أبغى اجعد شعري ,,,,,,,,,؟؟؟

السلام عليكم و رحمة الله و بركاته:

كيفك أم سديم؟؟؟

شوفي أنا شعري جاف و خفيف ، و جربت طريقتين للتجعيد مرررررررررة روووووووووووعة و الكل يسألني كيف مسويته!!!!!!!!!

الطريقة الاولى:

يكون فيها الشعر كأنه مبلول و مجعد ، أولا تغسلين شعرك وهو على تحت يعني تنزلين رأسك على تحت و ترشين الماء عليه ، طبعا لازم يكون الشعر نظيف من قبل ..
و انت منزلة رأسك تحطي عليه زيت خفيف مثل زيت الاطفال تغرقينه بالزيت ، تأكدي أنه كل خصلة جاها زيت و بعد و انت على وضعك ترشينه بالماء مرة ثانية ، و بعدين تجيبين فوطة الراس و تلفينه عليها ، وو تتركينه الى أن تمتص الماء الزائد فيه ، اذا حسيت أنه نشف نصف تنشيف ، نزلي رأسك على تحت و شيلي الفوطة و انت منزلة رأسك و بعدين يكون عندك جل قوي ، أنا أستخدم الازرق القوة القصوى من ولاي ممتاز ، تأخذين الجل و تحطين على كل خصلة في شعرك تغرقينها به ، و لما تخلصي تلفينه بفوطة ناشفة و تخلينه الى ان ينشف تماما ..

لما تحسين انه نشف فكي الفوطة و رجعيه الى ورى و مشطيه بيدك و سوي القصة على كيفك ( للعلم هو ما راح ينشف 100 بـ 100 اللى بعد ما تشيل الفوطة من عليه و انتبهي تمشطينه بالمشط أو الفرشاة كذا يكون تعبك راح سدى..

الطريقة الثانية:
توني مسويتها الاربعاء اللي فات ، و كل ما سويتها يسألوني عن الطريقة حتى مرة سويتها في عزيمة سألتني وحدة وين مسوية البيرم!!! و يقولون انه نفس تجعيد مريام فارس ( أستغفر الله يعلم الله اني لا أقصد التشبه بها و لا طرأت على بالي ) بس ترى كثير من قلت لهم الطريقة بس ما نفع معهم ما أدري ليش فأنت جربي قبل ..

الطريقة: تغرقين شعرك بالماء طبعا يكون نظيف وهو مبلول تحطين زيت الاطفال ( انا أستخدم زيت الاطفال علشان يكون عازل يحمي الشعرة ، بس اذا كان شعرك ناعم لا تحطين ) و بعدين أنشفه بالفوطة بحيث ما يكون يقطر ماء ، كل هذا و انا منزلة شعري على تحت بعد كذا تجيبين بديل الزيت من بانتين و تحطينه على كل شعرك ، و تأكدي انه كل خصلة في شعرك جاها البديل و ممكن تبللين يدك بالماء و تحطين عليها بديل الزيت و بعدين تحطينه على شعرك اذا حسيت انه نشف ، و لما تخلصين لفيه على فوق بشوي شوي كعكع بس بدو ما تضغطي عليه ، و خليه ينشف أنا في البداية ألف عليه فوطة الرأس نصف ساعة و بعدين أشيلها و أخليه بدون حاجة ، خليه كذا الى ان تخلصي لبس و مكياج ، وبعدين فكيه و حطي عليه كريم علشان اللمعة و التثبيت أكثر أنا أستخدم كريم الشاي ريحته مرة حلوة ، و بعدين ساويه بيديك و أبعدي عن المشط و الفرشاة ..


هذه الطرق أخذتها من عالم حواء بس بشوي تعديل أعتمدتها عندي ، و ان شاء الله تنفع معك ، بس لازم تجربين قبل أي مناسبة علشان تشوفي ينفع معك و الا لا ، لانه زي ما قلت لك كم وحدة ما نفع معهم و أقربهم أختي ، لانه شعرها ناعم بس تقول طلع كأنه محيوس ، وهي تبغى نفس تجعيدي ...


يارب أكون أفدتك ، و ياليت تدعين لي أنه يهدي عيالي و يسخرهم لي يارب...

و طمنيني بالنتائج يا حلوة..

والله ما اعرف حبيبتي كان اساعدك

حبيبتي وحده من صديقاتي تجعده في بانتين بديل الزيت اسمه مموج ومنسق
حلو مره انا جربته روعه اذا جربتيه وعجبك علميني برساله عل الخاص
لانه يمكن ما ادخل الموضوع مره ثانيه او عندك سوال انا حاضره عل خاص

يا بعد عمري تسلمون والله ماقصرتم الله يجزاكم الف خير
عيون سعد الله يسخرلك عيالك ويهديهم ويصلحهم ويرزقهم في الدنيا ويبعد عنهم كل شر ويجعلهم من الصالحين البارين بوالديهم ااااااااااامين يارب

تسلمين حياتي ماقصرتي