أبغى راي حكيم

تحياتي ....

بنات أنا أول مرره أستشيركم بموضوع اجتماعي ومعليش أنا عجله وأبغى ردود سريعه بعد هههههههه
ويمكن يكون كلامي مخربط فالمعذره منكم
زوجي فيه طبع عكس طبعي وما أطيق هالطبع فيه عنده ان حقي وحق أهلي وأهله واحد يمون بزود يعني مثلا بنفاس بنتي
جاء يزورني وشاف الوالد بعد عمري مشتري طقم سرير ودولاب ومفرش للمولوده فرح وقال الله يجزى أبوك خير خلاص فكنا من غرفة المولود وغرابيله أنا بساعته ضحكت كنت والله أحسبه يمزح ولاحظوا تراه بنته الأولى
المهم لما طلعت لبيتي بعد النفاس قال وين السرير والحركات والله انقهرت قلت يالغالي الوالد مشتريها لبنتك بس اذا جت عندهم أو سافرت وصرنا عند أهلي قال معليش دقي عليهم خليهم يجهزونه واذا سافرت ولا شي خوذوه معكم
أنا صراحه متأكده ان أهلي ماكان نيتهم الا انه يكون لبنتي اذا جت عندهم وحاطين ببالهم ان أبوه مشتريله كل شي قبل نطلع من النفاس كيف اطلبه منهم احررراج مررره
ولما شاف اني ماعندي نيه اجيب اللي عند أهلي وطلبت منه يشتريله قال ماعندي نيه اشتري وهي كم شهر وتكبر عليه
وطلع لما جاء ياربيه والله فشيله أعظم أثر الرجال راح لبيت أهله ودخل المستودع ولقى سرر وقعادات لبنات خواته وجابهن وحلف ان بنته تستعملهن وأني مالي دخل ولا أتفشل من أهله والله رفع ظغطي مرره
والأسبوع اللي راح بيجون زميلاتي وطلبته أشتري من جيبي ياناس زوليه صغيره للمجلس قال خلاص بعد المغرب
أمرك دخل علي معه زولية أهله وفرشه وقال الحمد لله كبر المكان بالضبط وش رايك يله عاد حبي راسي
والله طاح وجهي ماأدري وش أسوي ومن فتره بعد متفقه معه نشتري مرجيحا للبنت ورحنا للمحل واخترنا اللعبه وقال يبي له طلب وتعالو بعد كم يوم أمس عاد عطيته الفلوس قلت له الله يعافيك مر المحل وهات اللعبه
قال ايه ذكرتين أشوى اننا ماشرينا أمس بالقبو عند أمي مرجيحا لبنات اختي تهول العقل وابجيبه وخلاص
الصراحه أنا اندفعت وقلت ماصارت واحرجتنا وهو تفاجأ وعاند زود وقال والله اني لأجيبه بكرى وش هالدلع والحركات البايخه والحين أخاف يدخل علي معه اللعبه شوروا علي وش أزين بسرعه الله يسعدكم أدق على أم زوجي وأقوله لاتسمحين له ياخذ شي منكم وانه يتصرف من نفسه ولا وش السواة