السلام عليكم يا جماعة الخير,,

انا رايي يا جماعة ان اللي بيبيع تقليد راح يبيعه بالدس , يعني اما عن طريق محل كشك صغير ضمن بضاعته و الا عن طريق المعارض , او طلبيات بالتلفون على بضاعة واصله البيوت مثلا.. لكن انه توصل المواصيل بمحلات التقليد انها تفتح محلات بالمراكز المعروفة , لا و تسوي ديكوراتها نفس ديكورات محل الماركة الاصلية ,و تدفع ايجار و توظف ناس و و و ..و زباينهم بالاسبوع او الاسبوعين مره... بالله عليكم اي محل تقليد هذا اللي بيصبر و يسوي و يخسر كل هذا؟؟؟؟ يعني مره كلش نحنا ما نفتهم و ما نعرف نميز المحل و بضاعته ؟؟؟؟ وين قوانين العلامة التجارية ؟؟؟؟ و قوانين حماية المستهلك من الغش التجاري اللي موقعه دولنا عليها , هذي كلها وين راحت؟؟

و بعدين الماركات لما تفتح في اي مكان ما تعطي وكالتها للوكيل ميه بالميه , يعني ما تخليه على كيفه يصرف البضاعه و بيبع بالسعر اللي هو يبي,,,لا , هذي تكون بشروط و اتفاقيات و نسب ارباح محدده, عشان لا يجي الوكيل يضر بسمعة الماركة و تخسر, حتى مرااات يكون اسم الوكيل صوري بس .. يعني عشان في قوانين مثل اللي عندنا في الدوله تفرض انه في أي تجارة لازم تكون باسم اماراتي و تكون حصته النص ,, بس مثل ما قلت قد يكون هذا صوري بس ,,,,

بس بعد ما فيها شي لو شك الواحد , انه يتأكد من فرووع الماركه اللي عندنا في الخليج- مع اني متأكده انها اصليه - مثل ما قالت الاخت أجمل الكائنات, انه يفتح موقع الماركه و يروح لـ وين محلاتهم موجوده حول العالم و يتأكد .

و الـــــســـــــمـــــــــــــــوحــــــه , طولت عليكم
:26:

ماشالله بنات موضوعكم حلوووووووووووو.. وأول مرة أعرف انه جيفنشي ماتقلدت لأني من كثر ماشوف التقليد ألحين بالمراكز البنات شالينهم وبعد من كثرهم بالنت.. والله كرهت الأصلي اللي بنفس شكلهم..

مشكورات خواتي ويزاكم الله ألف خير..

الأخت أجمل الكائنات.. اذا محلات الماركات الأصلية مابتفتح بدول الخليج.. عيل وين بتفتح؟؟

لأنه ماشالله عدنا الخير.. والخلق كلها ألحين متفتحة عالماركات.. وليش مابتفتح؟؟
والمافيا مب معقولة بيفتحون بوتيكات بأسماء الماركات وهم مايدرون.. ياختي أكيد بيوصلهم الخبر لأنهم بالمركز موجودين عيني عينك.. يعني الشي مايدخل المخ..