز وطلق من يوم الجمعه قلي يالله يالله ولاده انتي جايه العياده ليه قلتله مراجعه وابغى اشوف ليش مافي ولاده كشف علي قال الرحم مفتوح 2سانتي بسرعه اطلعي قسم الولاده انا هنا مرره خفت مدري ليه بعدها رحت الطوارئ لقيت كمان دكتور كشف علي قال الرحم مفتوح 4سانتي قلتله كيف وانا مافيني الم قوي شي بسيط قال ان شاء الله يجي العصر ولا المغرب وانتي والده انا جاني خوف و استفراغ واسهال الله يكرمكم من الخوف لاني ماجربت الطبيعي ولادتي الاولا قيصري ولا جاني طلق ولا جربته وبعدها طلعوني قسم الولاده وكمان لقيت رجال وجا حظي كل اليوم دا الي مناوبين رجال كشف علي رجال قال الرحم 2 سانتي مو 4 ومن الخوف كنت احس ان الالم يزيد وتنويم لين المغرب والطلق خفيف وكل شوي تخطيط للجنين والالم راح وكل ما يكشفون الرحم 2 سانتي بس جا المغرب وانا متضايقه من السدحه قلت ابغى اطلع على مسؤوليتي قال لا قالت طفشت ولا فيني طلق وابني يومها تعبان مسخن حرارته 40 وانا قلقانه عليه المهم طلعت غصب عنهم لانهم كانو خايفين عشان ينزل علي دم وانا قيصري فلازم متابعه
المهم يوم الاربعاء رحت بيت اهلي وكنا متجمعين انا وخواتي وبنات اخواتي وحسيت نفسي تعبانه قلت لزوجي بنام بيت اهلي قال لو حسيتي بشي اتصلي بخلي جوالي مفتوح قلت طيب
طبعا طول الاسبوع الي عدا وانا عندي طلق يوميا ويروح جا الفجر الا احس ان الالم زاااااد وماما كانت في زواج ولد خالتي وانا احس نفسي مو طبيعيه احس اني كل شوي اروح الحمام وانتو بكرامه واتصل على ماما اقولها لاتتاخرين تعالي قالت فيك شي قلت لا حتياط وانا الالم مشتغلني وصابره وامي جت بديت ابين اني متالمه قالتلي اختي يالله نروح المستشفى نشوف ولاده ولا لا الرحم مفتوح ولا لا رحنا على الساعه 8 وربع وكشفت عليه الدكتوره قالت مفتوح 2 سانتي قلتلها طيب بروح وبرجع لا زاد الالم قالت لاااااااا مافي طلعه انتي حتولدي قلتلها الرحم مفتوح من اسبوع ولا ولدت قالت ياتولدي هنا يا احولك اسعاف على المستشفى الي تراجعين فيه قلت خلاص توكلت على الله وراح اولد عندكم
دخلوني تنويم والالم زي ماهو خفيف لين الظهر احس انه زاد اختي روحت من عندي وقتها وجت الكبيره وعلى الساعه 2 بدا وما قدرت اتحمل وجاني الله يكرمكم اسهال وكل شوي الحمام وجا على الساعه اربعه زاد الالم مرررررره وجت الدكتوره تشوف الرحم قالت 4 سانتي قلت اف كل ها الالم 4 بس واتصلت على زوجي ابغاه يجي ويشوفني كيف تعبانه واتالم عشان مايقول يالله ابغى عيال احملي بسرعه ابغاه يعرف ان الحرمه تتالم وتتعذب مو حمل وولاده والسلام هههههههههههههه
اول ما جا كنت ابكي من الالم ومو قادره اجلس ولا انسدح ولا اسوي شي وظهري كان يالمني جات الممرضه قالت يالله على غرفت الولاده قلت لا ما ابغى هناك لوحدي خايفه قالت لازم عشان الالم قوي والرحم بس 4 سانتي وطلع عنق الرحم عندي سميك عشان كذا ما فتح بسرعه وتوكلت على الله ورحت معها وبعد ما دخلت جت الممرضه وكل شوي تحطلي جهاز التخطيط حق القلب للجنين وانا مو طايقاه وتعبانه مو قادره انسدح ابغى اوقف من خوفي بعدها شلت التخطيط وقلتلها ما ابغى شيليه قالت ليش مدام لازم قلت خلاص ما ابغى انا تعبااااااااانه انتي ما تحسي فيني وكان الالم قوووووووي جت الساعه 5 قالت بفتح المويه حق الجنين عشان تولدي بسرعه قلت طيب
هي فتحتها وعيني ماتشوف الا النور الم فظييييييييييع بمعنى الكلمه مرره قوي يعني الي كان يجيني قبل المويه ولا شي وانا اصارخ وابكي موقادره حرام عليكم ارحموني ياربي بموت والله تعباااااااااااااااااااااانه اعطوني مسكن جت ممرضه سعوديه اعطتني ابرتين قالتلي وحده مسكن ووحده تفتح الرحم بسرعه وجلست لين الساعه 6 ونص وانا خلاص احس اني انتهين وجتني دووخه قويه لاني يومين ما نمت وجيعانه جت وقتها الممرضه تشوف الرحم قالت الرحم مفتوح 7 سانتي ماصدقت فرحت مررررررررره ونسيت الالم وجلست احمد الله واستغفر وهي بعد ما طلعت يدها حسيت شي بيطلع مني علطول ناديتها وجت دخلتني غرفة الولاده وبدت تجهز العده حقتها وانا خلاص منتهيه بس قلت خليني اتقوى شويه عشان وقت الدفع حطتلي ابره تخدير عشان توسع وبدت تقلي ادفعي دفعت مره واثنين وثلاثه والرابعه حطيت كل قوتي وطولت فيها وطلع ابني احلى علي في الدنيا شفته بس بعدها دخت وما حسيت بشي فوقتني بعد ماطلعت المشيمه وقصت الحبل السري وانا مهلوكه وانتفض وبدت تخيط خيطت كثيييير من داخل وانا اقولها خلاص مو لازم انا تعبانه ابغى ارتاح قالت لازم بعدين زوجك ينبسط منك ههههههه وجاني وقتها نزيف وجلست تنظف لي يمكن ساعه وكل شوي اقولها ابغى اشوف ابني قالت طيب اطلعك الافاقه وهو هناك ينتظرك رحت بعدها عنده ومررره فرحت فيه ياعيني كان جيعان ويمص يده حاولت ارضعه ما قدرت وحسيت ان الدنيا تدور فيني من الدوخه ولدت الساعه 7 والساعه 10 طلعوني عند اهلي اول ماشفت ماما ايش على بكى انواع البكى والصراخ وابوس يدها وراسها كنت اقولها ياماما الله يجزاك الجنه وسامحيني انا تعبتك كذا وانا صغيره وربي يكتبلك جنة الفردوس لانك تحملتي المنا كلنا وهي تبكي ومو قادره تمسك نفسها وجا زوجي وباسني وتحمدلي بالسلامه وبس هذي كل حكايتي
بس بصراحه والله ماتوقعت الولاده كذا مرررره تخوف بس تجربه تجننننننن والحمد لله ولدت طبيعي وما انحرمت من هالتجربه لاني والده الاول قيصري وكنت كل مراجعه خايفه من الطبيعي اطلب قيصري بس ولا دكتور ولا دكتوره سمعو كلامي يقولولي مو بكيفك تولدين قيصري الا لا قدر الله حصل شي يستدعي لها
غرور امراه @ghror_amrah_2
عضوة فعالة
يلزم عليك تسجيل الدخول أولًا لكتابة تعليق.
الف الحمدلله على السلامه والله يصلحه لكي
ادعيلي داخله الثامن تقولين اول مره اولد هاذي الثالثه
ادعيلي داخله الثامن تقولين اول مره اولد هاذي الثالثه
الف مبروووووك
والف الحمد الله على السلامة
الولادة الطبيعية على تعبها والامها الا إنها تجربة ممتعة
يارب لاتحرم كل مسملة منها
الله يخليلك اللي عندك ولايحرمك ولايحرمنا من ذريتناااا
والف الحمد الله على السلامة
الولادة الطبيعية على تعبها والامها الا إنها تجربة ممتعة
يارب لاتحرم كل مسملة منها
الله يخليلك اللي عندك ولايحرمك ولايحرمنا من ذريتناااا
الف الحمدالله على سلامتك ومبروك ماجاكم
عورني قلبي
ادعيلي ان الله يثبت حملي ويرزقني بالطفل السليم المعافى
ويسهل علي حمله وولادته
عورني قلبي
ادعيلي ان الله يثبت حملي ويرزقني بالطفل السليم المعافى
ويسهل علي حمله وولادته
الصفحة الأخيرة
وعقبالنا ان شاءالله