أبشركم .. رفضت إني أكون الثالثة .. شكراً لكم

السلام عليكم و الرحمة

شخباركم أخواتي ؟ عساكم طيبات ؟

قعدت طول الليل و اليوم أفكر في كلامكم اللي كتبتوه في موضوعي اللي كتبته أمس بخصوص إني أكون زوجة ثالثة

و بصراحة أقنعتوني إني ارفض اللي متقدم ،، و الأسباب كثيرة :

- انه ما بيكون لي بس.
- انه يكون شبعان و ما بيأثر فيه شيء
- انه بيقارن بيني و بين باقي زوجاته
- انه بيفكر يتزوج الرابعة
-انه ممكن تكون نزوة بالنسبة له
- انه ممكن أدخل بمشاكل مالها أول مع زوجاته
- انه لو شافني أقل من زوجاته ممكن يتخلى عني
- انه يمكن اختلاف العمر ما يكون لصالحنا
- انه ما بكون أول فرحة له
- انه ممكن يكون زوجانا عشان يثبت لنفسه إنه بعده صغير
- انه و انه و انه و انه ............ إلخ

نبهتوني على نقاط ما كنت مفكرة فيها ،،، و صدق كنت أفكر بقلبي أكثر من عقلي ،،، وكنت غافلة عن أشيا وايدة ما فكرت فيها أبد ،، وأشكركم إنكم فتحتوا عيوني عليها :27:

لكن بأكد لكم شيء لاحظته بردودكم على موضوعي ،، قلتوا لي إني على علاقة معاه ،، قصدكم إنه تعرف علي و بيننا علاقة من غير رابط ،، والله ما صار هالشيء و تضايقت مررررة من كلامكم هذا ،،، الله يعلم إنه ما بيننا شيء ،، والله يعلم بهالشيء :(

أرجوكم إدعوا لي إن الله يرزقني الزوج الصالح على قد نيتي