أبغى طرق تشجيع لطالبات خامس بدار القرآن

أرجووووووووكم ساااااااعدووووووني
أبغى أشياء تحفز الطالبة عالحضور والحفظ
أرجوووووووكم

up
^
^

وعليكم السلام انا مثلك في مدرسة تحفيظ واعاني من هذي المشكلة لكن استخدمت بعض الافكار معهم ونجحت نوع ما مثل فكرة صندوق السحب وهو عبارة عن كرتون صغير مثل كرتون الجزم اكرمك الله ولبسية بالسلوفان ولصقي علية وردة من فوق لزينة ثم اعملي فتحة صغير في الوسط مثل فتحة الحصالة بس تدخل الورقة ثم قفلية بلصق ويفتح مرة في الشهر الطالبة الذي تواظب على الحضور وتسمع في الموعد المحدد ومنضبطة في الفصل اوالحلقة ادخلي اسمها في الصندوق وخلي الطالبة بنفسها تضع الورقة يتحمسون البنات لهذي الحركة وجيبي مجموعة من الهدايا البسيطة الحلوة من يابلاش وهذي المحلات وغلفيها واخر كل شهر سوي سحب على ثلاث بنات وبكذا تقدرين تكسبينهم هذي الفكرة اخذتها من الاخوات في المنتدى الله يجزاهم بالخير وادخلي على موقع حلقات التحفيظ وبتلاقي افكار حلوة والله يوفقنا جميعا ويجعل عملنا خالص لوجة الكريم اتمنى اني افدتك

اختي شوفي رابط موضوعي هذا >>> صندوق المفاجئات
سويته لبناتي في التحفيظ وماشاء الله جداً حفزهم وشجعهم على الحضور والحفظ
الخطوات كتبتها في الموضوع وهذا صورته لو ما ظهر عندك














وهذا رابط لموضوع الاخت سابي سال الله يسعدها
فكرتها مميزة لوحة شرف رااااائعة http://forum.hawaaworld.com/showthread.php?t=2784642

كمان في عندي فكرة الدبابيس سويتها
سهلة ومحفزة بس يبغالها شرح لاني اعتمدت عليها تماااااااااما مع طالباتي
في كل شي الحضور والغياب .. جودة الحفظ .. المراجعة .. المشاغبة .. الزي ..
تقريبا أي شي أبغاه منهم حطيته ضمن خطتي ..

إذا ما فادتك الروابط اللي فوق ممكن اشرحها لك

أختي ( وبعدين يعني )
فكرتك حلوة ماشاء الله
بس كل يوم البنت المؤدبة والشاطرة بتدخل اسمه بالصندوق وعند السحب بيتكرر اسمه !!
إذا أنتي تشوفين التكرار حلو قولي

أختي ( قلب الأمة )
طريقتك بصندوق المفاجئات حلوة وراآائعة جداً
بس أنا ماهمني طريقة تقديم الهدية أن شاء الله لو أحطه بسلة مكشوفه :) أنا أبي شئ يخليهم يتنافسون على تجميع شئ معين حتى يحصلوا عالهدية
وصلت المعلومه

وأعتقد فكرة الدبابيس هي اللي بتناسبني
لو تكرمتي وقلتيها لي عاجلاً لأني أبي أسويها الأسبوع هذا

ولوحة الشرف للأخت سابي سال راآائعة ماشاء الله بس يبيله شغل ووقت وأنا أبي شئ سهل نوعاً ما


وشكراً لكما عالرد ياغاليات
أسعدني مروركم

أختكم
أحلى توتهـ

أوك من عيوني .. راح اشرحها بالتفصيل لأنها دقيقة جداً والله يعينك عليا ..:22:
فكرة الدبابيس بكل بساطة تتلخص في تجميع أكبر عدد ممكن من الدبابيس ...
وعلى أساسه (تجمع الطالبة أكبر عدد من الهدايا)
شوفي يالغالية
جيبي لوحة فلين أي شكل تبغيه ( بس من الفلين العريض عشان تقدري تغرسي الدبابيس فيه) ويكون حجمها وسط
وجيبي الدبابيس الملونة ( اللي راس الدبوس في دائرة ملونة ) عرفتيها؟؟

عن نفسي كان عندي 3 مجموعات بفصلي ..
قسمتهم على اساس مقدار حفظهم ومستواهم وطبعا راعيت العمر لانه له دور كبير
وجبت ورق ملون قصيته على شكل قلوب
كل قلب يحوي مجموعة ..
ولصقت القلوب على الفلين وزينتها بطريقتي .. وكتبت على كل قلب اسم المجموعة

جبت الاستكرات الصغيرة العادية ( لونها أبيض مستطيلة وفي منها صفرا دائرية ) المهم اللي يناسبك
وكتبت على كل استكر اسم بنت وحدة
وطبعا حطيت أسماء البنات بداخل القلوب .. كل بنت بداخل القلب تبع مجموعتها

نهاية اليوم تشوفي كل وحدة كم جمعت دبوس؟
وتغرسي الدبابيس حول اسمها ( طبعا حاولي يكون غرسك للدبابيس بطريقة مرتبة وعلى حدود الاستكر والاسم حيكون مكتوب بالوسط عشان يبان .. يعني لا تغرسي بطريقة عشوائية حتحسي الدنيا حووووسة :eek:.. وطبعا بين فترة وفترة كل ما حسيتي الاستكر صار مغرس وشكله بشع .. غيري الاستكرات وارجعي اكتبي اسماء البنات من جديد ولصقيهم مرة ثانية في الفلين )
المهم هذي الفكرة ككل ...:27:...

الحين نجي للأهم ..
أنا حددت قوانين معينة ووضحتها للبنات من اول الشهر.. أي شي حابة تضيفيه ممكن ..
مثلاً ..
الالتزام بالزي = 1 دبوس
الحضور المبكر = 1 دبوس
الهدوء << كنت أعاني منه بصراحة:06: = 2 دبوس
الحضور وعدم التغيب = 2 دبوس

وبالمقابل ...
عدم الالتزام بالزي = -1 دبوس
الحضور المتأخر = -1 دبوس
المشاغبة والكلام = -2 دبوس أو على حسب ... طبعا بعد ما أنبهها وتكون مطلعة روحي :angry2:
الغياب = -2 دبوس

أما عن الحفظ ..
حفظ متقن بدون أخطااااء = 3 دبابيس <<< وطبعا ما تاخذها الا الطالبة المتميزة
اللي عندها خطأ واحد فقط = 2 دبوس
اللي عندها خطأين = 1 دبوس
اللي عندها أكثر من كذا <<<<<<<< مالها شي :hahaha:

طبعا هذا الشي تدونيه في دفترك كل يوم ...
يعني ممكن تجمعي النقاط ( اللي هي عدد الدبابيس) في دفترك ونهاية الاسبوع تحطيلهم الدبابيس على اللوحة .. ونهاية الشهر تحصدي الثمااااار وتكرميهم
أو ممكن كل يوم بيومه .. كل نهاية يوم تحطيلهم الدبابيس على اللوحة .. ونهاية الأسبوع تكرميهم
على حسب اللي يناسبك
* عن نفسي .. كنت أدون كل يوم بيومه في دفتري الخاص..
وأخلي البنات يحطوا حول اسمهم الدبابيس اللي حصلوا عليها كل نهاية يوم
واخر الاسبوع أجي أنا وأسحب الدبابيس اللي نقصوها :hahaha:.. يعني ما كنت أنقصهم في نفس اليوم .. لالالا أنقصهم اخر الاسبوع وطبعا قدامهم واقولهم السبب ..
مثلا .. تأخرتي عن الحضور يومين وبكذا تكوني نقصتي دبوسين
((( يعني تكون اجتهدت اجتهدت انها تجمع .. وبالأخير تنقهر انها ضيعت كم دبوس .. :oوهالشي يخليها تنتبه الاسبوع القادم وتحاول ما تخسر ولا دبوس )))

نجي ليوم الحصاد ( وهالشي كمان لازم يعرفوه طالباتك من البداية )
انا استخدمت في هاليوم صندوق المفاجئات وكنت حاطته طوال الشهر قدام عينهم بس ما يشوفوا اللي بداخله..
اخر الشهر حددي يوم ( تكريم وحصد الثمار )
وحيكون كالتالي .. اللي جمعت طوال الشهر من ::
** (( دبوس واحد إلى 5 دبابيس )) تحصل على هدية واحدة من صندوق المفاجئات
** (( 6 دبابيس إلى 10 دبابيس )) تحصل على هديتين من صندوق المفاجئات
** (( 11 دبوس إلى 15 دبوس )) تحصل على 3 هدايا
وهكذاااا ..
في بنات متميزات كانوا يجمعوا 30 دبوس ويحصلوا على 8 هدايا <<< وكنت محددة هذا اقصى عدد هدايا ممكن تاخذها الطالبة ... لأنهم فلسووووووني:06: خخخخخخخخخخخ
بس والله كله يهون لما تشوفي فرحتهم وتحصدي ثمار حفظهم واجتهادهم
طبعا الهدايا كلها بسيطة زي الصور اللي حطيتها لك فوووووق ماتكلف شي

طبعا لا تعتمدي على اللي سويته انا .. كل شي انتي تحدديه
ارسمي الخطة بداية في دفترك .. وعلمي طالباتك عليها (( انا اول شهر كنت كاتبتها على لوحة عشان يفهموا الطريقة ليييييين تعودوا عليها بعدين شلتها )) ..

الحلو في فكرة الدبابيس ::: انو هالشي محسوس عيني مرئي قدام الطالبات
* كل طالبة تفرح لما تشوف نفسها جمعت عدد كبير من الدبابيس وتنافست مع مجموعتها
نسيت أقولك .. في يوم التكريم كنت أطلع طالبة مميزة من كل مجموعة .. وأعطيها شي مميز .. وغالبا حتكون الأولى :p

أتمنى فهمتي طريقتي تمااااااااام .. وان شاء الله تنفذيها لأنها مريحة لك وممتعة للطالبات ..
أي سؤااااال أنا حااااضرة ..
دعواااااااااااااااااااااااااااااااااااااااااااااااااااااااتك