أبغى أتاجر بأغراض غير متوفرة في منطقتنا..كيف أسوقلها في المحلات؟

عندي نية في الوقت الحالي أدخل عالم التجارة لكن في الواقع وليس في النت لأن منطقتنا صغيرة وإذا عرضت المنتج في النت حيعرفوا من وين المنتج في النت ..ويمكن أغير رأيي وأعرض البضاعة في حساب زوجي في الفيس بوك لأن المضافين عنده كثيرين..ويمكن أعمل لي حساب في الانستقرام..


فاخترت التجارة في الواقع وليس في النت أسأل الله أن يوفقني لها ..






⚫أبغى أشتري المنتجات اللي هيا غير موجودة في أسواقنا في منطقتنا وأبعيها ..لكن ماعندي محل أبيع فيه..وماني عارفة كيف أعرض بضاعتي للمحلات وهل أقول لصاحب المحل بيعلي المنتج ولك المبلغ الفلاني..أو أبيع له كمية بالجملة وهو يسعرها على كيفه في محله ..لكن أخاف يبيعها بسعر غالي وماتمشي البضاعة لاقدر الله فمايشوف من بضاعتي فايدة ومايرجع يشتري مني مرة ثانية لاقدر الله..
أو أعطيه المنتج وأقوله أنا أبغاه بالسعر الفلاني وانت زيد عليه ريالين فقط فائدتك على كل منتج تبيعه لي؟






⚫شوري علي أعمل دعاية في النت ولا ما أعمل لأن منطقتنا صغيرة ويمكن اذا شافوا اعلاني في النت يدخلوا على قوقل ويعرفوا مصدر بضاعتي ويقلدوني لاقدر الله؟


⚫شوري عليا ودليني جزاك الله خير كيف أتعامل مع أصحاب المحلات لعرض بضاعتي؟


⚫وكيف أضمن حقي إني ما أجي يوم لصاحب محل وطلبت فلوس بضاعتي اللي باعها ويقول لي ما أعرفك لاقدر الله؟