أبغى أموووووت ''' كلامهم سم على قلبي

الحمل والإنجاب

بنات مالي غيركم اشكيله تعبت والله تعبت

أنا ما أجيب عيال وهذا الشي اللي تخلي الناس
نظرتهم شفقه عليه

بقولكم بعض القصص صارت معايه و على عمري الصغير ومتحمله

اول سالفه مره بنت خالتي اتزوجت بعدي وحملت بنفس الشهر
يوم عرفنا انها حامل قام اخويه الصغير قال كل الناس حملو الا انتي

دخلت الغرفة بكيت بكيت لين حسيت قلبي بيطلع كنت ابكي واشد شعري من القهر

والثانيه بنت عمي تزوجت بعدي
يوم حملت جاني كلام ومتأكده من الكلام تقول لا تقولوا لفلانه أني حامل
مسكت نفسي لين رجعت البيت ما أبغى زوجي يشوفني دخلت غرفتي
وجلست ابكي أنا فرحتلها وهي تقول كذا
بطنها كبر صرت يوم ادخل عندهم تغطي بطنها ولا تحط شرشف حولها
تقولي أخاف من عيون اللي ربي ما رزقهم

الثالثة واللي كانت سكين على صدري

سلفتي اتزوجت بعدي وكنت يوم ادعي لنفسي ادعيلها معايه انو ربي يرزقها
بعد 8 شهور من زواجها حملت يوم علمتني حضنتها وشايله شغل البيت عنها

الموهم تقول للبنات أني حاسدتها ويوم ادخل واقابلها ترز بطنها على قدام
وتمسك ظهرها حتى أخوات زوجي قالولها عيب اللي تسويه

هي شالتكي بداية حملك
امس جو عندها بنات وماقالتلي مع أني ساكنه فوقها على طول
جأت بنت اخوها صغيره قالتلي انتي ليش تحسدين الناس قلتلها ليش

قالت عمه تقول انها ماتناديكي عشان انتي تحسدين الناس هي يمكن البنت سنه رابع

قلتلها خلاص حبيبتي أنزلي تحت هي نزلت وانا دموعي غاصه فيني وأول ما طلعت
بكيت بكيت ما ارتاح لين اشد شعري بكل قوتي استغفر الله كنت أعاتب ربي

اقول خلاص أنا مافيني صبر حتى لو كان مؤ خير ليه أرزقي ولا خذني لك

وأسكت وارجع ابكي قمت صليت الوتر دعيت ربي انو ماشكيت لاحد غيرك
كل يوم أعيش ف وهم أني حامل تعبت من نظرات الحريم الكبار يوم ادخل

يقولولي مافي شي في الطريق اقول الله كريم ادخل الله يكرمكم الحمام ابكي لين احس أني ينفجر

كل اللي بعدي حملو الا أنا ليش والله تعبت مافيني صبر ادعي ربي انو يأخذ سمعي وبصري
ما أبغى أشوف احد ولا اسمع احد ليتني ماتزوجت ولا خلقت ف ذي الحياة
178
22K

يلزم عليك تسجيل الدخول أولًا لكتابة تعليق.

تسجيل دخول

ام لمار ومشاري
لا لا تعوذي من ابليس الا الموت لاتدعين على نفسك فيه ربي قادر على كل شي ربي يمهل ولا يهمل
قولي لا اله الا الله

وماعليك من كلام الناس والله ثم والله اعرف لك وحدة مثلك بالضبط حتى وانا اقرا قصتك قلت نفسك تمام لها عشر سنوات ماحملت وحريم اخوانه وخواته ماخلو شي بدق الكلام عليها

وماشاء الله عليها زي برودها ماقد شفت تضحك وتستانس وكل طلعة تروح وتسافر الى ماربي رزقها ولله الحمد ورزقها اربعه مرة وحدة وطبيعي ماشاء الله
وانا اختك مافي شي بعيد عن ربي
وقل ادعوني استجب لكم والطب تطور ولله الحمد هدي نفسك
اسال الله العظيم ان يرزقك بالضنا عاجلاغير اجل
مسكّ العطورّ
مسكّ العطورّ
اخ ياقلبي انتي


طز بالناسسسسس مإقوول الاحسسسبي الله ع كل واحد وحده جرحوووو وحده رزقها بيد الله


ياقلبي لوو نسمع لكلام النااس متنا من القهر


انا مريت باللي مريتي فيه
وكل مانام املي مخدتي دمووع واذا طلعت سوق ومكان فيه اطفال ابكي ودي اضمهم
وماعمرري تخيلت اني بحمل والحمدالله حملت ومازلوو الناسس يتكلمون ويطلعون فيني عيوب


الناسسس مايملى عيونهم الاتراب



طنششي وصدقيني ربي رح يرززقك بسس بيختبر صبرك


والله يرزقك ويرزق كل محرومه
نونهm
نونهm
ياحياتي قولي حسبي الله ونعم الوكيل ولا تعذبين نفسك عشان ناس صغيرة عقل
ﻷاسف هذا مجتمع الحريم ولا ترجين من السلفات خير ابد الا من رحم ربي
كل ماصارلك شي قولي يارب انت حسبي
صدقيني بيرجع الزمن عليهم
وبتشوفين بعيونك


بعدين ياعمري الحياة ماتوقف على الاطفال ادري انها غريزه وعذاب لان ودك بالشي بس خلاص انتي اقتنعي ان ربي مابيخليك وارضي بالمقسوم واذا احد سالك قولي الحمدلله ربي ياخذ ويعطي وذولا الناس لو منك ما اجيهم الا عيد او زواج بس

وكلي ربي كل امورك
وتحسبي عليهم مو تدعين على نفسك
قمر١٥🌚
قمر١٥🌚
اه ياقلبي حبيبتي الصبرالصبرالمؤمن مبتلى لاتخلي الشيطان له طريق عليك وعليك باالاستغفار بكل وقت احنا عندنا وحده متزوجه يمكن فوق15سنه وماحملت للان ومن زوجها العيب وصابره والله انها عادي تحضركل مكان وماتخلي شيء بنفسها الله يرزقها ويرزقك عاجلا غيراجل
زوجه مهموم
زوجه مهموم
ياختي حرام عليكي تدعين ان ربي ياخذ منك نعمه البصر والسمع علشان نعمه الحمل الله يرزقك لاتستعجلي انا تاخرت مثلك والي ازوجن قبلي حملن لكن الحمدلله علاقتي مع الجميع سطحيه والحمدلله صبرت وتصدقت واستغفرت ولما بطلت افكر بالحمل وشلته من راسي ربي رزقني الله كريم وقادر وهو ماخر حملك لحكمه مايعلمها الاهو عزوجل تضرعي له واكثري من الاستغفار ياختي والله انه هو الفرج لك ويارب ماتمر هالشهور الا انتي مبشرتنا بحملك يارب .