أبغا أبدء تجارتي بهذا فما رأيكم

الله يسعدكم أنا نفسي أبدء تجارة لكن مدري كيف؟
أبغا أشترى أشياء من النت لكن ماديا ماأقدر
كل شركة تطلب مندوبات أدخل وأشترك فيها وبصراحة كل الشركات ماهي مفيدة يعني النسبة اللي لك تروح بالشحن لأن الشحن عليك

فكرة أبدء بالمعمول والجوزية لأني ولله الحمد أتقن طريقتهاوكثير ناس ذاقوه وأنصحوني بفكرة البيع أشتريت الألآت حقتهم والله كل من ذاقها أبداً مايصدق إنه شغل بيت وخواتي يقولون سوي وبيعي ونساعدك وعندي كذا طريقة حلى روعة أقدر أسويه بس بصراحة مترددة أخاف ماأستفيد وزوجي رافض الفكرة إلالما أجيب مواد حافظة للمعمول والجوزية وماأعرف من وين أجيب مواد حافظةوأحترت فقلت مالي إلا أخواتي بمنتدى حواء يساعدوني بأرائهم
والله ماأبغا أكون غنية العب بالفلوس يكفي بس أسدد ديني هذا ماأسع له

أنتظر أرائكم لي لأني بعد كم يوم أبحذف الموضوع
لاتبخلون على بنصحية والي ماعندها ترفع الموضوع رفع الله قدرها