بسم الله الرحمن الرحيم
قــصة قــصيرة ... نقلتها للفكاهة .. لا تفكروني اني اللي انخطبت
بس ان شاء الله قريب :icon28:
هذي قصه منقوله لبنت
تحكي عن نفسها وتقول :
(ابشركم انخطبت)
كنت قاعدة اتفرج عالتلفزيون ... متابعة مسلسل ..
وجا مشهد زواج وحدة من الشخص اللي تحبه من زمااااان ...:icon28:
قلبت القناة على قناة ثانيه ...
لقيت عرض أزياء فساتين عرايس... قلبت لقيت خطوات وضع مكياج العروس ...
سكرت التلفزيون وجريت الونة
:icon33: :icon33:
التفت على ابوي اللي نسيت تماما انه كان جنبي ... قال لي ابوي :
خير إن شاء الله يابنتي؟! وش فيك؟! عسى ماشر؟!
انا تلخبطت ساعتها وفتحت له التلفزيون وقعدت ساكتة ...
ايه اكيد بسكت وش اقول؟ اقول له ودي أعرس ؟؟؟ (يعني اتزوج بالعربي) ...
اقول له ان صاحباتي اغلبهم تزوجوا؟؟؟
وإلا أقول له إني تمنيت أكون مكان بنت خالي في كوشتها وفي الزفة أمس ؟
يقطع الدراسة وسنينها ياشيخ ...
اوف والله غثا يا بخت جداتنا ماتطق الوحدة العشر سنين إلا هي مخطوبة
وعلى الثناعشر اعرست
وان وصلت البنت ثمانية عشر ما اعرست قالوا عانس!!!
هذوليك البنات اللي عايشين صح مب حنا اللي نعجز ونوصل سن اليأس ما اعرسنا ...
أخ يبه الله يفتح عليك وتخليني اعرس ... وتفكني من الدراسة ...
:(
وبينما انا غارقة في قاع هذي الهواجيس ويرن التلفون ويقطع حبل افكاري ...
طالع الرقم ابوي وقال رقم غريب ... رد بلهجة رسمية :
- وعليكم السلام .....
الله يسلمك .....
الحمد لله بخير .....
ايه أنا أبوفلانة (منيب قايلة لاحد عشان محد يعرفني ويضحك علي) ....
لا منت غلطان انا هو ...
ماعليك زود الله يسلمك ...
من معاي ياخوي ماعرفتك ...
والنعم .... تفضل وش السالفة اللي تبيني فيها ؟....
لا ماني مشغول ...
لهالدرجة الموضوع مهم ؟!...
تفضل تكلم شغلتني ...
والتفت ابوي علي وعطاني نظرة غريبة
انا ساعتها قرصني قلبي مو من ردود ابوي بس من نظراته الغريبة
رد ابوي على المتصل : وش فيها زود طيب ؟...
لا بس مافيها أي ميزات عن الباقي ...
<<< ودي ارجفك يبه واخذ السماعة منك واكلم الرجال ناشر غسيلي حتى عند الرجاجيل
رد ابوي على المتصل : طيب وبعدين ... أيوه ....
طيب وش اسمك الكامل ؟
وش تشتغل بالضبط ؟
طيب من دلك علي وعطاك رقمنا ؟
لا الموضوع يا ابني مو بهالبساطة ....
العملية مش بيع وشرى وبس ...
الواحد لازم يسأل كثير ويحرص قبل يقدم على أي خطوة ...
لا موضوع انك تجي لبيتنا خليها بعدين ...
لين أسأل عن كل صغيرة وكبيرة ...
لا لما اكتفي من السؤال وأخذ المعلومات
اللي تكفي بتصل عليك تجي ونتفاهم ويكون خير إن شاء الله
انا كنت اتابع حركات ابوي وانا متشققة من الفرحة ...
أخيرا انخطبت وبتزوج مثلي مثل غيري ...
يوووووه أخيرا بلبس فستان أبيض منفووووووش
أخيرا بطلع أجهز واقضٌي للزواج ...
بسوي زواج كبير مررررررة
وبحط زفة ريميكس وطرحتي مابيها خليجية بخليها مبتكرة ...
منيرة منيب عازمتها هي وخواتها
ماعزموني الأسبوع اللي فات على الدي جي اللي سووه ...
وحصة صديقة امي منيب عازمتها بعد مطوعة مالي خلقها تحوسني لو حطيت اورج ...
وبشتري أغراض واشيل واحط واخطط ... بيصدع راسي بس ولو لذيذ هالصداع ...
يوم قفل الخط ابوي التفت علي وهو مبتسم ابتسامة تعجب وهو ساكت ... قلت :
- هاه يبه؟ متى بيجي يشوفني ؟
- منهو
- هذا اللي خطبني تو
- وشو؟!
- خطيبي اللي تو
:hearts: :hearts:
- تموووووونين انتي ووجهك صار خطيبك على طول ماعندك وقت
- ايه يبه ترا احذرك هالمرة شف تكرش العريس
مثل ماكرشت ولد أم مساعد العام
للحين تراها حازة في نفسي
ترا هالمرة بضرب عن الدراسة ...
والا الاكل مقدر اضرب عنه ...
وجع يبه بعنس من تحت راس فعايلك بخطاطيبي ...
والرسول حث على تزويج من ترضون دينه وخلقه ...
وهذا قايل قلبي انه أجودي
ترا ما اعرفه بس اتوقع انه كذا...
وترا العرس أهم من الدراسة عشان الجنس البشري ماينقرض ....
وبعدين من قال لك اني منيب مكملة دراستي والله بكمل
:3_3_103:
حسيت ان عيون ابوي بتطلع من شدة علامات التعجب اللي في وجهه
بعدين انفجر من الضحك
- هي انتي وين رحتي حدك حدك لا تشطحين !!!
- وش اشطح ؟!
هذي الحقيقة والحقيقة ماتزعل
وانت الله يطول لنا بعمرك علمتنا على الصراحة وحب الحقيقة
- أي عريس وأي هم؟؟!!
انتي مصخنة ؟؟
هذا مندوب شركة يبي يجي يوريني المكنسة الكهربائية العجيبة على قولته
اللي تغسل وتنفخ وتطبخ
قومي نامي يابنيتي
ولا تكثرين قعدة قدام التلفزيون ... الحين بس عرفت ليه سكرتيه تو...
انا لا تسألون عن وجهي ...
:35:
الله يقطع أم العجلة اللي تعرفونها ....
:(
مشكلتي اني أجزم على طوووووول قبل أتأكد
استروا ما واجهتوا
يلزم عليك تسجيل الدخول أولًا لكتابة تعليق.
HAJOORY
•
هههههههههههههههههههههههه والله اموت ولا افتح الموضوع مع ابوي وعن ايش عن العرس والله انك جريئه واهنيك على خفة دمك وهنياله الي بياخذك
HAJOORY :
هههههههههههههههههههههههه والله اموت ولا افتح الموضوع مع ابوي وعن ايش عن العرس والله انك جريئه واهنيك على خفة دمك وهنياله الي بياخذكهههههههههههههههههههههههه والله اموت ولا افتح الموضوع مع ابوي وعن ايش عن العرس والله انك جريئه...
HAJOORY
مشكورة على المشاركة
بس هذي مو أني
وحدة نقلت عنها القصة
بس على الجرأة والله بالفعل اني جريئة
وما اخجل اتكلم عن الزواج مع الوالد
متى يا رب اتزوج؟
:icon33: :icon33: :icon33:
مشكورة على المشاركة
بس هذي مو أني
وحدة نقلت عنها القصة
بس على الجرأة والله بالفعل اني جريئة
وما اخجل اتكلم عن الزواج مع الوالد
متى يا رب اتزوج؟
:icon33: :icon33: :icon33:
الصفحة الأخيرة
حلوة
مشكورة