أبغى اقتراحات لتغيير غرفة النوم

سلام كيفكم يابنات
أنا أبغى أغير شويه في غرفة النوم وياريت لا تبخلون علي بأفكاركم وذوقكم الجميل
لون الغرفه (الأثاث) خشبي ذهبي والصراحه هي كبييييره وعفشه التسريحه بالمره كبيره والدولاب أكبر والمشكله ان الغرفه صغيره يعني جدار مغطى بالدولاب وجدار بالتسريحه وجدار السرير وجدار فيه شباك ..
والبويه نفس لون الأثاث يعني ذهبي والستاره ولحاف السرير برضو نفس اللون:D

والموكيت بيج وطبعا صار بني (من الوسخ)
وأنا كنت أفكر اني أضيف لون تاني للغرفه بس لأنها صغيره مو أي لون حقدر أختار
المهم طبعا الثلاثه الأشياء اللي لازم تتغير هي البويه والموكيت (أبغى أحط سيراميك) والستاره
اش رأيكم اش اللون اللي ممكن يدخل مع الذهبي وطبعا لأن الغرفه صغيره أبغى لون يوسع الغرفه ولأن كل الجدارن مليانه أفكر اني أعمل الستاره موديل بسييييط عشان ماتكون الغرفه زحمه
المهم طولت عليكم ...وأنا انتظر أفكاركم:)