أبشركم ولدت

هلا وغلا



اشكر اولا كل من سأل عني وكل من دعتلي في موضوعي القبل سبوعين

(( اللي جربواالولاده الطبيعيه ))


كان عندي موعد يوم الاربعاء ورحت وفحصني الدكتور وكل شيء اوكي بس كان الرحم مسكر وقالي اذا تبين نعطيك فرصه اسبوع او ندخلك السبت ونعملك العمليه
الاحد واذا تبين رايي مالك امل بالطبيعي وانا كنت ادري من اول مافحصتك بس

قلت اعطيك فرصه ونشوف الامر كله بإيد الله سبحانه .. تضايقت وقتله بنتظر
اسبوع وشوف ... رجعت البيت وانا متضايقه حدي وانا ماعندي اعتراض علي العمليه بس قلت بجرب الطبيعي علشان مالوم نفسي وقول انا استعجلت علي القيصريه.. تناقشنا انا وزوجي وامي واختي صارت قضيه السالفه :D

المهم قررنا قيصريه وكلم زوجي علي المغرب الدكتور علي الجوال وقاله
قررنا قيصريه قاله اقتنعت انه مافي مجال للطبيعي ... حددالسبت ادخل وجيت السبت
وانا متردده حيييييييييييييييييل قلت في نفسي يمكن الاسبوع هذا يفتح الرحم واولد طبيعي تضايق شوي الدكتور وقال انا الحين مكلمهم من البيت وضبطت امورك
وكل شيء والحين تقولين بنتظر اسبوع وشوف .. قالنا اجلسي انتي وزوجك الحين وتناقشوا وعطوني خبر بعد ربع الساعه .. جلست ابكي وحالتي حاله ومسكين زوجي يحول يهديني وتناقشنا اكثر من ربع ساعه وكنت مستخيره قبلها ..

ودكتور جالس ينتظر :time: المهم قررنا قيصريه وقالي خلاص تروحون الحين
وترجعون علي الساعه 12 في الليل ندخلك ونعملك فحوصات ماصدقت وطلعت

وخذني زوجي يمشيني الي الساعه 9 في الليل وبعدها رجعت البيت وجهزت الشنطه
ومشينا علي المستشفي وكان يوم السبت تاريخ 2\7 وعي الساعه 2 فجر بدت الام فظيعه بطني علي ظهري وحس شيء بطلع واجلس اتحمل الالم قلت اكيد من الخوف

ماجربت الام الطلق من قبل وماعرف كيف بتكون المهم اذن الفجر واقوم اصلي الفجر والله ماادري شلون قمت من الالم وادعي ربي وحالتي حاله ..

وكلم الممرضات ويجون يحطون جهاز نبض البيبي علي ويقولولي هذا موطلق يامدام والبيبي كويس ... صارت الساعه 5 الفجر وقلت خليني اقوم اخذ دش مع
اني قبل لااجي المستشفي خذيت دش بس علشان انسي الالم والخوف قلت اشغل
وقتي المهم دخلت اخذ الدش مامداني فصخت الملابس الااشوف دم :icon28:

قلت هذا المخاط لوووووووووووووووش طبيعي انشالله واطلع من الحمام وكلم
الممرضات ويجون يشوفوني وتجي دكتوره المناوبه وتشوفني الامفتوحه 2سم

:D معقوله طبيعي مومصدقه وكلموا دكتوري وقالهم خلاص تابعوا الحاله علي مااجي وجاء الدكتور علي الساعه سبع ونص وانا فرحانه ومتأمله طبيعي
قالي بفحصك واشوف وانشالله خير فحصني وقالي مفتوحه 2سم بس البيبي مرتفع
مره مانزل الحوض ولاراح ينزل تبين تنتظرين 4ساعات 5ساعات براحتك
ترددنا انا وزوجي وبعدين قلنا خلاص قيصريه قال انا قتلكم مافي مجال طبيعي حتي لوفتح الرحم المشكله في البيبي مو الرحم لانه مرتفع المهم دخلت غرفة العمليات
وخذيت ابرة الظهر علشان كنت بسمع صوته اول مايطلع ماودي انحرم من اني اسمع
صوته واشوفه مثل اللي يولدون طبيعي والحمدالله ودخل معاي زوجي وجلسنا نسولف انا ودكاتره وزوجي ماحسيت بشيء اللين ماطلع البيبي وسمعت صوته

(( انشالله ربي يرزق كل محروم )) وقال الدكتور الحمدالله انه ماتاخرنا ولاقلتي بنتظر الساعه زياده ولاكان نفجر الرحم وخله زوجي يشوف كيف لوتاخرنا وش
كان صار في الرحم الحمدالله انه مصارفيني شيء .


ادري طولت عليكم بس هذي قصة ولادتي من طق طق الي سلام عليكم

وعي فكره لاتقولون علشان قيصريه مادعت الله يشهد علي دعيت للكل انه
الله يرزق كل محروم ويشفي امي ويخليلي زوجي اللي ماقصر معاي بشيء
ويسهل علي كل حامل .



المستشفي كان سعد التخصصي ودكتوري عدنان عاشور وكان معاه دكتور ثاني
اسمه محمد حسين ودكتور اللي عطاني ابرة الظهر باسل .عن جد الله يوفقهم
ويجزاهم الف خير كانوا مثل البلسم علي الجرح .