كيف حالكم يا عسلات ..وكيف أيامكم
حبيباتي,,اشترينا غسال ال جي
ولما نحط الملابس ونشغلها اوتوماتيك ..ماتكمل 8 دقايق الا وهي تكب المويا
طفشتتتتنا ..ماعرفنا نسوي لهاا برنامج
قرأنا الكتالوج بس مافي فايدة ..
ياليت الي عندها زيها ..تساعدنا وتشرح لنا ..
وبسأل كمان عن التوقيت هل الخانة الاولى يعني ثواني ولا دقايق ولا وش وضعها ..!
لأنو مرات نخلي الخانه الي بالنص 3.00 وتكب المويه بسرعه
:ohmy:
انا بقولك طريقتي في غسالتي
اذا بغيت اغسل الملابس اول شي احطهم فالغساله
وبعدين اضغط على زر الكهرباء اللي يخليها في وضع الاستعداد
وبعدين انا طبعا اول شي اشطف الملابس بالماي بدون صابون
وفي هالنقطه اضغط على زر شطف واختار رقم واحد
واضغط على مستوى الماء حسب كمية الملابس
وطبعا هي بتقوم بالمهمه يعني بتشطف الملابس وتصرف الماي
واذا خلصت بيرن الجرس وتطفي
^^^
هذي المقدمه اضافه من عندي
نجي للمهم
( وهذي النقطه المهمه اللي تخليك تتحكمين في الغساله
ومايخليها تصرّف الماي بسرعه )
اشغل الغساله واضغط على زر غسيل وبس
يعني مااضغط على زر التشغيل عام واخليها تسوي كل شي من كيفها
تغسل وتشطف وتجفف
في هاذي الحاله بتصرف الماي بسرعه
اما اذا ضغطتي فقط على زر الغسيل لحاله هي بتشتغل واذا انتهى الوقت
بيرن الجرس وماتصرف الماي
" اكمل "
بعد ما اشغلها اضغط بس على زر الغسيل واضبط مستوى الماء حسب كمية
الملابس واحط الصابون واضغط زر تشغيل
واتركها لحد ماتخلص دورة الغسيل وبعدين هي بتناديني بواسطة
الجرس وبعدين بتطفي
واجي واشغلها مره ثانيه واكرر نفس اللي سويته المره الاولى
اضغط على زر الغسيل وزر مستوى الماء وزر التشغيل واتركها
واذا خلص الوقت ورن الجرس
واذا حبيت اكرر مره ثالثه وفي هالمره اضغط زر التجفيف
على رقم واحد عشان تصرف الماي
واذا خلصت من التجفيف نفس الشي بيرن الجرس وتطفي
وفي هالمره اشغلها واضغط زر الشطف وزر التجفيف
ونفس الشي اضغط على حسب المرات اللي اشوفها انها بتزيل عن الملابس كل بقايا الصابون
وغالبا انا اختار في الشطف رقم 2 يعني تشطف الملابس مرتين
واضغط على التجفيف وطبعا على اعلى شي يعني رقم 7
وخلاص اتركها لحد ما تنتهي دورة الغسيل ويرن الجرس واشيلهم وانشرهم
لأن غسالتي ماتجفف الا 80 بالميه
اما اذا بغيتي تحطين ملطف حطيه في آخر مرحله من مراحل الشطف
وبس .. هذي طريقتي في غسالتي LG اللي تتعبا من الاعلى
وهذي الطريقه للي ماتبي الغساله تصرف الماي بسرعه
اما اللي تبيها تشتغل وتسوي كل شي من نفسها
تضغط على التشغيل
وبس تحط الصابون وتتركها تسوي كل شي لحالها لحد ماتخلص ويرن الجرس