أبغى اوضح نقطه للاخوات المعترضات على المكرمه

السلام عليكم ورحمة الله وبركاته

اخواتي في نقطه ابغى اوضحها للاخوات الي قريت ردودهم في بعض المواضيع..

عن أبي العباس عبد الله بن عباس رضي الله عنه قال كنت خلف النبي صلى الله عليه وسلم يوماً فقال "يا غلام , إني أعلمك كلمات : احفظ الله يحفظك , احفظ الله تجده تجاهك , إذا سألت فاسأل الله وإذا استعنت فاستعن بالله , واعلم أن الأمةلو اجتمعت على أن ينفعوك بشيء لم ينفعوك إلا بشيء قد كتبه الله لك , وإن اجتمعواعلى أن يضروك بشيء لم يضروك إلا بشيء قد كتبه الله عليك , رفعت الأقلام وجفتالصحف " رواه الترمذي وقال : حديث حسن صحيح..

عن عمر رضي الله عنه قال: سمعت رسول الله صلى الله عليه وسلم يقول:
(لو أنكم تتوكلون على الله حق توكله لرزقكم كما يرزق الطير، تغدو خماصا وتروح بطانا). رواه الترمذي

هادا مو كلامي ولا كلام احد ثاني .. هادا كلام الرسول عليه الصلاة والسلام..

يعني لو ربي كاتب لاحد رزق راح يجيه ان شاء الله وما في ولا ستين بطانه ولا ستين ملك يقدر يمنعه عنه ..

بس الواحد يتوكل على الله ويحسن الظن بالله تعالى.. وان شاء الله ربي يحسن الوضع..

وانا ترا مو من اصحاب الملايين ولا عندي بيت ملك ولا سياره جديده وزوجي مديون وعسكري وانتو تعرفو الحال.. بس والله احمد ربي على ما اعطانا ..

الي تقول المكرمه ما شملت الجميع صح كلامها .. بس تتخيل لو لا سمح الله زوجها ولا ابوها ولا اخوها مسجون في قضية دين ولا قضية حق عام .. كيف راح شعورها ..

والله في ناس فرحو بهادي المكرمه بس احنا عيوننا معميه عن هادا الشي..

والواحد ما يطالع الفوقه يطالع الي اسفل منه ..

ويقولوا الي يطالع فوق تنكسر رقبته..

والغنى غنى القلب وغنى النفس..

والله يرزقنا طاعته والجنه اهم شي..

وارجو من الكل تقبل الكلام بطيبت نفس ..

وان شاء الله ما تزيد المشاحنات بين النفوس اكثر من كده في المنتدى..