والله حزنتني كلمتك مستضعفيني اهلي
انتبهي يا قلبي زوجك لا يحس بالشي ذا
وامك ارضيها لو اسبوع وارجعي لبيتك
الله يقومك بالسلامه ويسخر زوجك لك
لون حياتك بطاعه مشكوره على ردك علي الله يحفظك احس انك سكبتي ماء بارد علي اشكرك على هذا الذووق والرقي الله يحفظك حبييت اوضح لك انا ما عندي اطفال بس اقصد اولاد المطلقات اتأثر اذا شفتهم ايوه عجبني ردك كثيير
الصفحة الأخيرة
شوفي يا اختي راح اجاوب لك من خلال مشكله عايشتها
المشكلة لاختي وهي صار بينها وبين زوجها خلاف كبير وتفقوا على الطلاق خلاص وتركت بيته والاولاد عنده في لحظة عزة نفس ووسوسة شيطان انها مراح تحتاجه ولا راح تشتاق لاولادها وانه اذا فيهم خير راح يرجعوا لها لما يكبروا
طبعا جابرت على نفسها اول يوم والثاني على المساء ماقدرت وبدا موال البكاء جيبوا لي اولادي
واهلي طيبين لابعد حد بس مالهم بالمشاكل ووجع الراس يعني مسالمين لابعد حد
بس لما امي شافت حالة اختي تعبت بعثت رساله له وكثر الله خيره ثالث يوم جابهم لها
والله لو تشوفوها تكسر الخاطر هي واولادها
نيجي الحين بعد ما جوا اولادها
وارجع اكرر اهلي والله مافي مثلهم بس سبحان الله ماعندهم اطفال متعودين على الهدوء غير لما نجتمع عندهم اخر الاسبوع يوم وخلاص كتعودين على الرواق
صاروا يتشكونوا من ازعاج عيال اختي
واختي متعوده على نظام تسهر وطول النهار نوم وعيالها معودتهم تحط لهم الاكل والعصيرات والي يصحى يفطر لوحده وتعرفوا كيف حوستهم ولما تصحى تنظف وراهم بس هي متأقلمه هي واولادها وزوجها على هذا النظام وطبعا مافيه في نظامها غداء بس عشاء
بس اهلي عندهم كل شئ بنظام يعني وجبة غداء ووجبة عشاء خفيف
وغير دلع اولادها وتلقفهم كلنا امهات ونعرف كيف الاطفال يحبوا الاستكشاف وكل شئ يتعبثوا فيه
ولكذا زاد تافف اهلي وتسميع الكلام اختي كانت عايشه حياتها على كيفها عند زوجها ولما رجعت عند اهلي كانت ودها تستمر عليه بس امي انسانه نظاميه وكانت تسمعها وتنتقد اسلوبها بترباية اولادها وتصرفات اولادها من باب انها تتعدل
بس اختي لانها اول شئ متمشكله مع زوجها وكمان تركت حياه هي الملكة الحاكمة الامره والناهيه فيها رجعت تعيش تحت ملكة غيرها وهي تامرها وتنهاها فتعبت كثير وصارت تتحسس من اي تصرف لاهلي معاها مع انهم والله يتكلموا من باب النصيحه بس هي تاخذها انها تشمت وخناق لها
وانا كنت الوصل بنها وبينهم حتى ماتصير بينهم مشاكل واحاول امتص الي يصير بينهم
واوضح كلام كل طرف لثاني حتى مايحدث سوء فهم
وتعبت كثير لدرجة طلبت مني اكلم زوجي يتدخل حتى يصلح بينهم
والحمدلله تم الصلح
وكل هذا الكلام في اسبوعين بس ماقدرت تتحمل
لازم الي ودها تتطلق او تزعل على زوجها تفهم انها اذا رجعت لبيت اهلها
ترى هي الحين ماهي المسؤولة وان فيه نظام جديد راح يمشي عليها ببيت اهلها لا تحسب انها بعدها البنت الدلوعة الي قبل
الحين يعتبروها مرة كبيرة فاهمه تحاسب على الكبيره قبل الصغير لانهم خلاص يحسبوا انها فهمت الدنيا صح
والي تقول انه منتدى يقدس الرجل احنا مانقول لها نقدس زوجها بس طاعته واجب ولازم تحافظ على بيتها مامثل انه الوحده لها بيت تتحكم فيه وتمشيه على الي يريحها
والله العظيم بنت خالي عندها بنت وتطلقت من زوجها لها سبع سنين وهي الي طلبت الطلاق واصرت عليه بسبب المشاكل
والله العظيم وانتي ماحلفتيني انها هي الامره الناهيه في بيت اهلها تقول ياريت ماحد وقف معي في طلب الطلاق وبعدي على ذمته ترى مكانة الزوج عظيمه ومكفي انه يخدم اولاده من غير منية احد وشحططه واذا واحد مزاجه زفت يتفشش في اولادك
الحمدلله الي ردك لزوجك اسال الله ان يسخره لك ويسخرك له
والنفاس في بيتك احسن انا كل اولادي في بيتي واحضر كل شئ من بدري والله بكريتي على اربع ايام قمت انا بنفسي امي كبيره وتيجي تقعد عندي اول سبوعين وبعده ترجع بيتها ما احب اغلبها مكفي تعبها معي لما حملتني وربتني
وزوجي ملزوم فيني وفي اولاده خله يحس بالمسؤولية ويعرف ايش اعاني ويتعود يشيل معي تعبي
وكمان عشان مااثقل عليهم ماديا الله يرزقهم من حيث لا يحتسبوا
وانا لما ذكرت قصة اختي ودي اوضح الفكرة انه اهلك مايكرهوك بس يكونوا منتقدين اسلوبك وتعرفي انتي في بيتك ماخذه راحتك بس عند اهلك راح تكون كل تصرفاتك تحت المجهر وكل امهاتنا ييريدوا لنا الخير
واختك لما تمد ايدها على ولدك وقفيها عند حدها وخلي معك حلويات والعاب لولدك اذا جابت لولدها طلعيهم لولدك حتى مايروح لاغراض ولدها
وبالنسبة لاتجيبي طاري اهلك بالشر قدام زوجك وكمان لاتكذي وتقدسيهم لان حبل الكذب قصير
يعني مولازم يعرف عن الي يصير بينك وبين اهلك وكمان ماتروحي تكذبي انهم سواوا وحطوا وعملوا عشانك وهم ماسوولك شئ يعني امسكي العصايه من النص ولاتكذبي