الماش رهيب بس ما اعرف كيف يتسوا بالشوربه بس بالسمبوسه فيه نوع ماش يكون طازج رطب حتى بنحط بالسلطه.بس انا ابي طريقته بالشوربه اذا احد يتكرم ويقول الطريقه.حتى رهيب بالنفاس:27:

يالله يا ناس.......... يا عضوات ..........

قرقورة وام الحلوة ينادوكم .

قرقورة ..

انا عندي الحل اسلقيه واخلطيه مع اللحمه واحشيها فيه .لان مثله مثل باقي الايضافات للحشوات لازم تنسلق.:cook: اذا انتي خايفه سوي كميه بسيطه لان بيخلص الشهر محد رد.:cook:

شكورة يا عيوني على الرد
بس لما يتسلق نضيف ملح ولا لا ؟؟

قرقورة ..

العزيزات قرقوره وام الحلوه..
والله توي اشوف الموضوع.
بالنسبه للسنبوسه ياقرقوره..عندك خيارين..اما تنقعينه كل الليل ومن بكرا تشوفينه صار ليّن تشخلينه وتضيفينه لحشوه السنبومسه بعد ماتتخلصين من قشوره طبعا..ولاتكشنين له ولا شيء..انتي اضيفيه للحشوه اللي انتي مجهزتها..يعني بصل ولحم وبهار وبقونس وملح ..الخ
والخيار الثاني انك تسلقينه تبي تشوفين قشوره تطلع فوق شيليهن كل شوي والمسي الحبة اذا شفتيها لانت سكري عنه واشخليه واضيفيه..
سويتها قبل كم يوم صراحه تهبل مره ولذيذه..واعجبت الكل..حتى فطرّت وحده امريكيه وداخت على طعمها..
نجي للشوربة..من الذ الشوربات وانفعهن..وللنفاس أكثر من رائع..للعظام والمفاصل..
للاخت ام الحلوة..
تاخذين كميه الماش اللي تبين تزينيه..وتضعينه في قدر وتغسلينه وتضيفين له ماء وتولعين عليه الماء..اسلقيه تقريبا ساعه..وسكري النار عنه..
خلاص الى هنا واضح..
تخلينه يبرد وبعدين تولعين عليه النار مره ثانيه..تبي تشوفين القشور حقته بدت تطلع فوق وهذا الغرض من انك تتركينه وبعدين تشغلين عليه النار..
بالملعقه المشخله(الملاس) وهو يغلي تبدين تشيلين القشور وترمين القشور..وتغطين القدر وبعدين ترجعين وتفتحينه وتشيلين القشور اللي فوق يمكن مرتين او 3 على حسب بس ماتطول..

تكشنين بصل ناعم مع زيت..اذا لان البصل تضيفين طماط مطحون كثريه شوي..فلفل اسود بزار ملح صلصه هذا كله بقدر صغير او مقلاه كبيره..الين تثخن..بعدين كبيها على الماش اللي شلتي قشوره عنه..وخليه شوي وسكري عنه..
تراه سهل بس شرحه يوحي انه صعب والا ماتاخذ منك وقت ابد..
وبالعافيه واجعله هنئ مرئ..آمين..:24: