أبغى طريقه الكبسه الحساويه وصلصله الدجاج

فوووق

رفععععععع

وانا بعد ابيها

تحمسين البصل مع ثوم مهروس مع القرفه والمسمار وورق الغار وهيل حب وشوية ملح عشان يذبل البصل
ثم تضيفين له الطمام المقطع وسط الى صغير
وحطي بهاراتك وشوي معجون طماطم وشوية ماء وغطي القدر قد دقيقتين عشان يذوب الطماطم
افتحي القدر واخلطي الحمسه وحاولي تهرسين الطماطم بالقدر وانتي تخلطين ثم ضيفي الدجاج وخليه يتسبك وحطي شوي ماء قد بيالة او نص كاس مع الماجي وغطي القدر تقريبا عشر دقايق مع التحريك
وبعدين كبي الماء المغلي وحطي معه ليمون اسود وخلي الدجاج ينضج تمام بعدها شيلي الدجاج حطيه بصينيه ورشي عليه شوية ملح بعدين شوية زيت ودخليه يتحمر
نرجع لماء الرز حطي فلفل قرون ع حسب رغبتك وحطي الرز واطبخيه عادي في البدايه نار عاليه بعدين توطينه الين ينضج الرز
اذا جت تنشف المويه في غطا الزيت عبيه زيت وحطيه ع الرز وغطيه الين يتبخر وبالهنا والعافيه
ولاتنسين تطلعين الدجاجه من الفرن ههههههه

وفيه اضافات ثانيه لو حابتها
ممكن تقطعي كزبرة وتحمسيها مع البصل والطمام
ممكن تقطعي جزر نص دائره واذا جيتي تحطي الرز والفلفل القرون تحطي الجزر معها
وممكن تقلي بطاطس وباذنجان ويكون طبق جانبي مع الكبسه
وممكن تعملي سلطتك العاديه وتاخذي جزء منها بدون ليمون وملح وتحطي فيها مايونيز ومع الرز ياسلاااام ولا اروع
وممكن تعملي دقوس او اسمها شطه حاره وعباره عن فص ثوم ونص طماط وشوية شطه وكزبرة ونص ليمونه وبالخلاط ،، وبث

اتمنى اكون افدتك
دعواتك ان ربي ييسر اموري وان يشفي زوجي

ماشاء الله عليك
طريقتك طعمه ......مشكوره