السلام عليكم ورحمة الله وبركاته أبطرح أول مشاركة بحياتي وأبغى أشوف تفاعلكم
أبشكيــــــــــــلكـ
بعد ياصاحبي ماغاب شعري من ثلاث اشهور
رجعلي مثل غيثن طاحت الأشجار من سيلة
صحيح انه تحول صرت أشاهد في سماه النور
بعد ماشرف احضورك قلبن صــاح من ويله
كثير أشياء تتحول وأحاول أكتم المستور
مدام النفس عيت أحكي لأي حد أو آوي له
أبشكيلك بلا تصريح وأبي تسمع بكل اسرور
لأنك ياهنا قلبي لقلبي حيــــــــل تعنيله
أبشكيلك جروحن منها ضلعي غدا مكسور
وضاق الصدر منها والجسد آآآه انثنى حيله
أبشكيلك جروحن حطمت حالي وأنا مقهور
وليلي من سببها ناح وطاح اليوم قنديله
أبشكيلك من اجروح اتركتني خلفها مذعور
ولابه من يواسيني سوى دمعي ومنديله
أبشكيلك جروحن خلت أفعالي بليا اشعور
ورب البيت يا شي(ن)حصلي صعب تفصيله
لك الله فز عرق القلب وكنه مالبكا محشور
ولابه لوم ياذا الجرح يامقوى تهاويله
أبشكيلك بلا تصريح وأبي تسمع بكل اسرور
مدام القلب له قلبن يعرفه من مواويله
(حقوق النشر محفوظه)
**أم حامد** @am_hamd_5
عضوة جديدة
يلزم عليك تسجيل الدخول أولًا لكتابة تعليق.
الصفحة الأخيرة
بصراحه قصيدة رائعه
اتمنى لك التوفيق ولاتحرمينا من قصائدك الرائعه