أبغى أحفظ القرآن الكريم

وعليكم السلام ورحمة الله وبركاته،،

مرحبا بك ،،

ونعم مانويتِ الله يثبتك ويعينك ..

إذا أنت في شمال الرياض ..
عندك دار المحمدية ودار أم سلمة ..
من أنشط الدور ..

الله يجزاكي خير عزيزتي نرجس ويثبتنا وياك آمين
أتمنى أحفظ القرآن الله يسهل لي ولك يارب

كل الدور فيها الخير والبركه
أنا من جنوب الرياض
أدرس في دار لسى في البدايه وتنقصها الكثير من الخبره

لكن الموجودين من معلمه وطالبات يكفي إنهم يشجعونك على الحفظ
بالذات المعلمه الله يجزاها خير ويعطيها على قد نيتها

صدقيني أهم شي إنتي عندك الرغبه في الحفظ
وربي بيسهلك إن شاء الله

مشكوره عزيزتي هنادي
الله يسهل لك بعد وتختمين القرآن على خير


بنات ترى انا مره ماعندي خلفيه عن نظام دور التحفيظ
لاتبخلون علي الله يجزاكم خير علموني.. هل اذا سجلت اصير مع طالبات يدرسون مواد ثانيه ويحفظون قرآن واللا هي خاصة بس بالقرآن؟
ابي تفاصيل

لا ياعمري بس قرآن بس أكيد مع تجويد
إنتي إذا سجلتي راح تكونين في مستوى النون الساكنه
وإذا تجاوزتيها بالإختبار النهائي
الدوره الجايه بتكونين نون ساكنه تطبيق
وبعده مدود
وبعده مخارج

طبعا بعض الدور يضيفون الأربعين نوويه والأصول الثلاثه
كتيبات صغيره وسهلة الحفظ

والله يسهلك ياارب